Jeremías 5:19 - DIOSPA QHELQACHISQ

¹⁹ Chantá llajta masiykichejkuna tapusonqachej: Imaraykutaj kay jinata Diosninchej Tata Dios ruwawarqanchejri? nispa. Chaypachataj kay jinata kutichiychej: Imaynatachus qankuna Tata Diosta saqerparispa, kikin llajtaykichejpi chay mana rejsisqa dioskunaj kamachiyninpi karqankichej, ajinallatataj kunan waj suyupi mana rejsisqa runakunaj kamachiyninpi kankichej, nispa.

Qheshwa Biblia DC

¹⁹ Maypachachus tapusonqachej: Imaraykutaj kay tukuyta Señor Diosninchej ruwawarqanchejri?, nispa chayqa kay jinata kutichiychej: Imaynatachus Señorta saqerparispa, kikin jallp'aykichejpi yupaychaj kankichej, chay mana rejsisqa dioskunata, ajinallatataj sirvinaykichej kanqa waj llajtayoj mana rejsisqa runata.

DIOSPA QHELQACHISQAN DEUTEROCANONICAL

¹⁹ Chantá llajta masiykichejkuna tapusonqachej: Imaraykutaj kay jinata Diosninchej Tata Dios ruwawarqanchejri? nispa. Chaypachataj kay jinata kutichiychej: Imaynatachus qankuna Tata Diosta saqerparispa, kikin llajtaykichejpi chay mana rejsisqa dioskunaj kamachiyninpi karqankichej, ajinallatataj kunan waj suyupi mana rejsisqa runakunaj kamachiyninpi kankichej, nispa.

Jeremías 5:19 Referans Kwoze

Jeremías 16:13

Chayraykumin kay suyumanta wijch'usqaykichej, mana tataykichej nitaj qankunapis rejsisqaykichej suyuman. Chaypitaj tuta p'unchay mana rejsisqaykichej dioskunata yupaychankichej, imaraykuchus manapuni qankunamanta khuyakusajchu, nispa.

Jeremías 13:22

Sitajchus tapukunkichej: Imaraykutaj kay llakiy qhatiriwan? nispa chayqa, allinta yachaychej jatunta juchallikusqaykichejrayku chay chayamusqanta. Chayraykumin chay awqakuna p'achaykichejta q'ollurispa, qankunamanta alqochakusonqanku.

Lamentaciones 5:8

Wata runakunaj makinpi kayku. Ni pipis kanchu chaykunaj makinkumanta kacharichinawaykupajqa.

Jeremías 2:35

Chaywanpis qan ninkiraj: Noqa mana juchayojchu kani. Diosqa mana noqawan phiñasqachu kashan, nispa. Kunantajrí qan mana juchayoj kasqaykita nisqaykirayku, qanwan pleitota oqharisaj.

Jeremías 2:13

Aylloyqa iskay imakunata ruwaspa, juchallin: Noqa kawsaj juturi yaku jina kashajtiypis, saqerpariwarqanku. Chaymantataj paykunaqa waj qochata allakorqanku, yakuta mana sayachej qochata.

Jeremías 2:14

Israelqa mana wata runachu nitaj kamachi kananpajchu paqarikorqa. Jina kajtenqa, imaraykutaj wajkuna tukuy kapuyninta qhechunkuri?

Jeremías 5:18

Tata Dios nillantaj: Chaywanpis chaypacha mana chinkachisqatachu chinkachisqaykichej.

Jeremías 5:20

Israelman kayta willaychej, Judamantaj niychej:

Jeremías 9:13

13 (12) Tata Diostaj kuticherqa: Kay llakiykuna paykunata qhatirin, imaraykuchus kamachisqayta saqerpayaspa, mana kasuwarqankuchu, nitaj nisqayta ruwaspa junt'arqankuchu.

Jeremías 9:12

12 (11) Pitaj yachayniyoj kanman kay imakunata sut'inchananpajri? Pimantaj Tata Dios chaykunamanta sut'incharqa, wajkunaman willananpajri? Imaraykutaj kay suyu ch'inyachisqa kashan, ch'aki pampa mana pejpa purinan jinari? nispa.

Jeremías 17:4

Imatachus chayaqeykipaj qorqayki, juchallisqaykirayku paykuna chay suyuta qhechusonqanku. Chantá awqaykej kamachinpi kanki mana rejsisqa suyupi, imaraykuchus phiñakuyniyta ninata jina k'ajaricherqanki, chaytaj wiñaypaj lawranqa, nispa.