Jeremías 41:5 - DIOSPA QHELQACHISQ

⁵ pusaj chunka runakuna Sichemmanta, Silomanta, Samariamantawan chayamorqanku. Paykuna sunkhanku q'arasqa, p'achanku llik'isqa, chantá ukhunkupis khuchurasqa jamorqanku. Chayta paykuna kikinku khuchurakusqanku. Jinallatataj chajra poqoykunata jaywanankupaj, inciensota ima Tata Diospa Templonpi q'oshñichinankupaj apamusharqanku.

DIOSPA QHELQACHISQAN DEUTEROCANONICAL

⁵ pusaj chunka runakuna Sichemmanta, Silomanta, Samariamantawan chayamorqanku. Paykuna sunkhanku q'arasqa, p'achanku llik'isqa, chantá ukhunkupis khuchurasqa jamorqanku. Chayta paykuna kikinku khuchurakusqanku. Jinallatataj chajra poqoykunata jaywanankupaj, inciensota ima Tata Diospa Templonpi q'oshñichinankupaj apamusharqanku.

Jeremías 41:5 Referans Kwoze

1 Reyes 16:24

Omritaj Semer sutiyoj runamanta Samariapi orqota sojta chunka sojtayoj kilo qolqe metalwan ranterqa. Chaypitaj Samaria sutiyoj llajtata jataricherqa, chay orqoj ñawpa dueñon Semer sutiyoj kasqanrayku.

2 Reyes 25:9

Payqa Tata Diospa Templonta, kuraj kamachej Sedequiaspa wasinta, Jerusalén llajtapi tukuy wasikunata, chantá manchay uyarisqa runakunaj wasinkutawan ruphaykucherqa.

Josué 18:1

Israelitakuna jallp'ata jap'iyta tukuspaña, tukuyninku Silo llajtapi tantakorqanku, chaypi Dioswan Tinkukuna Toldota sayarichinankupaj.

Deuteronomio 14:1

Qankunaqa Tata Diosniykichejpata wawankuna kankichej. Chayrayku pipis wañupojtenqa, ama wañusqaj sutinpi ukhuykichejta q'allurakunkichejchu, nitaj chujchaykichejtapis ruthunkichejchu.

1 Reyes 12:1

Roboanqa Sichem llajtaman rerqa, tukuynin israelitakunataj payta kuraj kamachejta jina churanankupaj, chay llajtaman tantakorqanku.

Jueces 9:1

Yerubaalpa churin Abimelecqa Sichem llajtaman rerqa mamanmanta kaj ayllunkunawan parlaj. Jinaspataj, Abimelec nerqa:

Génesis 33:18

Jacobqa Padán Arammanta kutimpuspa, Canaanpi Sichem llajtaman walejllata chayarqa. Chayman chayaspataj, Sichem llajtaj chimpanpi tiyakorqa.

Isaías 15:2

Dibón llajtamanta kajkunaqa loma patapi diosninkuta yupaychana wasikunaman waqaj wicharerqanku. Moabmanta runakunataj Nebo llajtarayku, Medeba llajtaraykutaj waqarikunku. Chayrayku runakunaj chujchanku, sunkhankuwan ima ruthusqa kashan.

1 Reyes 16:29

Judá suyupi kuraj kamachej Asa kinsa chunka pusajniyoj watataña kamachishajtin, Omrij churin Ajabqa Israelpi kamachiyta qallarerqa. Payqa Israel suyuta Samariapi iskay chunka iskayniyoj watata kamacherqa.

1 Reyes 12:25

Israelta kuraj kamachej Jeroboanqa Efraín orqopi Sichem llajtata watejmanta sayacherqa, chaypitaj tiyakorqa. Chaymanta Penuel llajtatañataj watejmanta sayachillarqataj.

1 Samuel 1:7

Sapa wata Dioswan Tinkukuna Toldoman rejtinku, Peninaqa asipayaspa Anata llakichillajpuni. Chayrayku Anaqa waqallajpuni, manataj mikhojchu.

