Jeremías 5:21 - DIOSPA QHELQACHISQ

²¹ Wampukuna, mana yuyayniyoj Israel ayllu, kayta uyariychej: Ñawiyoj kankichej, manataj rikunkichejchu. Ninriyoj kankichej, manataj uyarinkichejchu.

Qheshwa Biblia DC

²¹ Kayta uyariy wampu, rumi sonqo Israel ayllu. Ñawisniyoj kanki, manataj rikunkichu, ningrisniyoj kanki, manataj uyarinkichu.

DIOSPA QHELQACHISQAN DEUTEROCANONICAL

²¹ Wampukuna, mana yuyayniyoj Israel ayllu, kayta uyariychej: Ñawiyoj kankichej, manataj rikunkichejchu. Ninriyoj kankichej, manataj uyarinkichejchu.

Jeremías 5:21 Referans Kwoze

Ezequiel 12:2

Runaj churin, mana kasukoj runakuna chawpipi tiyakushanki. Paykunaqa ñawiyoj kaspapis, mana rikunkuchu. Ninriyoj kaspapis, mana uyarinkuchu, imaraykuchus contrayta oqharikoj runakuna kanku.

Hechos 28:26

Kay runakunaman rispa, willamuy: Qankuna uyarillankichej, manataj imachus kasqanta entiendenkichejchu. Qhawashaspapis, mana yachankichejchu imatachus rikusqaykichejta, nispa.

Romanos 11:8

Diospa Qhelqachisqanpi nin: Diosqa kunan p'unchaykama paykunaj yuyayninkuta laqhayacherqa. Chayrayku ñawinkuwan mana rikunkuchu, nitaj ninrinkupis uyarinchu, nispa.

San Juan 12:40

Diosqa ñawinkuta ñawsayacherqa, sonqonkutataj rumiyacherqa, ñawinkuwan ama rikunankupaj, nitaj sonqonkuwan unanchaspa, noqaman kutirikamunankupaj, noqa paykunata qhaliyachinaypaj, nispa.

Jeremías 4:22

Tata Dios nin: Israel aylloyqa ancha wampu kanku, mana rejsikapuwanchu. Mana yuyayniyoj wawakuna kanku, mana allintachu unanchakunku. Juchallinankupajqa churasqa kanku, allin kajtatajrí mana ruwayta yachankuchu, nispa.

Marcos 8:18

Ñawiyoj kashaspapis, manachu rikunkichej? Ninriyoj kashaspapis, manallatajchu uyarinkichej? Manachu yuyarikunkichej

Jeremías 8:7

Patata phawaj pariwanakuna mayk'ajchus kutimpunankuta yachanku. Urpikuna, para p'isqokuna, chakisapa yaku pilikuna ima mayk'ajchus wajnejman rinankuta yachanku. Noqaj aylluyrí, kamachisqayta mana yachankuchu.

Jeremías 5:4

Noqatajrí sonqoypi nerqani: Wajcha runakunalla wampu ajina kanku, imaraykuchus Tata Diospa munayninta mana yachankuchu, nitaj Diosninkoj kamachisqantapis rejsinkuchu.

Isaías 44:18

Chay runakuna mana imatapis yachankuchu, nitaj entiendenkuchu imatachus ruwashasqankuta, imaraykuchus qhawashaspapis ñawsakuna kanku, manataj yuyayninkupipis imachus kasqanta jap'eqayta atinkuchu.

Salmos 94:8

Unanchaychej, mana yuyayniyoj wampu runakuna. Mayk'ajtaj yuyayniykichejman kutirikunkichejri?

Isaías 27:11

Samariapi tiyakojkunaqa ch'aki sach'a jina kanku, mayqentachus warmikuna pallaytawan, q'onchapi ninaman enqhanku wayk'unankupaj, ajina. Israelitakunapis wampu mana yuyayniyoj kanku. Chayrayku paykunata Ruwajqa mana paykunamanta khuyakonqachu, manataj sonqontapis nanachikonqachu.

Proverbios 17:16

Imapajtaj wampoqa qolqe oqharisqa yachayta rantej jamun mana yuyaynin kashajtinri? Yachayqa mana qolqewanchu rantikun.

Deuteronomio 32:6

Wampu runakuna, mana yachayniyojkuna, ajinatachu Tata Diosmanqa pagankichej? Manachu payqa tataykichej, ruwasojniykichejtaj? Paymin qankunata ruwasorqachej, kawsaytataj qosorqachej.

Deuteronomio 29:4

4 (3) Chaywanpis kunankama Tata Diosqa entiendej sonqota manaraj qosunkichejchu, nitaj reparanaykichejta munanchu imaraykuchus chaykunata ruwasqanta.

Oseas 7:11

Efrainqa mana yuyayniyoj mancharisqa urpi jina. Egiptomanta yanapananta mañakun, yanapata mask'aspataj, Asiriamanpis qayllaykullantaj.

Jeremías 10:8

Lantikunata yupaychajkunarí wampu kanku, manataj uj chhikan yuyayninkupis kanchu. K'ullumanta ruwasqa lanteqa mana imatapis yachachiyta atinchu.

Marcos 4:12

Ñawpa qhelqakunapi kay jinata nin: Qhawashaspapis, mana yachakonqankuchu. Uyarishaspapis, mana entiendenqankuchu. Ajinamanta, Diosman mana kutirikonqankuchu, juchankupis manallataj pampachasqachu kanqa, nispa.

Romanos 1:20

Chayqa ajina, imaraykuchus Dios mana rikuy atina kasqan, jinataj wiñaypaj atiyniyoj kasqan, chantá Dios kasqanpis, sut'ita yachakun kay pachata ruwasqanpi. Ajinaqa mana pipis niyta atinmanchu: Diosmanta mana imatapis yacharqanichu, nispaqa.

Isaías 43:8

Tata Dios nillantaj: Aylluy ukhumanta wajyamuychej, pikunachus rikushaspapis mana rikunkuchu, uyarishaspapis mana uyarinkuchu, chaykunata.

Jeremías 5:20

Israelman kayta willaychej, Judamantaj niychej:

Jeremías 6:10

Chantá noqa Jeremías kuticherqani: Pimantaj uyarinawankupaj willamusajri? Paykuna joq'araman tukunku, manataj uyariyta munankuchu. Tata Diospa nisqanta mana munakunkuchu, nitaj chaywan misk'ichikunkuchu.

Zacarías 7:11

Ñawpa tataykichejkunatajrí mana kasuta ruwawarqankuchu. Tukuyninku wasanchawarqanku, mana uyarejtaj tukorqanku.

Deuteronomio 29:3

3 (2) Qankunaqa musphana ruwasqanta, runa mana jayk'aj rikusqan t'ukunata, chantá manchay t'ukunapaj jina ruwasqanta rikorqankichej.

Jeremías 7:13

Mashkha kutita parlapayarqaykichej, qankunatajrí mana kasuwayta munarqankichejchu, nitaj uyarillawaytapis munarqankichejchu.