Jeremías 51:7 - DIOSPA QHELQACHISQ

⁷ Babiloniaqa Tata Diospa makinpi qori vaso jina karqa. Payqa tukuy kay pachata machacherqa. Tukuy suyukunaqa vinonmanta ujyarqanku, chaywantaj yuyayninkuta chinkachikorqanku.

Qheshwa Biblia DC

⁷ Babiloniaqa makiypi uj qori vaso jina karqa, tukuy kay pachatataj machachej. Nacionesqa chay vinomanta ujyaj kanku, yuyayninkuta chinkachinankukama.

DIOSPA QHELQACHISQAN DEUTEROCANONICAL

⁷ Babiloniaqa Tata Diospa makinpi qori vaso jina karqa. Payqa tukuy kay pachata machacherqa. Tukuy suyukunaqa vinonmanta ujyarqanku, chaywantaj yuyayninkuta chinkachikorqanku.

Jeremías 51:7 Referans Kwoze

Apocalipsis 14:8

Chantá chay angelpa qhepanta waj angelñataj rikhurimuspa, nillarqataj: Babilonia jatun llajtaqa urmanña. Arí, urmanña, imaraykuchus chay llajtaqa tukuy suyumanta runata juchalliyta yachacherqa, chantá waj dioskunata kasuyta ima, nispa.

Apocalipsis 17:4

Chay warmeqa kulli yanaraw p'achawan p'achallisqa karqa, qoriwan k'achanchasqa, k'achituta lliphirishaj rumiwan, chantá walqawan ima. Makinpeqa qorimanta vasota jap'isharqa millay imakunawan junt'asqata, khuchichakuspa ch'ichichakusqanwan ima.

Apocalipsis 18:3

Kay pachapi tukuy suyumanta runakuna chay phisu warmi jina Babilonia llajtawan khuchichakuspa machaykorqanku. Kay pachapi kuraj kamachejkunapis paywan khuchichakullarqankutaj, qhatojkunataj qhapajyarqanku, imajtinchus pay sonqonpa tukuy munasqanta rantikorqa, nispa.

Apocalipsis 17:2

Kay pachapi kaj kuraj kamachejkunaqa paywan khuchichakorqanku, kay pachapi tiyakojkunapis paywan khuchichakuypi purispa vinowan jina machaykorqanku, nispa.

Daniel (hebreo) 2:32

Lantej umanqa qorimanta kasqa. Qhasqonwan, makinkunawantaj qolqe metalmanta kasqanku. Wijsanwan, rakhu piernanwantaj broncemanta kasqanku.

Apocalipsis 19:2

Diospa justicia ruwasqanqa cheqan, cheqataj. Chayrayku chay manchay uyarisqa phisu warmita juchacharqa, pichus khuchichakusqanwan kay pachata pierdecherqa, chayta. Diosqa kamachinkunata wañuchisqanmanta chay warmiwan pagachikorqa, nispa.

Apocalipsis 18:23

Manallataj qanpi lamparaj k'anchasqan rikukonqachu, nillataj casarakojkunaj kusikusqankupis uyarikonqañachu, imaraykuchus qhatojniykikunaqa ancha atiyniyoj karqanku, qantaj layqeriyoykiwan tukuy runata q'otiyaspa pantacherqanki.

Daniel (hebreo) 2:38

Payllataj qanta churasorqa kay pachapi kaj chhika runakunata kamachinaykipaj. Chantapis uywakunata, p'isqokunata ima qanpa makiykiman churan. Chayrayku chay lantej qorimanta umanqa qan kanki.

Jeremías 50:38

Yakuyoj mayunkupis ch'akipuchun, imaraykuchus Babiloniaqa millay lantikunayoj suyumin, chay lantikunaraykutaj yuyayninta chinkachikun.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Isaías 14:4

kay jina yarawiwan Babiloniaj kuraj kamachejninpa contranta asikunkichej: Qhawariychej ñak'arichej runa imapichus rikhurisqanta, runaykachaj imaynatachus tukukusqanta.

Jeremías 13:13

Qantaj kutichinki: Tata Dios nillantaj: Kay suyupi tukuy tiyakojkunata machaykuchisaj: Davidpa kamachinan tiyanapi tiyashanku, chay kuraj kamachejkunata, sacerdotekunata, noqamanta sut'inchajkunata, jinallataj Jerusalenpi tukuy tiyakojkunatapis.

Ezequiel 23:42

Chaymantataj ashkha runakunaj kusikuywan ch'ajwarisqanku uyarikorqa. Chay runakunataj ch'innejmanta chayamuspa, chay warmikunata k'achancharqanku, makinkuman brazaletekunata churaspa, umankumantaj k'acha pillukunata churaspa.