Jeremías 44:6 - DIOSPA QHELQACHISQ

⁶ Chayrayku k'araj phiñakuyneyqa nina jina lawrarispa, Judapi llajtakunata, Jerusalenpi callekunata ima ruphaykorqa. Chaykunataj kunan p'unchaykama ch'inpacha raqaykunallaña qhepakunku, nispa.

Qheshwa Biblia DC

⁶ Chaypacha k'ajaj phiñakuyniyta, ninata jina lauraricherqankichej, Judá llajtaspi, Jerusalén callespi ima. Chaykuna kunan p'unchaykama ch'impacha raqaykunasllaña qhepakunku.

DIOSPA QHELQACHISQAN DEUTEROCANONICAL

⁶ Chayrayku k'araj phiñakuyneyqa nina jina lawrarispa, Judapi llajtakunata, Jerusalenpi callekunata ima ruphaykorqa. Chaykunataj kunan p'unchaykama ch'inpacha raqaykunallaña qhepakunku, nispa.

Jeremías 44:6 Referans Kwoze

Jeremías 7:20

Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

Ezequiel 8:18

Chayrayku sinch'i phiñakuyniywan paykunata jasut'isaj. Paykunamantaqa mana uj chhikallantapis khuyakusajchu, nillataj paykunata saminchasajchu. Jatunmanta qhaparispapis wajyakuwachunku, noqaqa paykunata manapuni uyarisajchu, nispa nerqa Tata Dios.

Jeremías 42:18

Israelpa Tukuy Atiyniyoj Tata Diosnin nillantaj: Imaynatachus Jerusalenpi tiyakojkunaj contrankupi phiñakuyniy k'ajarerqa, ajinallatataj qankunaj contraykichejta k'arajta phiñakusaj, sichus qankuna Egiptoman ripunkichej chayqa. Qankunaqa tukuypa rikunanta maldicisqa kankichej, chaytaj mayta t'ukunapaj jina kanqa. Manañataj ni jayk'aj kay suyuta ujtawan rikunkichejchu, nispa.

Jeremías 21:5

Noqa kikiy qankunaj contraykichejpi tukuy atiyniywan maqanakoj sayaykusaj, kallpaywan, may sinch'i k'araj phiñakuyniywan ima.

Jeremías 7:34

Chantá Judá suyupi, jinallataj Jerusalén llajtapipis raymikunata, tusuykunata, takiykunata, jinallataj casarakupi takiykunatapis ch'inyachisaj. Tukuy suyutaj ch'inman tukuchisqa kanqa, nispa.

Isaías 51:20

Churiykikunaqa yarqhaywan llawch'iyaspa, tukuy ñan patapi wijch'urayashanku, tojllapi jap'isqa taruka jina. Tata Dios k'araj phiñakuyninwan paykunata jasut'erqa, Diosniykitaj paykunata sinch'ita k'amirparerqa.

Isaías 51:17

Jerusalén llajta, rijch'ariy, rijch'arikuy, sayarikuytaj. Qanqa Tata Diospa k'araj phiñakuyninwan junt'a kashan, chay copata makinmanta jap'ispa, ujyarqanki. Qan machanaykikama phiñakuynin copamanta qonchuntinta ujyaykorqanki.

Isaías 6:11

Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

Nahúm 1:2

Tata Diosqa celoso, vengakojtaj. Payman sayaykojkunamanta vengakunpuni, awqankunapajtaj sinch'ita phiñakun.

Daniel (hebreo) 9:12

Chay jatun llakiyta apachimuspaqa, qan junt'ashanki imatachus niwasqaykuta noqaykuman, jinallataj kuraj kamachejniykukunamanpis. Jerusalenpa patanman urmamun, chay jina llakiytaj mana jayk'ajpis tukuy kay pachapi karqachu.

Ezequiel 24:13

Jerusalén, khuchichakuspa purisqaykimanta llimphuchasuyta munarqani, qantajrí manapuni ch'ichiykimanta llimphuchakuyta munarqankichu. Kunantajrí manaraj llimphuchasqachu kanki noqa phiñakuyniyta qanpi thasnunaykama.

Ezequiel 24:8

Chayrayku noqapis chay llajtaj yawarninta chhanka patapi jich'asaj, ama jallp'awan qhatasqa kananpaj. Chay jinamanta phiñakuyniy k'ajarenqa, chaywan justicia ruwasqa kananpaj.

Ezequiel 20:33

Noqa Tukuyta Kamachej Tata Dios tiluspa, nini: Jatun atiyniywan, k'araj phiñakuyniywan jasut'ispa, qankunata kamachisqaykichej.

Ezequiel 6:12

Karupi kajkunaqa onqoywan wañonqanku, qayllapi kajkunataj maqanakupi tinkuspa wañonqanku. Kawsashajkunataj yarqhaywan wañonqanku. Ajinata phiñakuyniyta paykunawan thasnukusaj.