Jeremías 7:14

Chayrayku Silo llajtapi yupaychana wasiywan imatachus ruwarqani, ajinallatataj sutiywan sutichasqa kashan, kay Templowanpis ruwasaj. Kay Templota qankunaman chantá tataykichejkuna ima qorqani, qankunataj chaypi atinikushankichej.

Jeremías 7:12

Siloman riychej. Noqa chay cheqata ñawpajta ajllarqani, sutiy chaypi yupaychasqa kananpaj. Chantá Israel aylluy mana allin ruwasqanmanta, imatachus Silo llajtawan ruwasqayta rikuychej.

Salmos 102:14

14 (15) Kamachiykikunaqa Sión llajtaj ruminkunata munakunku. Chayrayku raqayllataña rikojtinku, sonqonku nanan.

2 Samuel 10:4

Chayrayku Janunqa kamacherqa Davidpa kachasqankunata jap'inankuta, chantá sunkhankuta khuskanmanta k'uturparinankuta, p'achankunatapis siki patankunakama k'uturparinallankutataj. Jinaspataj, paykunata kacharpayaporqa.

Josué 24:32

Israelitakunaqa Joséj tullunta Egiptomantapacha apamusqankuta Sichem llajtapi p'amparqanku. Chay jallp'ataqa tatan Jacob, Sichem sutiyojpa tatan Jamormanta pachaj qolqewan rantikusqa. Qhepanejmantaj chay jallp'ataqa Joséj churinkuna jap'isqanku.

Génesis 34:2

Chantá Sichem Dinata rikuspa, mana munashajtin paywan puñuykorqa. Sichemqa heveo llajtayoj Jamorpa churin karqa. Paytaj chay llajtapi kamachej karqa.

Génesis 37:12

Uj kuti Joséj wawqenkuna tatankoj uywanta Sichemman qhaterqanku, chaypi michinankupaj.

Jueces 18:31

Micaíaj ruwasqan lanteqa Dan jatun ayllupi kasharqa, Diospa Toldon Silopi kanankama.

Salmos 78:60

Chayrayku Tata Diosqa Silopi tiyakunanmanta riporqa, mayqenchus runakuna chawpipi tiyakunan toldo karqa, chaymanta.

Jeremías 16:6

Kay jallp'api atiyniyoj kajkuna, jinallataj mana kasu ruwana kajkunapis wañuchisqa kanqanku, manataj pipis paykunata p'ampaj kanqachu, nitaj waqanqankuchu. Kawsaqenkunaqa chaymanta llakisqa kasqankuta mana rikuchenqankuchu, ukhunkuta q'allurakuspa, chayrí chujchankuta ruthurakuspa ima.

Jeremías 41:4

Gedaliasta wañuchisqankumanta q'ayantin, manaraj pipis chaymanta yachashajtin,

Jeremías 47:5

Chantá Gaza llajtayojkunaqa p'enqachisqa kaspa, chujchankuta ruthukonqanku. Ascalón llajtapis ch'inpacha qhepakonqa. Qankuna jatunkaray ñawpa runakunamanta puchojkuna, mayk'ajkamataj llakisqa kasqaykichejta rikuchispa ukhuykichejta q'allurakunkichejri? nispa.

Jeremías 48:37

Tukuyninku umankuta ruthukunku, tukuypa sunkhankupis ruthusqallataj. Tukuyninku makinkuta khuchurakunku, qhashqa p'achawantaj p'achallikunku.

Joel 2:13

Sinch'i llakisqa kasqaykichejmanta p'achaykichejta llik'inaykichejtaqa sonqoykichejta p'akikuychej, nispa. Tata Diosniykichejman kutirimpuychej, imaraykuchus Tata Diosqa may khuyakuyniyoj, jatun sonqoyojtaj. Jinallataj pay may pacienciayoj, tukuy munakuyniyojtaj. Jasut'inan kashajtinpis, payqa runaj juchanta pampachan.

1 Crónicas 19:4

Chantá Janunqa Davidpa kachamusqan runakunata jap'inankuta kamacherqa, chantá sunkhankuta raphanankuta, p'achankutataj chakankumanta uraman k'uturpanankuta. Jinaytawantaj, paykunata kachariporqa.