Jeremías 5:5 - DIOSPA QHELQACHISQ

⁵ Chayrayku noqa kurajninkukunaman risaj, paykunamantaj parlamusaj, imaraykuchus paykuna imachus Tata Diospa munaynin kasqanta yachankupuni. Diospa kamachisqantapis rejsillankutaj, nispa. Chaywanpis, paykunapis ujllata Diospa contranpi oqharikusqanku, manataj kamachisqanta kasuyta munasqankuchu.

Qheshwa Biblia DC

⁵ Chay jatun wiraqochisman risaj, paykunamantaj parlamusaj. Paykunaqa yachanqankupuni imachus Señorpa munaynin kasqanta, Diospa kamachisqantataj. Chaywampis, tukuyninku Diospa contrampi oqharikusqanku, manataj kasuyta munasqankuchu.

DIOSPA QHELQACHISQAN DEUTEROCANONICAL

⁵ Chayrayku noqa kurajninkukunaman risaj, paykunamantaj parlamusaj, imaraykuchus paykuna imachus Tata Diospa munaynin kasqanta yachankupuni. Diospa kamachisqantapis rejsillankutaj, nispa. Chaywanpis, paykunapis ujllata Diospa contranpi oqharikusqanku, manataj kamachisqanta kasuyta munasqankuchu.

Jeremías 5:5 Referans Kwoze

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

San Lucas 19:14

Llajta masinkunatajrí payta chejnej kasqanku. Chayrayku, kachakunata qhepanta kachasqanku, ninankupaj: Mana munaykuchu chay runa kuraj kamachejniyku kananpaj, nispa.

San Lucas 18:24

Jesustaj chay runa llakikusqanta rikuspa, nerqa: Qhapajkunaqa may ñak'ayllata Diospa kamachiyninman yaykonqanku.

Malaquías 2:7

Sacerdotekunaqa runakunaman yachachinanku tiyan imaynatachus noqata rejsinawankuta, munayniyman jina purinankupaj. Chantá tukuy runakuna paykunaman rinanku tiyan yachayta jap'ikunankupaj, imaraykuchus sacerdotekunaqa Tukuy Atiyniyoj Tata Diospa kachankuna kanku.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Jeremías 6:13

Tukuyninku jatunmanta juch'uykama, mana allinta ruwaspa qolqe mirachiyllapi yuyanku. Jinallataj sut'inchajkuna, sacerdotekunapis runakunata q'otiyanallapi yuyanku.

Éxodo 32:25

Moisés rikorqa Aarón qhawakullasqanrayku, israelitakuna kacharparisqa jina munasqankuta ruwashasqankuta. Rikullarqataj israelitakunaqa tukuy awqanku asikunankupaj jina kashasqankuta.

Jeremías 9:3

3 (2) Tata Diostaj nin: Paykuna llullakunapaj wakichisqapuni kashanku, imaynatachus runa arcota mat'iykun flechata kacharinanpaj, ajinata. Manapuni maychus kajta parlankuchu, manachayqa astawan astawan millay kajta ruwanku. Noqa Tata Diostataj mana rejsiwankuchu, nispa.

Ezequiel 11:2

Chantá Tata Dios niwarqa: Runaj churin, kay kurajkuna mana allin kajta ruwayta yuyashanku, Jerusalén llajtapi tiyakojkunatataj millayta ruwanankupaj umachashanku.

2 Crónicas 36:14

Jinallatataj tukuy runa, sacerdotekunaj kurajninkukunapis astawan juchata yapaykukorqanku, chay waj suyukunaj millay jucha ruwasqankuta ruwaspa. Jinallataj Jerusalenpi Tata Diospaj t'aqasqan Templontapis qhenchacharqanku, mayqentachus Tata Dios ajllakusqa sutin yupaychasqa kananpaj, chay Templota.

Isaías 1:23

Kamachisojkunaqa contraypi oqharikunku, suwajkunaj kawsaqenkutaj kanku. Tukuyninku qolqewan lluk'ichikunku, jinallataj t'inkata qochikuyta mask'anku. Wajcha wawapaj mana justiciata ruwankuchu, nitaj warmisapaj qhaparikusqantapis uyarinkuchu.

Jeremías 2:31

Qankuna israelitakuna, noqa Tata Diospa nisqayta allinta uyariychej: Israel, noqa qanpaj sansarej ch'in q'ara pampa jinachu karqaniri? Chayrí, manchachikuna jallp'a jinachu karqani? Ayllúy, imajtintaj ninkichej: Munasqaykuman jina kawsakusqayku, ni jayk'aj qanman kutimusqaykuñachu, nispari?

Jeremías 8:7

Patata phawaj pariwanakuna mayk'ajchus kutimpunankuta yachanku. Urpikuna, para p'isqokuna, chakisapa yaku pilikuna ima mayk'ajchus wajnejman rinankuta yachanku. Noqaj aylluyrí, kamachisqayta mana yachankuchu.

Jeremías 30:14

Tukuy waynaykikuna qankunamanta qonqapusonqanku, manañataj pipis qankunamanta yuyarikonqankuchu. Noqa qankunata k'irerqaykichej awqaykichejpis kayman jina. May chhika millay ruwasqaykichejmanta manchay sinch'ita jasut'erqaykichej, mana yupay atina juchaykichejmanta ima.

Amós 6:1

Ay, Sionpi ni imamanta llakiyniyoj kawsajkuna. Ay, pikunachus ni imamanta manchachikuspa Samariapi tiyakojkuna. Qankunaqa jatunpaj qhawasqa kankichej waj suyukunapi, jinataj israelitakuna yanapata mask'aspa, qankunaman rinku.