Jeremías 44:3 - DIOSPA QHELQACHISQ

³ Chay karqa paykuna mana allinta ruwasqankurayku. Paykunaqa waj dioskunata yupaychaspa, inciensota q'oshñichispa ima phiñachiwarqanku, mayqenkunatachus mana ñawpa tataykichejkuna nitaj qankunapis rejserqankichejchu, chay lantikunaman.

Qheshwa Biblia DC

³ Chay millay juchasta ruwasqasninkurayku, phiñachiwarqanku waj dioskunasllata yupaychaspa, inciensosta q'osñichispa; chay dioskunaqa mana imatapis ruwanankuchu karqa, paykunawan qankunawan, nitaj ñaupa tatasniykichejwampis.

DIOSPA QHELQACHISQAN DEUTEROCANONICAL

³ Chay karqa paykuna mana allinta ruwasqankurayku. Paykunaqa waj dioskunata yupaychaspa, inciensota q'oshñichispa ima phiñachiwarqanku, mayqenkunatachus mana ñawpa tataykichejkuna nitaj qankunapis rejserqankichejchu, chay lantikunaman.

Jeremías 44:3 Referans Kwoze

Deuteronomio 29:26

26 (25) Paykunaqa qonqorikuspa waj dioskunata yupaycharqanku. Chay dioskunata mana ni jayk'ajpis rejserqankuchu, nitaj chay lantikuna paykunaman imatapis qorqankuchu.

Deuteronomio 32:17

Diosman uywata ñak'aspa jaywanankutaqa, supaykunallaman jaywarqanku. Mana jayk'aj rejsisqanku dioskunaman, chaypachalla ruwasqa dioskunaman, tatankoj ni jayk'aj yupaychasqanku lantikunaman jaywarqanku.

Deuteronomio 13:6

6 (7) Ichapis kikin wawqeyki, churiyki, ususiyki, munasqa warmiyki, chayrí aswan sumaj kawsaqeyki pakayllamanta nisunkiman: Jaku, waj dioskunata yupaychamunachej, mayqentachus ni qan, nitaj tatanchejkunapis rejserqankuchu, chaykunata.

Daniel (hebreo) 9:5

Noqaykurí juchallerqayku, millayta ruwarqayku, qanta mana kasuspataj kawsarqayku. Jinallataj kamachisqaykimanta, imatachus ruwanaykuta nisqaykimantawan karunchakorqayku.

Jeremías 44:8

Imaraykutaj millayta ruwasqaykichejwan phiñachiwankichej, Egiptopi kay waj dioskunaman inciensota q'oshñichispari? Chayta ruwaspaqa, qankunapis chinkachisqa kanallaykichejpajtaj mask'akushankichej. Chay kajtin, tukuypa rikunanta maldicisqa kankichej, tukuy suyu ukhupitaj k'umuykachachisqa kankichej.

Nehemías 9:33

Mana qanchu juchayoj kanki chay llakiykuna qhatiriwasqaykumanta, imaraykuchus qanqa cheqan sonqowan imatapis ruwapuwayku, noqaykutajrí sajra kajllata ruwayku.

Ezequiel 9:9

Tata Diostajrí kutichiwarqa: Israelmanta jinataj Judamanta runakunaj millay ruwasqankoqa may jatunpuni. Kay suyoqa runata wañuchiywan, millay ruwaywan ima junt'a kashan. Paykuna yuyanku noqa kay suyuta saqerparisqayta, yuyallankutaj imatachus ruwasqankutapis mana rikusqayta.

Lamentaciones 4:13

Chay jina jasut'i Diosmanta sut'inchajkuna juchallikusqankurayku karqa, sacerdotekuna millay juchata ruwasqankurayku ima. Paykunaqa chay llajtapi mana juchayoj runakunata wañucherqanku.

Lamentaciones 1:8

Jerusalenqa anchatapuni juchallikorqa. Chayrayku chejninapaj jinaman tukorqa. Payta jatunpaj qhawajkuna kunan pisipaj qhawanku, q'alalla kayninta rikusqankurayku. Chayrayku p'enqakuywan wasaman tijrakuspa, waqashan.

