Jeremías 49:1 - DIOSPA QHELQACHISQ

¹ Amón suyoj contranpi Tata Dios kay jinata nerqa: Manachu Israelqa wawakunayoj? Israelpataqa manachu pininpis tiyanri? Imaraykutaj Milcón lanteqa Gadpa jallp'anta jap'ikapun? Imaraykutaj amonitakuna Gadpa llajtankunapi tiyakushankuri?

Qheshwa Biblia DC

¹ Señormanta uj willay jamun, Amón imaynatachus kananmanta: Maypitaj kashanku Israel runaspa wawasninri? Maypitaj kashanku chayaqeykita jap'ikusojkunari? Imaraykutaj dios Milcomña kunan Gadmanta dueño kashanri? Imaraykutaj amonitasqa llajtankupi tiyakushankuri?

DIOSPA QHELQACHISQAN DEUTEROCANONICAL

¹ Amón suyoj contranpi Tata Dios kay jinata nerqa: Manachu Israelqa wawakunayoj? Israelpataqa manachu pininpis tiyanri? Imaraykutaj Milcón lanteqa Gadpa jallp'anta jap'ikapun? Imaraykutaj amonitakuna Gadpa llajtankunapi tiyakushankuri?

Jeremías 49:1 Referans Kwoze

Deuteronomio 23:3

3 (4) Amonitakuna, jinataj moabitakunapis nillataj Tata Diospa sutinpi tantakuyman jayk'ajpis yaykonqankuchu. Chunka mirayninkamapis mana yaykonqankuchu.

Jeremías 49:7

Tukuy Atiyniyoj Tata Diosqa Edommanta parlaspa, nin: Manañachu Temán llajtapi yachayniyojkuna tiyan? Yachaysapakunaj yuyaychasqanku chinkapunchu? Yachayninku phuyu jinachu chinkapun?

Jeremías 25:21

Chaymantaqa Edom suyuman, Moabman, Amón suyuman ima ujyachillarqanitaj.

2 Crónicas 20:1

Chay qhepata moabitakuna, amonitakunawan, wakin meunitakuna ima tantaykukuspa, Josafatpa contranpi maqanakoj jamorqanku.

Jeremías 49:28

Cedar llajtamanta, Jazor llajtamantawan, mayqenkunatachus Babiloniata kuraj kamachej Nabucodonosor atiparqa, chaykunamanta Tata Dios nin: Oqharikuychej, Cedar llajtaj contranta maqanakoj riychej. Inti llojsimuynejmanta kaj runakunata wañuchispa, tukuchiychej.

Jeremías 49:23

Damascomanta parlaspataj, Tata Dios nerqa: Jamat llajta, Arfad llajta ima may p'enqachisqa kashanku, willajkuna llakiyta uyarichisqankurayku. Llakiywan junt'a kashanku, mana imatapis ruwayta atispa.

Jeremías 48:1

Israelpa Tukuy Atiyniyoj Tata Diosnenqa Moabpi imachus kananmanta kayta nin: Ay, Nebo llajtamanta, manaraj imapi raqayman tukuchisqa kanqa. Quiriatayin llajtata jap'ispa, k'umuykachachenqanku. Sumaj jark'achasqa llajtakunapis urmachisqa kanqanku.

Jeremías 27:3

Chantá kay suyukunamanta tukuy kuraj kamachejkunaman willachiy: Edomman, Moabman, Amonman Tiroman, Sidonman ima. Paykunaqa Jerusalenman Judata kuraj kamachej Sedequiasta waturikunankupaj runakunata kachamusqanku, qantaj chay kachakunanejta kay nisqayta willachiy.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Salmos 83:7

7 (8) Gebalmanta kajkunapis oqharikullankutaj, Amonmanta, Amalecmanta, Filisteamanta, chantá Tiropi tiyakojkuna ima.

Salmos 9:6

6 (7) Awqaykoqa wañunña, paywan khuskataj llajtankunapis thuñisqa, chay llajtakunamantataj niña pipis yuyarikunñachu.

Nehemías 4:7

Chantá Jerusalenpa perqanta watejmanta oqharishasqaykuta, q'asantataj wisq'ashasqaykuta ima yachaspa, Sambalat, Tobías, Arabia llajtayojkuna, Amonmanta kajkuna, Asdodmanta kajkunapiwan mayta phiñakorqanku.

Nehemías 2:19

Jinapi Horonmanta Sambalat, kamachej amonita Tobiaswan, chantá Arabia llajtayoj Guesenpis chayta yachaspa, noqaykumanta asiykukuwarqayku, pisipaj qhawaspataj, niwarqayku: Imatataj pakaymanta ruwanayashankichejri? Kuraj kamachejpa contranpichu oqharikuyta munashankichej? nispa.

2 Crónicas 20:23

Chaypacha amonitakunaqa, moabitakunawan ima Seír orqomanta kajkunata wañuchej sayaykorqanku, tukuyninkuta wañuchiytawantaj, paykunapurañataj wañuchinakullarqankutaj.

2 Reyes 24:2

Chantá Tata Diosqa Joacinpa contranta suwa runakunata kachaykamorqa caldeokunamanta, siriokunamanta, moabitakunamanta, amonitakunamantawan ima. Chaykunata Judá suyuta tukuchinankupaj kachamorqa, Diosqa paymanta sut'inchajkunanejta nisqanman jina junt'ananpaj.

2 Reyes 10:33

Inti llojsimuynejman, Jordán mayumantapacha, tukuy Galaad jap'iyta, Gad, Rubén, Manasés jatun ayllukunaj jap'iyninkuta ima maqanakupi atipaspa, jap'erqa. Jinallataj Aroer cheqaman, Arnón wayq'omantapacha, Galaadkama chantá Basankama chayarqa.

Deuteronomio 2:19

Maypachachus amonitakunawan tinkukunkichej chaypacha, ama paykunata t'ojpinkichejchu, nitaj paykunawan maqanakunkichejchu, Lotpa miraynin kasqankurayku. Noqaqa jallp'ankuta mana qosqaykichejchu, imaraykuchus chay jallp'ataqa paykunamanña qopuni, nispa.

Génesis 19:38

Sullk'a kajpis wawayojllataj karqa, paytataj suticharqa Ben Amí sutiwan. Chantá paymanta mirajkuna amonitakuna nisqa karqanku.

Números 1:24

Gad jatun ayllumanta yupasqa kajkunataj 45.650 qharikuna karqanku.

Deuteronomio 23:4

4 (5) Paykunaqa mana yakullatapis jaywarisorqachejchu, nitaj mikhunatapis qorisorqachejchu maypachachus paykunaj jallp'ankuta Egiptomanta llojsimuspa pasasharqankichej, chaypacha. Chantapis paykunaqa Mesopotamiapi Petor llajtamanta Beorpa churin Balaamman pagarqanku, qankunata maldicisunanpaj.

Jeremías 12:14

Tata Dios ajinata nillantaj: Israel suyoj muyuyninpi tiyakoj millay runakunamanta, pikunachus Israelman qosqay jallp'ata jap'ikapunku, chaykunamanta nini: Noqaqa paykunata suyunkumanta t'irasaj, Judatataj paykunaj chawpinkumanta orqhomusaj.

Sofonías 1:5

Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

Ezequiel 21:25

25 (30) Qanpajrí, Israelpa kuraj kamachejnin, runa wañuchi millay kamachej, jasut'isqa kanayki p'unchay qayllamunña, millayta ruwanayki tukukunanpaj.

Ezequiel 25:1

Tata Dios ujtawan niwarqa: