Jeremías 44:10 - DIOSPA QHELQACHISQ

¹⁰ Kunankama qankunaqa mana k'umuykunkichejchu, nitaj noqata may jatun respetowan qhawawankichejchu. Nillataj nisqayta, kamachisqayta ima junt'ankichejchu, mayqenkunatachus qankunaman, jinataj ñawpa tataykichejkunamanpis qorqani, chaykunata.

Qheshwa Biblia DC

¹⁰ Kunankama qankunaqa mana saqenkichejchu sajra puriyniykichejta, nitaj manchachikuyniykichejpis kanchu, nitaj yachachisqasta, nitaj leykunastapis junt'ankichejchu, qankunaman, jinataj ñaupa tatasniykichejmampis qorqani chaykunata ima.

DIOSPA QHELQACHISQAN DEUTEROCANONICAL

¹⁰ Kunankama qankunaqa mana k'umuykunkichejchu, nitaj noqata may jatun respetowan qhawawankichejchu. Nillataj nisqayta, kamachisqayta ima junt'ankichejchu, mayqenkunatachus qankunaman, jinataj ñawpa tataykichejkunamanpis qorqani, chaykunata.

Jeremías 44:10 Referans Kwoze

Proverbios 28:14

Kusikuyniyojmin pichus Tata Diosta maypaj qhawan, chay. Sonqonta rumiyachejrí llakiy kawsayman chayanqa.

Apocalipsis 15:4

Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

1 Pedro 5:6

Chayrayku Tukuy Atiyniyoj Diospa makinpi kaspa k'umuykuychej, paytaj qankunata jatunchana p'unchay chayamojtin, qankunata jatunchaspa pataman oqharisonqachej.

Jeremías 8:12

Paykunaqa millachikunapaj jina ruwasqankumanta p'enqakorqankuchu? Mana, manapuni p'enqakorqankuchu, nitaj p'enqakuy imachus kasqanta yachankuchu. Chayrayku maypachachus noqa paykunata jasut'isaj, chaypacharajmá misk'anqanku, chay ujkuna jinataj urmachisqa kanqanku. Ajinata noqa Tata Dios nini.

Romanos 11:20

Arí, paykuna Diospi mana atinikusqankurayku k'uturasqa karqanku. Qanrí Diospi atinikusqaykirayku chay olivoman t'inkisqa kashanki. Ajinaqa, ama runaykachaychu, manachayqa imaynatachus purisqaykita allinta qhawarikuy.

San Lucas 23:40

Ujnin kajrí chay rimajta k'amerqa: Qanpis pay jina wañunaykipaj juchachasqa kashaspa, manachu Diosta manchachikunki?

San Mateo 27:54

Chaypacha romano soldadokunaj kuraj kamachejninku, chantá Jesusta qhawasharqanku, chay soldadokunawan ima jallp'ata ikhakojta, chay waj imakunatawan ima rikorqanku. Chayrayku maytapuni mancharikuspa, nerqanku: Kay runaqa Diospa Churinpuni, nispa.

Malaquías 4:2

2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

Ezequiel 9:4

Paymantaj nerqa: Jerusalén llajtaj ukhunta purispa, mask'ay, pikunachus tukuy ima millay ruwakusqanmanta llakikuspa waqashanku, chay runakunata. Tarispataj, uj señalta sapa ujpa mat'inkuman churaykuy, nispa.

Jeremías 36:24

P'anqamanta ñawirisqata uyarishaspapis, mana kuraj kamachej nitaj yanapajninkunapis mancharikorqankuchu, nitaj uj chhikanta sonqonkuta nanachikojmanpis rijch'akorqankuchu.

Jeremías 10:7

Qanqa tukuy suyukunaj kuraj kamachejnin kanki. Pitaj qanta mana manchachikusunkimanchuri? Qanqa jatun respetowan qhawasqa kanaykipaj jina kanki. Tukuy yachayniyojkunamanta, kamachejkunamantapis manapuni ujpis qan jina kanchu.

Isaías 66:2

Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Proverbios 16:6

Munakuywan, cheqa kaywan ima juchata pampachakun. Pichus Tata Diosta may jatun respetowan qhawajqa mana allinta ruwanamanta karunchakun.

Proverbios 14:16

Yachayniyojqa manchachikuspa, mana allinta ruwanamanta t'aqakun. Wampurí payllapi atinikuspa, mana allinta qhawarikuspa imatapis ruwarparillan.

Proverbios 8:13

Pikunachus Tata Diosta jatun respetowan qhawajkunaqa mana allin kajta chejnikunku. Chayrayku noqa chejnikuni jatunchakuyta, runaykachayta, millay puriyta, llullakuyta ima.

Salmos 51:17

17 (19) Manachayqa k'umuykoj sonqo kanayta munanki. Qanqa Diosníy, tukuy sonqo k'umuykojta, chantá qanman kutirikamusojta mana qhesachankichu.

