Jeremías 50:4 - DIOSPA QHELQACHISQ

⁴ Tata Dios nin: Chay p'unchaypi israelitakuna, jinataj Judamanta kajkuna ima waqaspa Tata Diosninkuta mask'anqanku.

Qheshwa Biblia DC

⁴ Señorqa nin: Jaqay p'unchaykunapi israelitas, jinataj Judamanta kajkuna ima noqa Señor Diosninkuta waqaspa mask'awanqanku.

DIOSPA QHELQACHISQAN DEUTEROCANONICAL

⁴ Tata Dios nin: Chay p'unchaypi israelitakuna, jinataj Judamanta kajkuna ima waqaspa Tata Diosninkuta mask'anqanku.

Jeremías 50:4 Referans Kwoze

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Oseas 1:11

11 (2.2) Chaypacha Judá suyumanta kajkuna, Israel suyumanta kajkunawan ujllaman tantakonqanku. Paykuna uj kamachejllata churakonqanku, chantataj tukuynejmanta Jerusalenman kutimponqanku. Jezrelpa p'unchaynenqa may yuyarisqamin kanqa.

Jeremías 31:31

Tata Dios nillantaj: Uj p'unchay chayamonqa, chay p'unchaypitaj noqaqa Israelwan, Judawan ima mosoj tratota ruwasaj.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

Joel 2:12

Chayrayku Tata Dios nin: Noqaman tukuy sonqo kutirikamuwaychej ayunaspa, waqaspa, llakikuspa ima.

Ezequiel 39:25

Chayrayku noqa Tukuyta Kamachej Tata Dios nillanitaj: Kunanqa Jacobpa mirayninta kutichimpusaj. Israel ayllumantaqa tukuyninkumanta khuyakusaj, manataj may llimphu sutiyta ch'ichichanankuta saqesajchu.

Jeremías 33:15

Chay p'unchaypi Davidpa mirayninmanta uj kuraj kamachejta churasaj, paytaj chay suyupi cheqan kajta, justiciata ima ruwanqa.

Isaías 63:4

Awqaykunamanta vengakunay p'unchay chayamunña, preciota pagaspa kacharichinay p'unchayqa kaypiña.

Isaías 55:6

Tata Diosta mask'aychej, kunan tarinapaj jina kashajtin. Qayllallapiraj kashajtin, Diosta wajyakuychej.

Isaías 45:19

Noqaqa mana pakaypichu parlani, nitaj maynej laqha ukhupichu. Manallataj Jacobpa mirayninta nerqanichu: Maypichus mana ima kanchu, chaypi mask'awaychej, nispa. Noqa Tata Diosmin maychus kajta parlani, cheqantataj imatapis willaykichej.

Isaías 14:1

Chaywanpis Tata Diosqa Jacobpa ayllunmanta khuyakonqa. Israelitakunatataj watejmanta ayllun kanankupaj ajllakonqa, jinaspataj jallp'ankupi paykunata watejmanta tiyachenqa. Chaypacha karu llajtayojkunapis paykunaman ujchakonqanku, Jacobpa ayllunwantaj tiyakonqanku.

Salmos 105:4

Tata Diosta mask'aychej, atiyninpitaj atinikuychej. Payta sapa p'unchay mask'allaychejpuni.

Santiago 4:9

Jinallataj llakikuychej, phutikuychej, jik'un jik'untataj waqaychej. Asisqaykichej waqanaman tukuchun, kusikusqaykichejtaj phutikunaman.

Jeremías 41:6

Chaypacha Netaniaspa churin Ismael Mispamanta paykunawan tinkukoj llojserqa, waqaspataj nerqa: Jamuychej, Ajicanpa churin Gedaliasta imachus qhatirisqanta rikunkichej, nispa.

Ezequiel 16:61

Yuyarikunkitaj millayta purisqaykimanta, p'enqakunkitaj maypachachus kuraj ñañaykita, sullk'aykitapis ususiykikuna kanankupaj qosqayki chaypacha. Ñawpa tratota ruwasqaypi mana chayta ruwanayta nerqanichu chaypis, chaytapuni ruwasaj.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

2 Crónicas 7:14

sichus ajllakusqay aylluy k'umuykuspa, tukuy sonqo mañakamuwanman, sajra kawsayninta saqespataj mask'awanman chayqa, noqaqa janaj pachamantapacha uyarimusaj, juchantataj pampachasaj, jallp'antapis allinyachisaj.

Oseas 11:10

Aswan qhepaman israelitakuna qhepayta jamonqanku. Noqa Tata Diosqa león jina qhaparisaj, qhaparejtiytaj, aylluymanta kajkuna inti yaykuynejmanta kharkatitispa jamonqanku.