Ezequiel 5:13

Ajinata ruwaspa, k'araj phiñakuyniyta thasnukusaj. Tukuy phiñakuyniyta qankunawan pagachikusaj sonqoy tiyaykusqa kanankama. Phiñakuyniy tiyaykojtintaj, chaypacha yachankichej noqa Tata Dios qankunamanta celosakuspa chayta nisqayta, nispa.

Jeremías 36:7

Uyarispa, ichapis Tata Diosmanta mañakunkuman, millay ruwasqankumantataj kutirikunkuman, imaraykuchus Tata Diospa k'araj phiñakuynenqa manchachikunapaj jinamin, nispa.

Jeremías 21:12

Qankuna kuraj kamachej Davidpa miraynin, Tata Diospa nisqanta uyariychej: Sapa p'unchay justiciata ruwaychej, jinallataj ñak'arichisqa kajkunata kacharichiychej runaj yawarninta ch'onqaspa kawsajkunamanta. Pajtataj millayta ruwasqaykichejrayku phiñakuyniy nina jina jap'iykukunman, manataj pipis thasnuyta atishanmanchu, nispa.

Jeremías 4:4

Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.

Levítico 26:28

noqapis qankunaj contraykichejta sayaykusaj. Phiñakuspataj, juchaykichejrayku qanchis kutitawanraj jasut'isqaykichej.

Levítico 26:31

Llajtaykichejta raqayllataña saqesaj, yupaychana wasiykichejtapis loqhesaj. Ima munayta q'apashaj jaywawasqaykichejwanpis manaña misk'irichikusajchu.

Isaías 1:7

Suyuykichejqa ch'inman tukun, llajtaykichejtataj ninawan ruphaykuchinku. Qankuna qhawashajtiykichej, waj llajtayojkuna poqochisqaykichejta apakapunku. Llajtaykichejqa ch'inpacha qhepakun.

Jeremías 4:27

Tata Dios nin: Tukuy jallp'a ch'inman tukuchisqa kanqa. Chaywanpis mana tukuynintapunichu tukuchisaj.

Jeremías 7:17

Judá suyupi, jinataj Jerusalén llajtapipis imatachus ruwasqankuta manachu rikunki?

Jeremías 34:22

Chaywanpis noqa kutirimunankuta kamachisaj. Paykunataj kutimuspa, kay llajtaj contranta maqanakonqanku jap'inankukama. Chantá ninata jap'iykuchispa, Judamanta qhepakoj llajtakunatapis raqayllataña saqenqanku, ni uj runayojta. Noqa Tata Diosmin chayta nini.

Lamentaciones 1:13

Tata Diospuni janaj pachamantapacha ninata kachaykamuwaspa, tulluykama ruphaykuchiwan. Chakiyman tojllata churaykuwan, qhepamantaj kutirichiwan. Sonqo nanayta sapayta saqerpariwasqanrayku, tukuy p'unchaynintin llakiywan ñak'arini.

Ezequiel 20:34

Noqa mayqen llajtakunapichus, mayqen suyukunapitajchus ch'eqerasqa kashankichej, chaymanta orqhomusqaykichej. Arí, jatun atiyniywan, k'araj phiñakuyniypi jasut'ispataj tantaykusqaykichej.

Zacarías 1:2

Noqa Tata Dios ñawpa tataykichejkunapaj sinch'ita phiñakorqani.

Zacarías 7:14

Chayrayku muyoj wayra jina paykunata ch'eqeracherqani mana rejsisqa karu suyukunaman, chay qhepatataj llajtanku ni pejpa tiyakunan ch'inman tukorqa. Paykunamin chay jina k'acha suyuta ch'inman tukucherqanku, nispa.

Jeremías 8:3

Chantá chay millay runakunata wañuchisqaymanta kawsashaj qhepakojkunata ch'eqerachisaj, paykunataj wañuytaraj astawan munanqanku chay cheqakunapi kawsanankumanta nisqaqa. Noqa Tukuy Atiyniyoj Tata Diosmin chayta nini.

Jeremías 44:22

Tata Diosqa manañapuni chay millay ruwasqaykichejta awantarqachu. Chayraykumin qankunaj llajtaykichejqa ch'inyachisqa kashan, mana runayoj, t'ukunapaj jina maldicisqataj.

Lamentaciones 1:1

Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

Lamentaciones 5:18

Sión orqoqa ch'inpacha raqaylla kashan, atojkunallaña kayman jaqayman purishanku.

Zacarías 1:6

Chaywanpis, imatachus sut'inchajkunanejta ñawpa tataykichejpa contrankupi nerqani, kamacherqanitaj, chay tukuy junt'akorqa. Chayrayku paykuna kutirikamuwarqanku, nerqankutaj: Tukuy Atiyniyoj Tata Dios noqanchejwan ruwarqa purisqanchejman jina, ruwasqanchejman jinataj, nispa.