Jeremías 22:9

Paykunataj kutichenqanku: Imaraykuchus paykunaqa Diosninku Tata Diospa trato ruwasqanta saqerparispa, waj dioskunata yupaycharqanku, sirverqankutaj, chayrayku, nispa.

Jeremías 11:17

Tukuy Atiyniyoj Tata Diosmin, pichus kay jallp'aman churasorqachej, pay Israelpa contranpi ñak'ariykuna jamunanta kamacherqa. Israel suyupi, jinallataj Judá suyupi tiyakojkuna millay ruwasqaykichejrayku pay jasut'iykunata kachaykamonqa, imaraykuchus qankuna Baalman inciensota q'oshñichispa, Tata Diosta phiñacherqankichej.

Jeremías 7:19

Ajinata ruwaspa, noqatachu phiñachiwanku? Mana, astawanqa paykunalla p'enqaypi rikhurinankupaj ruwanku. Ajinata Tata Dios nin.

Jeremías 5:29

Manachu chay jina ruwasqankumanta paykunata jasut'isajri? Manachu ajina runakunaman chay ruwasqankuman jina kutichisajri? Noqa Tata Diosmin chayta nini.

Jeremías 5:19

Chantá llajta masiykichejkuna tapusonqachej: Imaraykutaj kay jinata Diosninchej Tata Dios ruwawarqanchejri? nispa. Chaypachataj kay jinata kutichiychej: Imaynatachus qankuna Tata Diosta saqerparispa, kikin llajtaykichejpi chay mana rejsisqa dioskunaj kamachiyninpi karqankichej, ajinallatataj kunan waj suyupi mana rejsisqa runakunaj kamachiyninpi kankichej, nispa.

Hebreos 3:16

Pikunataj Diospa parlasqanta uyarispaña payta phiñacherqankuri? Israelitakuna karqanku, pikunatachus Moisés Egiptomanta orqhomusqa, chaykuna.

Isaías 3:8

Cheqapuni Jerusalén llajtaqa urmananpajña kashan. Judá suyupis urmallanqataj, imaraykuchus chaypi tiyakojkuna Tata Diospa contranta parlanku. Mana kamachisqanta kasunkuchu, paypa jatun kayninmantaj sayaykunku.

Jeremías 32:30

Qallariymantapacha Israel ayllu, chantá Judá ayllupis ñawpaqeypi millayta ruwarqanku. Israelitakunaqa paykunaj ruwasqanku lantikunata yupaychaspa, phiñachillawajpuni kanku. Noqa Tata Diosmin chayta nini.

Jeremías 44:23

Kay llakiypi ñak'areyqa waj dioskunaman inciensota q'oshñichisqaykichejrayku qhatirisunkichej, imaraykuchus qankuna Tata Diospa nisqanta, chantá kamachisqanta ima mana kasorqankichejchu, nispa.

Deuteronomio 29:25

25 (24) Kutichenqankutaj: Ñawpa tatankoj Tata Diosnin Egiptomanta orqhomuspa, paykunawan uj tratota ruwasqa. Paykunataj chay tratota qonqapuspa, mana junt'asqankuchu.

Jeremías 16:10

Aylluyman kay imakuna jamunanta willajtiyki, paykuna tapusonqanku: Imaraykutaj Tata Dios kay jatun ñak'ariyta contraykupi jamunanta kamacherqari? Ima millaytataj ruwarqaykuri? Ima juchatataj Diosniykoj Tata Diospa contranpi ruwaykuman karqari? nispa.

Jeremías 29:19

Chayta ruwasaj, imaraykuchus kamachiykunanejta tukuy willachisqayta mana kasorqankuchu, maypachachus noqamanta sut'inchajkunata kutin kutinta kachamorqani, chaypacha, nispa. Ajinata noqa Tata Dios nini.