Jeremías 5:1 - DIOSPA QHELQACHISQ

¹ Tata Dios nin: Jerusalén llajtaj callenkunata purimuspa, allinta qhawaychej, plazakunapitaj mask'aychej. Ichapis pillatapis cheqanta ruwajta tariwajchej, tukuy ruwasqanpi mana llullakojta ima. Sichus ujllatapis tariwajchej chayqa, Jerusalenpi tiyakojkunaj juchankuta pampachasaj.

Qheshwa Biblia DC

¹ Señorqa nin: Jerusalempa callesninta allinta qhawaspa muyuykachaychej, plazasnejta mask'aychej, ichachus pillatapis tarinkichej cheqan kajta ruwajta, tukuy ruwasqampi mana llullakojta. Pillatapis tarinkichej chayqa, Jerusalén llajtata qhespichisaj.

DIOSPA QHELQACHISQAN DEUTEROCANONICAL

¹ Tata Dios nin: Jerusalén llajtaj callenkunata purimuspa, allinta qhawaychej, plazakunapitaj mask'aychej. Ichapis pillatapis cheqanta ruwajta tariwajchej, tukuy ruwasqanpi mana llullakojta ima. Sichus ujllatapis tariwajchej chayqa, Jerusalenpi tiyakojkunaj juchankuta pampachasaj.

Jeremías 5:1 Referans Kwoze

Ezequiel 22:30

Chay runakuna ukhupi noqa uj runallatapis mask'arqani, pillapis kay suyoj allinninta mask'aspa, ñawpaqeypi noqamanta mañapunanpaj ajinamanta ama paykunata chinkachinaypaj. Chaywanpis mana ujllatapis tarerqanichu.

2 Crónicas 16:9

Tata Diosqa tukuy kay pachata qhawamushan, tukuy sonqo payllapi atinikunku, chaykunata kallpachananpaj. Ben Adadwan trato ruwaspa wampu runa jina ruwanki. Chayrayku kunanmanta ñawpajmanqa maqanaku kallanqapuni, nispa.

Isaías 59:4

Mana pipis justiciata munajqa kanchu, nitaj pipis juezpa ñawpaqenpi llimphu sonqowan parlarinchu. Manachayqa qhasi manakajllapi atinikunku, llullata parlaspa. Millay kajllata ruwayta yuyaychakunku, chantataj juchallillankupuni.

Salmos 14:3

Tukuyninku cheqan ñanmanta pantaykunku, tukuy millayta purinaman qokunku, manataj pipis allinta ruwajqa kanchu, ni ujllapis.

Proverbios 20:6

Ashkha runakuna sumaj kawsaqe kasqankuta ninku. Chaywanpis, atinikunapaj jina runakunaqa pisilla kanku.

Salmos 12:1

1 (2) Qhespichiwayku Tata Dios, imaraykuchus qanta may jatun respetowan qhawajkunaqa manaña kankuchu, nillataj ch'uwa sonqoyoj runakunapis.

2 Tesalonicenses 2:10

Jinataj pay chinkayman rejkunata tukuy imaymanata ruwaspa, q'otiyanqa. Paykuna chinkayman rishanku, imaraykuchus cheqa kajta mana jap'ikorqankuchu nitaj munakorqankuchu, chaynejta qhespichisqa kanankupaj.

San Lucas 14:21

Chantá chay kamacheqa kutimuspa, chay tukuyta patronninman willasqa. Patronrí sinch'ita phiñakuspa, kamachinta nisqa: Riy usqhayta kay llajtaj plazanta, callenkunata ima, pusaramuytaj tukuy wajchakunata, ñuk'ukunata, ñawsakunata, suchukunata ima, nispa.

Zacarías 2:4

4 (8) Jinataj pay nerqa: Usqhayta chay waynaman nimuy: Aswan qhepaman may chhika runakuna watej Jerusalenpi tiyakonqanku, paykunataj may chhika uywayoj kanqanku. Chayrayku llajtapis manaña perqawan muyuchisqachu kanqa, nispa.

