Jeremías 5:9 - DIOSPA QHELQACHISQ

⁹ Manachu chay tukuymanta paykunata jasut'iymanri? Manachu chay jinata ruwaj suyuwan pagachikuymanri?

Qheshwa Biblia DC

⁹ Manachu chay tukuymanta jasut'iymanri? Manachu ajina ayllumanqa chayta mask'akusqanman jina qopuymanri?

DIOSPA QHELQACHISQAN DEUTEROCANONICAL

⁹ Manachu chay tukuymanta paykunata jasut'iymanri? Manachu chay jinata ruwaj suyuwan pagachikuymanri?

Jeremías 5:9 Referans Kwoze

Jeremías 9:9

9 (8) Manachu kay millayta ruwasqankumanta paykunata jasut'iymanri? Manachu ajinata ruwaj suyumanqa ruwasqanman jina qopuymanri? Ajinata noqa Tata Dios nini.

Jeremías 5:29

Manachu chay jina ruwasqankumanta paykunata jasut'isajri? Manachu ajina runakunaman chay ruwasqankuman jina kutichisajri? Noqa Tata Diosmin chayta nini.

Nahúm 1:2

Tata Diosqa celoso, vengakojtaj. Payman sayaykojkunamanta vengakunpuni, awqankunapajtaj sinch'ita phiñakun.

Oseas 8:13

Paykunaqa anchatataj uywa ñak'asqata jaywayta munanku, chay jaywasqa aychatapis mikhullankutaj. Noqatajrí mana kusisqachu chayta jap'ikuni. Aswanpis millay ruwasqankumanta yuyarikusaj, juchankumantataj paykunata jasut'isaj. Noqaqa paykunata Egiptoman kutichisaj.

Oseas 2:13

13 (15) Payqa lantikunata yupaychaspa, inciensota q'oshñicherqa. Chantá jaluchukunawan, walqakunawan ima t'ikanchaykukuspa, waynankunaj qhepanta rerqa. Noqarí, mashkha kutitachus pay noqamanta qonqaspa, chayta ruwasqanman jina payta jasut'isaj. Noqa Tata Diosmin chayta nini.

Ezequiel 7:9

Mana khuyasqaykichu. Mana allinpi purisqaykimanta jasut'isqayki, millay ruwasqaykitataj sut'inchasqayki. Ajinamanta qan yachanki noqa Tata Dios kasqayta.

Lamentaciones 4:22

Sión llajta, jasut'isqa kanayki junt'akun. Manaña jayk'ajpis ujtawan pay apachisonqachu. Chaywanpis, qan Edom suyu, jasut'isqapuni kanki, imaraykuchus Tata Diosqa juchaykita sut'iman orqhonqa.

Jeremías 44:22

Tata Diosqa manañapuni chay millay ruwasqaykichejta awantarqachu. Chayraykumin qankunaj llajtaykichejqa ch'inyachisqa kashan, mana runayoj, t'ukunapaj jina maldicisqataj.

Jeremías 23:2

Chayrayku Israelpa Tata Diosnin nillantaj: Aylluyta michejkuna, qankunaqa ovejaykunata ch'eqeracherqankichej, ayqeracherqankichejtaj, manataj allintachu qhawarqankichej. Chayrayku noqapis millayta ruwasqaykichejmanta jasut'isqaykichej. Noqa Tata Diosmin chayta nini.

Isaías 1:24

Chayrayku, noqa Israelpa Tukuy Atiyniyoj Tata Diosnin kayta nini: Noqata chejnikuwajkunamanta cuentata mañasaj, awqaykunamantaj aynita kutichipusajpuni.

Deuteronomio 32:43

Waj suyukuna, Diospa ayllunwan khuska kusikuychej, imaraykuchus Diosqa kamachinkunata wañuchisqankumanta pagachikonqa. Awqankunawan pagachikuspa, payqa suyunpata, ayllunpatawan ima juchankuta pampachanqa, nispa.

Deuteronomio 32:35

Vengakunayqa noqajta, noqataj pagapusaj. Maychus wakichisqay p'unchaypi misk'anqanku, sonqo nanayman tukuchisqa kananku p'unchay qayllallapiña. Juzgasqa kanankupis kayllapiña kashan, nispa.

Levítico 26:25

Trato ruwasqayta mana kasusqaykichejmanta maqanakupi wañuchisqaykichej. Qankunaqa llajtaykichejman pakakoj ayqekunkichej chaypis, noqa chayman onqoyta kachaykamusqaykichej. Qankunataj awqaykichejpa makinkuman urmankichej.

Isaías 57:6

Jerusalén llajta, qanqa wayq'omanta llusk'a rumikunata yupaychayta munanki. Arí, chaypi qanpaj tiyan uj cheqa yupaychanaykipaj. Chay rumikunaman qanqa vinowan ch'allanki, chaymantaj ch'aki mikhuy jaywanata jaywanki. Noqarí chay millay ruwasqaykimanta ch'inllachu kakusaj?

Jeremías 5:10

Awqanku uva huertaman yaykuykuspa, t'ustichunku. Jinapis ama tukuynintachu q'arachunku. Yuranta k'ajllarachunku, imaraykuchus chay uva yurakuna mana Tata Diospatachu.

Jeremías 32:31

Noqa nillanipuni: Kay llajtaqa sayarichisqa kasqanmantapacha kunan p'unchaykama k'arajta phiñachillawan. Chayraykumin kay llajtata ñawpaqeymanta chinkarparichisaj.

Lamentaciones 3:42

Noqaykoqa qanpa contraykita oqharikorqayku, manataj kasukorqaykuchu. Qantaj mana juchaykuta pampacharqankichu.

Levítico 18:25

Chay jina millayta ruwasqankurayku jallp'apis ch'ichichasqa karqa. Noqatajrí chay jina millayta ruwasqankumanta paykunata ñak'aricherqani. Chayrayku chay suyukunapi jallp'aqa, chay jina millayta ruwajkunata ajtuspa jina wijch'umorqa.

Proverbios 6:29

Wajpa warminwan puñuykojpajpis ajinallataj kanqa. Mana juchachasqa kanamanta ayqenqachu.

Jeremías 6:6

Tukuy Atiyniyoj Tata Dios kayta kamachin: Sach'akunata k'utuychej, chaywantaj patachata ruwaychej, Jerusalenman maqanakoj yaykunaykichejpaj. Kay llajta jasut'isqa kananpaj qhawasqaña, imaraykuchus millayta ruwaykunawan junt'a kashan.

Jeremías 6:11

Noqatajrí Tata Diospa phiñakuyninwan junt'asqa kani. Manaña sonqoyta ñit'iykuyta atinichu, nispa. Chayrayku Tata Dios niwarqa: Callepi purishanku, chay wawakunaj patankuman phiñakuyniyta kachaykuy ari, jinallataj waynakunaj patankumanpis. Qharipis warmintin chaypacha presochasqa kanqanku, jinallataj machu runakuna, allin machu runakunapis presochasqallataj kanqanku.

Jeremías 9:8

8 (7) Qallunkoqa wañuchej flecha jina, siminkupis q'otiyanallamanta parlan. Runa masinkuman may misk'ita parlarinku, sonqonkupitajrí misk'anata churaspa, urmachinallapi yuyanku.