Jeremías 47:4 - DIOSPA QHELQACHISQ

⁴ Filisteokunata yanaparej llajtakunapis Tirotawan, jinataj Sidontawan Tata Dios chinkarparichillanqataj. Arí, Tata Diosqa Creta churupi llajtamanta yaykumoj filisteokunata chinkachenqa.

Qheshwa Biblia DC

⁴ Filisteosta urmachina p'unchay chayamunña, Tiromanta, jinataj Sidonmanta yanapajninkuta qhechunku chay p'unchaypis. Arí, Señorqa filisteosta tukuchenqa, Creta churupi llajtamanta yaykumojkunata.

DIOSPA QHELQACHISQAN DEUTEROCANONICAL

⁴ Filisteokunata yanaparej llajtakunapis Tirotawan, jinataj Sidontawan Tata Dios chinkarparichillanqataj. Arí, Tata Diosqa Creta churupi llajtamanta yaykumoj filisteokunata chinkachenqa.

Jeremías 47:4 Referans Kwoze

Amós 9:7

Tata Dios kay jinata nin: Israelitakuna, qankuna noqapaj Etiopiamanta kajkuna jinalla kankichej. Imaynatachus Egiptomanta pusamorqaykichej, ajinallatataj filisteokunatapis Cretamanta pusamorqani, arameokunatapis Quirmanta pusamorqani, nispa.

Isaías 20:6

Chaypacha mama qocha kantupi tiyakojkuna nenqanku: Qhawariychej atinikusqanchej suyu imapichus rikhurisqanta. Ima mana allin kajtinpis, payman qayllakoj kanchej, Asiriata kuraj kamachejmanta jark'akunawanchejpaj. Kunanrí imaynallatataj ayqekusunri? nispa.

Deuteronomio 2:23

Jinallatataj Caftorkunapis Cretamanta jamuspa, Gaza qayllapi tiyakoj aveokunata chinkachillarqankutaj. Chaypitaj paykuna tiyakaporqanku.

Oseas 9:7

Jasut'ina p'unchay chayamunña. Ña chayamunña ruwasqankuman jina pagana p'unchay. Israelpis yachanqa chay p'unchay chayamusqanta. Qankuna ninkichej: Diosmanta sut'inchajqa wampu, yuyaychaj runapis mana yuyayniyoj, nispa. Chayta ninkichej ruwasqaykichej chay jina millay kasqanrayku, jinataj chejnikuywan junt'a kasqaykichejrayku.

Ezequiel 21:29

29 (34) Paykunaj mosqoypi jina rikusqankoqa qhasilla, llullataj. Chay espadaqa urmanqa millayta ruwajkunata wañuchinanpaj, juchachasqa kajkunaj kunkankuta qholurananpajtaj. Paykunata jasut'inaypaj p'unchayqa chayamunña, millayta ruwananku tukukunanpaj.

Ezequiel 21:25

25 (30) Qanpajrí, Israelpa kuraj kamachejnin, runa wañuchi millay kamachej, jasut'isqa kanayki p'unchay qayllamunña, millayta ruwanayki tukukunanpaj.

Ezequiel 7:12

Kunan chay p'unchay chayamunña. Vendejpis, rantikojpis manaña kusikuchunkuchu, imaraykuchus noqa tukuy paykunata jasut'isaj.

Jeremías 46:10

Chaymin Tukuy Atiyniyoj Tata Diospa p'unchaynin kanqa, chay p'unchaypitaj tukuy awqankunawan pagachikonqa. Espadaqa manaña atinankama t'ojsenqa, paykunaj yawarninkupitaj wayt'anqa. Tukuy Atiyniyoj Tata Dios wichaynej suyupi, Éufrates mayu qayllapi, soldadokunata wañurachenqa.

Salmos 37:13

Tukuyta Kamachej Diostajrí millayta ruwajkunamanta asiykukun, imaraykuchus pay yachan millayta ruwaj chinkachisqa kanan p'unchay chayamunanta.

San Lucas 21:22

imaraykuchus ñak'ariy p'unchaykuna kanqa ñawpa qhelqasqapi nisqanman jina junt'akunanpaj.

Ezequiel 30:8

Maypachachus noqa Egiptoman ninata kachaykusaj, tukuy yanapajninkunatataj t'unaykusaj chaypacha, paykuna yachanqanku noqa Tata Dios kasqayta.

Ezequiel 25:16

Chayrayku noqa Tukuyta Kamachej Tata Dios nini: Makiyta oqharispa, filisteokunata jasut'isaj. Creta llajtayojkunata ni uj puchuyojta saqesaj, jinataj qocha kantupi kajkunatapis tukuchillasajtaj.

Isaías 31:8

Chaypachallataj Asiriaqa maqanakupi tukuchisqa kanqa mana runaj espadanwanchu. Asiriokunaqa maqanakumanta ayqenqanku, sumajta maqanakoj wayna soldadonkunapis wata runapaj apasqa kanqanku.

Isaías 10:3

Imanankichejtaj jasut'ina p'unchaypiri? Piwantaj yanapachikunkichej karumanta jasut'iy jamusojtiykichejri? Maymantaj chay jina qhapaj kapuyniykichejta pakankichejri?

Job 9:13

Sichus Dios phiñakun chayqa, phiñakuynin mana usqhayta tiyaykuyta atinchu. Chakin urapi k'umuykuchisqa kanqanku, pikunachus Rajabta yanapajkuna.

1 Crónicas 1:12

Patrusim chantá Casluhim ima. Filisteokuna chantá caftoreokuna ima paykunamanta mirajkuna karqanku.

Josué 22:30

Chantá Finés sacerdotewan, israelitakunaj kurajninkukunawan, wasi ayllukunamanta kurajkunapiwan ima, Rubén jatun ayllumanta, Gad jatun ayllumanta, chantá Manasespa khuskan jatun ayllumanta kajkunaj nisqankuta uyarispa, allillan kasqanta repararqanku.

Génesis 10:15

Canaanpa kuraj kaj churin Sidón karqa, qhepan kajtaj Jet karqa.

Isaías 14:31

Filisteapi llajtakuna, aullakuychej, nanaywantaj qhapariychej. Manchariywan kharkatitiychej, imaraykuchus wichaynejmanta soldadokuna manchay yana q'oshñi jina jamusunkichej, manataj ni ujpis paykunamanta qhepakunchu.