Amós 8:12

Runakuna tukuynejta thamaykachanqanku Tata Diospa nisqanta mask'aspa. Renqanku uj mama qochamanta uj mama qochaman, wichaynejmantataj inti llojsimuynejman. Chaywanpis manapuni nisqayta tarenqankuchu.

Joel 2:9

Llajtaman yaykuykunku, perqa patata, wasi patantapis wasaykunku. Suwakuna jina ventananta yaykuykunku.

Daniel (hebreo) 12:4

Qantajrí Daniel, kay imakunata sonqollaykipi jap'iy, tukukuy p'unchay chayamunankamataj chay p'anqata sellaykuy. Ashkha runakuna kayman jaqayman phawarenqanku, tukuy imamanta astawan yachayta munaspa, nispa.

TAKIYKUNA 3:2

Chantá jatarikuspa, tukuynin llajtata mask'aspa purerqani. Tukuy ñankunanejta, plazakunanejta sonqoypa munasqanta mask'arqani, nitaj tarikaporqanichu.

Proverbios 23:23

Cheqa kajta rantikuy, amataj vendeychu. Jinallataj yachaytapis, unanchaytapis, yuyayniyoj kaytapis amallataj vendeychu.

Proverbios 8:3

Llajtaman yaykuna punkukunapi, chantá wasi punkukunapi ima kay jinata uyarichikun:

1 Reyes 19:10

Paytaj kuticherqa: Tukuy Atiyniyoj Tata Diosníy, noqaqa anchatapuni qanmanta sienteni, imaraykuchus israelitakunaqa paykunawan tratota ruwasqaykita wasanchaspa, altarniykita urmarachinku. Qanmanta sut'inchajkunatapis wañurachinku. Noqallaña qhepakuni. Chaywanpis noqatapis wañuchinawankupaj mask'ashawanku, nispa.

Jeremías 2:29

Imaraykutaj noqawan churanakuwankichejri? Qankuna tukuyniykichejmá contrayta oqharikorqankichej. Noqa Tata Dios ajinata nin.

Jeremías 44:15

Chantá tukuy warmi, tukuy qhariwan ima, pikunachus yacharqanku warminku inciensota waj dioskunaman q'oshñichisqankuta, chaykuna, pikunatajchus Egiptopi Patros chaynejpi tiyakojkuna ima tantaykukuspa, Jeremiasman kuticherqanku:

Salmos 14:2

Janaj pachamantapacha Tata Diosqa runakunata qhawamun, Diosta mask'aj yuyayniyoj runata ujllatapis tariyta munaspa.

Salmos 94:16

Pitaj sayarimuspa, jark'akuwanqa millayta ruwaspa purej runakunamantari?

Jeremías 8:6

Uyarisqayman jina mana pitapis cheqanta parlajta uyarinichu. Mana pipis millayta ruwasqanmanta Diosman kutirikuspa, ninchu: Imatataj ruwakuniri? nispaqa. Sapa ujninku ñanninkuta imata jina t'ijurinku, maqanakuman phawaspa t'ijurej caballokuna jina.

Jeremías 9:2

2 (1) Imaynapichus ch'innejpi uj ch'ujllallapis noqajta tiyapuwanman, llajtaymanta karunchakunaypaj, imaraykuchus tukuyninku khuchichakojkuna, puraj uyataj kanku.

Jeremías 9:7

7 (6) Chayrayku noqa Tukuy Atiyniyoj Tata Dios nillanipuni: Imatañataj kay aylluywan astawan ruwayta atiymanri? Noqaqa qorita jina ninapi unuyachispa, paykunata ch'uwachasaj.

Ezequiel 9:9

Tata Diostajrí kutichiwarqa: Israelmanta jinataj Judamanta runakunaj millay ruwasqankoqa may jatunpuni. Kay suyoqa runata wañuchiywan, millay ruwaywan ima junt'a kashan. Paykuna yuyanku noqa kay suyuta saqerparisqayta, yuyallankutaj imatachus ruwasqankutapis mana rikusqayta.