Jeremías 5:7 - DIOSPA QHELQACHISQ

⁷ Tata Dios nillantaj: Israel, imaynatataj kay jina juchallisqaykita pampachasajri? Wawaykikunaqa saqerpariwanku, qhasi manakaj diosninkukunaj sutinraykutaj tilunku. Noqaqa sajsakunankukama paykunata mikhucherqani. Chaywanpis paykuna wasanchawarqanku, tukuyninkutaj, maypichus phisu warmikuna sayanku, chay wasiman rerqanku.

Qheshwa Biblia DC

⁷ Señorqa nin: Imaynatataj kay tukuymanta perdonaykimanri? Wawasniyki saqerpariwanku, jurankutaj qhasi mana kaj dioskunasninkunejta. Ashkha mikhunawan atipacherqani, jinapis paykunaqa qhenchachakorqanku, tukuyninkutaj qhencharioman qokaporqanku.

DIOSPA QHELQACHISQAN DEUTEROCANONICAL

⁷ Tata Dios nillantaj: Israel, imaynatataj kay jina juchallisqaykita pampachasajri? Wawaykikunaqa saqerpariwanku, qhasi manakaj diosninkukunaj sutinraykutaj tilunku. Noqaqa sajsakunankukama paykunata mikhucherqani. Chaywanpis paykuna wasanchawarqanku, tukuyninkutaj, maypichus phisu warmikuna sayanku, chay wasiman rerqanku.

Jeremías 5:7 Referans Kwoze

Gálatas 4:8

Ñawpajta qankuna manaraj Diosta rejserqankichejchu. Chaypachataj mana dioschu kanku, chaykunaj wata runan karqankichej.

Jeremías 2:11

Ima suyutaj diosninkuta wijch'uspa, waj diostañataj churakukunri? Chaykunaqa mana dioschu kankupis. Chaywanpis aylloyqa noqa cheqan Dios jatun kayniypa lliphipiyniyoj kashajtiy, saqerpariwanku, qhasi manakaj lantikunata yupaychanankupaj.

Josué 23:7

Ama qankuna ukhupi tiyakoj waj llajtayojkunawan chhapukunkichejchu, nitaj qonqorikuspa diosninkuta yupaychankichejchu. Amallataj diosninkuta kasunkichejchu, ni paykunamanta parlallankichejpischu, nillataj sutinkupi tilunkichejchu.

Deuteronomio 32:21

Manakaj dioskunata yupaychaspa, celosachiwanku. Lantinkuwan sonqoyta t'impurichiwanku. Noqapis paykunata manakaj aylluwan sonqonkuta nanachisaj, mana yuyayniyoj runakunawantaj paykunata phiñachisaj.

Sofonías 1:5

Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

1 Corintios 8:4

Chantá, imatataj nisunman lantikunaman jaywasqa mikhunamantari? Yachanchej jina lanteqa mana imachu kay pachapeqa. Yachallanchejtaj uj k'ata Dioslla kasqanta.

Jeremías 23:10

Kay suyoqa khuchichakuspa millayta ruwanawan junt'a kashan. Kawsayninkoqa millay puriylla, atiyninkutataj mana allin ruwanapaj apaykachanku. Chayrayku Tata Dios kay jallp'ata maldicerqa. Jallp'aqa ch'akiporqa, ch'innejpi kaj pastopis ch'akipullarqataj, nispa.

Deuteronomio 32:15

Chaywanpis Israelqa manchayta qhapajyarqa, ruwajnin Diosmantataj qonqaporqa. Llosq'olla kanankukama wirayarqanku. Ruwajninku Diostataj qonqaporqanku, jark'akoj, qhespichejninkutataj pisipaj qhawarqanku.

Santiago 4:4

Uyariychej, Diosta wasanchajkuna: Manachu yachankichej Diosman mana kutirikojkunaj yuyasqankuman jina kawsajqa Diospa contran kasqanta? Pillapis Diosman mana kutirikojkunaj yuyasqankuman jina kawsanata munakojqa Diospa awqanman tukun.

Jeremías 12:16

Paykunaqa aylluyman Baalpa sutinrayku tiluyta yachacherqanku. Kunanrí aylluy ukhupi tiyakunankupaj yachachisqayta jap'ikunanku tiyan, sutiyraykutaj tiluyta yachananku tiyan: Tata Diospa sutinrayku tiluni, nispa.

1 Corintios 6:9

Manachu yachankichej mana cheqan kajta ruwajkunaqa Diospa kamachiyninman mana yaykunankuta? Ama q'otiyachikuychejchu: Khuchichakuypi purejkuna, lantikunata yupaychajkuna, warminkuta qosankuta wasanchaspa wajwan khuchichakojkuna, qhari kashaspa warmiman tukojkuna, qharipura jinanakojkunapis Diospa kamachiyninman mana yaykonqankuchu.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Amós 8:14

Samariaj lantinkunarayku tilojkunapis, pikunachus ninku: Dan aylloj diosninrayku, chayrí Bersebaj diosninkunarayku tiluyku, nispa, chaykunapis urmanqanku, manañataj ujtawan oqharikonqankuchu.

