Jeremías 51:5 - DIOSPA QHELQACHISQ

⁵ Israel aylluwan, Judá aylluwanqa noqa pichus Israelpa May Llimphu Kaj Diosnin kajpa contraypi juchallerqanku, suyunkutaj juchallisqankuwan junt'a kashan. Chaywanpis noqa Israelpa Tukuy Atiyniyoj Tata Diosnin mana paykunata saqerparinichu.

Qheshwa Biblia DC

⁵ Jinapis Israel aylluwan, Judá aylluwanqa contraypi juchallerqanku, tukuy jallp'amantaj juchata junt'acherqanku. Noqa Tukuy Atiyniyoj Señor, Israelpa Santo Diosnintaj paykunata manaraj qonqarparinichu.

DIOSPA QHELQACHISQAN DEUTEROCANONICAL

⁵ Israel aylluwan, Judá aylluwanqa noqa pichus Israelpa May Llimphu Kaj Diosnin kajpa contraypi juchallerqanku, suyunkutaj juchallisqankuwan junt'a kashan. Chaywanpis noqa Israelpa Tukuy Atiyniyoj Tata Diosnin mana paykunata saqerparinichu.

Jeremías 51:5 Referans Kwoze

Zacarías 12:8

Chaymantataj noqa Tata Diosqa Jerusalenpi tiyakojkunatañataj waqaychasaj. Chaypi pisi kallpayojkuna David jina kallpasapaman tukonqanku, Davidpa ayllunmanta kajkunataj Dios jina kanqanku, paykunaj ñawpaqenkuta rej Diospa angelnin jinataj.

Zacarías 12:6

Chay p'unchaypi Judamanta kurajkunata ruwasaj llant'a ukhupi nina k'ajarishaj jina kanankupaj, trigo marq'a ukhupitaj uj lawrashaj nina jina kanankupaj. Qayllapi kaj suyukunata, lloq'enpi kajta, pañanpi kajtapis phirenqanku. Chantá runakuna watej Jerusalenpi tiyakonqanku.

Oseas 4:1

Israelitakuna, Tata Diospa nisqanta uyariychej. Payqa kay suyupi tukuy tiyakojkunawan quejaman yaykun, imaraykuchus qankuna payta wasanchankichej, nitaj khuyakuyniyoj kayta yachankichejchu, nillataj Diostapis rejsinkichejchu.

Zacarías 2:12

12 (16) Tata Diosqa ujtawan paypaj t'aqasqa Judá suyuta chayaqenpaj jina jap'ikapullanqataj. Jerusalentapis ujtawan paypaj t'aqakonqa.

Miqueas 7:20

Tata Dios, Jacobman imatachus nisqaykita ama qonqaychu, nitaj Abrahamta khuyakusqaykitapis, imaynatachus ñawpa tataykuman tiluspa nerqanki, ajinata.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Oseas 1:10

10 (2.1) Chaywanpis uj p'unchaypi Israelpa mirayninku mama qocha kantupi t'iyu jina kanqanku. Ni pi chimpuyta, nitaj yupayta atenqachu. Mana aylluychu kankichej, nispa ninaytaqa, paykunata nisaj: Qankunaqa noqa kawsaj Diospa wawaykuna kankichej, nispa.

Ezequiel 9:9

Tata Diostajrí kutichiwarqa: Israelmanta jinataj Judamanta runakunaj millay ruwasqankoqa may jatunpuni. Kay suyoqa runata wañuchiywan, millay ruwaywan ima junt'a kashan. Paykuna yuyanku noqa kay suyuta saqerparisqayta, yuyallankutaj imatachus ruwasqankutapis mana rikusqayta.

Ezequiel 8:17

Chantá Tata Dios niwarqa: Runaj churin, imatachus ruwasqankuta rikunkichu? Judá aylloqa chay jina millayta ruwasqanwan mana sajsakunchu. Kay suyuman kallpaman atinikusqa millayta ruwanawan junt'achinku. Astawan astawan phiñachishawanku, millayta ruwasqankumanta asnasqantaj senqayman chayamuwan.

Jeremías 50:20

Noqa Tata Dios nillanitaj: Chaypacha Israelpa juchallisqanta mask'anqanku manataj tarenqankuchu. Judáj juchallisqantapis mask'allanqankutaj, manallataj tarenqankuchu, imaraykuchus noqa juchankuta pampacharqani.

Jeremías 46:28

Noqa Tata Diosmin kayta nini: Ama manchachikuychu, Jacobpa ayllun, imaraykuchus noqa qanwan kashani. Maykunamanchus ch'eqeracherqayki, chay tukuy suyukunata phirisaj. Jinapis qantaqa mana chinkachisqaykichu, manachayqa mana allinta ruwasqaykiman jina jasut'ispa, cheqan ñanman churasqayki. Qanqa jasut'isqapuni kanayki tiyan. Noqa Tata Diosmin chayta nini.