Salmos 34:18

18 (19) Tata Diosqa sonqo p'akisqa kajkunata qhespichinanpaj qayllallankupi kashan, pikunachus manaña ima suyanayoj kanku, chaykunata.

2 Crónicas 34:27

sonqoykita wawayachispa, noqaman k'umuykamuwarqanki, kay cheqaj contranpi, kaypi tiyakojkunaj contrankupiwan, imakunatachus nisqayta uyarispa. Ñawpaqeyman k'umuykamuwarqanki, p'achaykita llik'ikuspataj, ñawpaqeypi waqarikorqanki. Chayrayku noqapis mañakuwasqaykita uyarillaykitaj, nispa. Noqa Tata Diosniyki nishayki:

2 Crónicas 33:19

Diosmanta mañakusqan, Dios payta uyarisqan, tukuy juchallisqan, Diosta qhesachasqan, loma patapi lanti wasikunata jatarichisqan, jinataj maykunapichus churarqa Asera lantikunata, waj lantikunatawan, manaraj Diosman k'umuykushaspa, tukuy chaykunamantaqa Diosmanta sut'inchajkunaj qhelqankupi qhelqasqa kashan.

2 Crónicas 33:12

Chaymanta Manasesqa sinch'i ñak'ariypi kashaspa, ñawpa tatankukunaj Tata Diosninman mayta k'umuykukuspa qhaparikorqa.

2 Crónicas 32:26

Chaywanpis runaykachasqanmanta qhepaman, Ezequiasqa Diospa ñawpaqenpi k'umuykukorqa, jinallataj Jerusalenpi tiyakojkunapis. Tata Diostaj Ezequías kawsanankama, mana phiñakuyninta paykunaj patankuman kachaykamorqachu.

2 Reyes 22:19

Chantá kay llajta jinataj chaypi tiyakojkuna maldicisqa kanankuta, chantá ch'inman tukuchisqa kanankuta nisqayrayku, sonqoykita wawayachispa ñawpaqeypi k'umuykorqanki, jinallataj p'achaykita llik'irakuspa waqarqanki. Chayta noqa uyariyki, nispa Tata Diosqa nisunki.

1 Reyes 21:29

Rikunkichu Ajabqa k'umuykamuwasqanta? Mana allinta ruwasqanmanta noqaman kutirikamuwasqanrayku, kawsanankama mana nisqay llakiyta apachimusajchu. Manachayqa churin kuraj kamachej kajtin, chay llakiyta tukuy mirayninman apachimusaj, nispa.

Éxodo 10:3

Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

Éxodo 9:30

Chaywanpis noqa yachani, ni qan, nitaj kamachiykikunapis manaraj Tata Diosta manchachikusqaykichejta, nispa.

Éxodo 9:17

Chaywanpis qanqa aylluypa contranpi churanakushankiraj, manataj paykunata kachariyta munashankichu.

Salmos 78:10

Israelitakunapis Dioswan trato ruwasqankuta mana junt'arqankuchu, nitaj yachachisqantapis kasuyta munarqankuchu.

Jeremías 6:15

Chay millay imakunata ruwasqankumanta p'enqakorqankuchu? Mana, manapuni p'enqakorqankuchu, nitaj imachus p'enqakuy kasqanta yachankuchu. Chayrayku jasut'inay p'unchaypi ujkuna jina jayt'akuspa urmanqanku. Noqa Tata Diosmin chayta nini.

Jeremías 26:4

Noqaj sutiypi kay jinata niy: Tata Dios nin: Qankunaqa kamachisqayta chantá nisqayta kasuspa junt'aychejpuni.

Jeremías 32:23

Paykunataj qosqayki jallp'aman yaykuspa, dueñochakorqanku. Chaywanpis mana kasusorqankuchu nitaj kamachisqaykita junt'arqankuchu. Manallataj paykuna kamachisqaykita ruwarqankuchu. Chayraykumin kay tukuy ñak'ariykunata paykunaman kachaykamorqanki.

Jeremías 44:23

Kay llakiypi ñak'areyqa waj dioskunaman inciensota q'oshñichisqaykichejrayku qhatirisunkichej, imaraykuchus qankuna Tata Diospa nisqanta, chantá kamachisqanta ima mana kasorqankichejchu, nispa.

Isaías 42:24

Pitaj Jacobpa mirayninta jaywaykorqa waj suyuman apasqa kanankupajri? Pitaj Israel suyumanta tukuy imanta qhechojpa makinman churaykorqari? Manachu Tata Dios chayta ruwarqa israelitakuna contranta juchallikusqankurayku? Paykunaqa mana Tata Diospa ñannintachu purerqanku, manataj kamachisqantapis kasorqankuchu.

Jeremías 5:3

Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.