Oseas 13:6

Chaywanpis maypachachus mikhunawan atipacherqaykichej chaypacha, sajsakuspa, sonqoykichej ukhupi mayta jatunchakorqankichej, jinataj noqata qonqarpariwarqankichej.

Oseas 11:8

Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

Oseas 7:4

Tukuyninku khuchichakuspa purinku. Paykuna q'oñirispa, pariyachisqa horno jina kanku, mayqenchus k'ajarillanpuni masa poqonankama, ajina.

Oseas 4:2

Aswanpis manakajta tilunkichej, llullakunkichejtaj. Runata wañuchinkichej, jinataj suwankichejtaj. Sapa kuti khuchichakunkichej, kallpaman atinikuspataj, ujkunata ñak'arichinkichej, kutin kutinta runata wañuchinkichej.

Ezequiel 22:11

Wakinkunataj runa masinkoj warminwan khuchichakunku, chayrí ñojch'anwan, manachayrí tatanpa ususinta alqochanku.

Jeremías 13:27

Khuchichakuypi purisqaykita rikuni, q'oñiriyniyki jap'isojtin, mana p'enqakuspa, phisu warmi jina purisqaykita. Orqokunapi, jinallataj pampapipis wasanchasqaykita rikullanitaj. Ay, Jerusalén, qanmanta imachus kanqa. Mayk'ajkamataj chay jina ch'ichipaj qhawasqa kallankipuniri? nispa.

Jeremías 9:2

2 (1) Imaynapichus ch'innejpi uj ch'ujllallapis noqajta tiyapuwanman, llajtaymanta karunchakunaypaj, imaraykuchus tukuyninku khuchichakojkuna, puraj uyataj kanku.

Jeremías 3:19

Israel, noqa qanta wawaypaj jina jap'ikapuyta yuyarqani, sumaj moq'ena jallp'ata qonasuypaj, tukuy kay pachapi jallp'amanta aswan sumaj jallp'ata. Noqa yuyarqani: Tatáy, nispa ninawaykita, manataj jayk'ajpis noqamanta karunchakunawaykita.

Jeremías 2:31

Qankuna israelitakuna, noqa Tata Diospa nisqayta allinta uyariychej: Israel, noqa qanpaj sansarej ch'in q'ara pampa jinachu karqaniri? Chayrí, manchachikuna jallp'a jinachu karqani? Ayllúy, imajtintaj ninkichej: Munasqaykuman jina kawsakusqayku, ni jayk'aj qanman kutimusqaykuñachu, nispari?

Salmos 50:18

Suwata rikuspaqa: Allinta ruwanki, nispa jap'ikunki, khuchi runakunawantaj kawsakunki.

Levítico 20:10

Sichus pipis runa masinpa warminwan puñuykunman chayqa, khuchichakun. Iskayninku wañuchisqa kanqanku.

Hebreos 13:4

Casarakunata tukuylla manchay sumaj kasqanta qhawaychej. Jinallataj qhari warmi kajkunapis mana wasanchanakuspa kawsakuychej, imaraykuchus Diosqa khuchichakojkunata, chantá millayta purejkunata ima juzgaspa juchachanqa.

2 Crónicas 13:9

Chaywanpis manachu qankunaqa Tata Diospa sacerdotekunata chantá Aaronpa mirayninmanta kaj levitakunatapis wijch'orqankichej? Manachu mana Diosta rejsejkuna jina, waj runakunata sacerdotepaj churakunkichej? Pillapis sacerdote kayta munajtenqa, uj torillota, qanchis corderotawan apamojtin, pillatapis churashankichej.

Jeremías 7:9

Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Jeremías 16:11

Qantaj paykunaman kutichinki: Tata Dios kay jinata nin: Kay tukuy ima qhatirisunkichej, imaraykuchus ñawpa tataykichej saqerpariwarqanku, waj dioskunaj qhepankutataj riporqanku. Chantá chaykunata yupaychaspa, sirverqanku. Noqata saqerpariwaspataj, kamachisqayta mana junt'arqankuchu.

Jeremías 16:20

Runaqa atinmanchu dioskunata ruwakuyta? Arí, atinman. Jina chayqa, chaykunaqa manapuni dioskunachu kanku, nispa.

Lamentaciones 3:42

Noqaykoqa qanpa contraykita oqharikorqayku, manataj kasukorqaykuchu. Qantaj mana juchaykuta pampacharqankichu.

Job 31:12

Chay jinata ruwasqayqa tukuy imata ruphaykoj nina jina kanman karqa, tukuy kapuwasqanta q'olaykoj nina jina.

Jeremías 3:8

Jinallataj pay rikorqa imaynatachus contraypi oqharikoj Israelta wijch'usqayta, chantá khuchichakusqanrayku paymanta t'aqakusqayta ima. Jinapis Israelpa ñañan wasanchaj Judá mana manchachikorqachu, manachayqa paypis khuchichakunaman qokullarqataj.

Jeremías 9:1

1 (8.23) Jeremiasqa nillarqataj: Imaynapichus ñaweyqa yaku juturi jina kanman, jinamanta tuta p'unchay paran paranta waqanaypaj llajtay ukhupi wañuchisqa kajkunamanta.