Jeremías 31:37

Manachayrí sichus pipis janajta tupuyta atinman chayqa, sitajchus kay pachatapis cimientonkama qhawaykuyta atinman chayqa, noqapis Israelpa mirayninta tukuy ima ruwasqanmanta qhesachayta atillaymantaj. Noqa Tata Diosmin chayta nini.

Jeremías 23:15

Chayrayku noqa Tukuy Atiyniyoj Tata Dios chay sut'inchajkunaj contrankupi nini: Noqaqa k'allku mikhunata paykunaman mikhuchisaj, venenoyoj yakutataj ujyaykuchisaj, imaraykuchus Jerusalenpi kaj sut'inchajkunaj millay ruwasqankoqa tukuy suyumanña junt'aykun, nispa.

Jeremías 19:4

Chayta ruwasaj, imaraykuchus qankuna saqerpariwarqankichej, kay cheqatataj millachikunayman tukucherqankichej. Kaypi dioskunaman inciensota q'oshñicherqankichej, mayqenkunatachus mana tataykichejkuna, ni qankuna, nitaj Judamanta kuraj kamachejkuna rejserqankuchu, chaykunaman. Chantá kay cheqapi mana juchayoj runakunata wañuchillarqankichejtaj.

Jeremías 16:18

Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

Isaías 62:12

Chaypacha israelitakunata sutichanqanku: “Tata Diospaj T'aqasqa Ayllu”, “Tata Dios Pagaspa Kacharichisqan Kajkuna”, nispa. Jerusalentataj sutichanqanku: “May Munasqa Llajta”, “Mana Saqerpayasqa Llajta”, nispa.

Isaías 44:21

Jacobpa ayllun Israel, qan kamachiy kasqaykita yuyarikuy. Noqamanta ama qonqaychu, imaraykuchus noqa ruwarqayki, qantaj kamachiy kanki.

Salmos 94:14

Tata Dios ayllunta mana saqerparenqachu, nitaj wawankunatapis sapallankuta saqerparillanqatajchu.

Esdras 9:9

Wata runakuna kashajtiykupis, mana saqerpariwarqaykuchu. Khuyakuyniykita rikuchiwarqayku Persiamanta kaj kuraj kamachejpa ñawpaqenpi. Qanmin kawsayta qowarqayku, laqaya Temploykita watejmanta ruwanaykupaj. Judapi, jinallataj Jerusalenpipis waqaychawarqayku.

1 Samuel 12:22

Tata Diosqa sutin yupaychasqa kananrayku mana saqerpasonqachejchu, imaraykuchus payqa ayllunpuni kanaykichejta munan.

2 Reyes 21:16

Chay jawa Manasesqa mana juchayojkunamanta ashkhata wañuchicherqa, Jerusalenpi yawar mayu purinankama. Chayqa wajlla karqa, Tata Diospa ñawpaqenpi Judá suyumanta kajkunata imata ruwaspachus juchallicherqa, chaymanta nisqaqa.

1 Reyes 6:13

Israelitakunawan tiyakusaj, manataj Israel aylluytaqa saqerpayasajchu, nispa.

Oseas 4:2

Aswanpis manakajta tilunkichej, llullakunkichejtaj. Runata wañuchinkichej, jinataj suwankichejtaj. Sapa kuti khuchichakunkichej, kallpaman atinikuspataj, ujkunata ñak'arichinkichej, kutin kutinta runata wañuchinkichej.

Isaías 51:15

Noqamin Tata Diosniyki kani, suteyqa Tukuy Atiyniyoj Tata Dios. Noqamin mama qochata sinch'ita qhollchoqeyachini, jinataj pata patata oqharichini.

Jeremías 14:9

Imajtintaj uma muyusqa runa jina kankiri? Wapu soldado jina kaspapis, manachu yanapayta atiwayku? Chaywanpis Tata Dios, qan noqaykuwan kashanki, noqaykutaj sutiykita yupaychayku. Amapuni saqerpariwaykuchu ari, nispa.

Jeremías 14:19

Chantá Jeremías nerqa: Tata Dios, Judataqa qhesachasqatapunichu qhesachanki? Sión llajtawanqa amichikunkipunichu? Imaraykutaj qhaliyayta mana atinaykupaj jina maqawarqaykuri? Allinpi tiyakuyta suyarqayku, manataj ima allintapis rikorqaykuchu. Qhaliyachisqa kayta suyarqayku, sinch'i mancharikuyllataj kashan.

Jeremías 51:19

Jacobpa Diosninrí mana chay lantikuna jinachu. Payqa tukuy kay pachapi kaj chhikata ruwarqa. Paymin Israel aylluta ajllakorqa paypata kananpaj, sutintaj Tukuy Atiyniyoj Tata Dios.

Oseas 2:1

1 (3) Chaypacha qankuna wawqeykichejkunaman ninkichej: Diospa ayllun kankichej, nispa. Panaykichejkunamantaj ninkichej: Diospa khuyasqan kankichej, nispa.

Oseas 2:3

3 (5) Manachus saqenqa chayqa, imaynatachus paqarerqa, ajina q'alallata saqesaj. Ch'in ch'aki jallp'a jinaman tukuchisaj, yaku ch'akiywantaj wañuchisaj.