Jeremías 4:20 - DIOSPA QHELQACHISQ

²⁰ Patanpi patanpi llakiy willay chayamun. Tukuy Judá suyu ch'inyachisqa kashan. Kaymanta jinalla toldoykuna phirisqa rikhurerqanku, jarakunaytaj phirisqa karqanku.

Qheshwa Biblia DC

²⁰ Sapa kuti llakiykunasmanta willaykunas chayamun. Tukuy jallp'antin phirisqa kashan. Uj ratollapi toldosniy phirisqas rikhurerqanku, maqanakuna toldosnimpis phaskasqas karqanku.

DIOSPA QHELQACHISQAN DEUTEROCANONICAL

²⁰ Patanpi patanpi llakiy willay chayamun. Tukuy Judá suyu ch'inyachisqa kashan. Kaymanta jinalla toldoykuna phirisqa rikhurerqanku, jarakunaytaj phirisqa karqanku.

Jeremías 4:20 Referans Kwoze

Salmos 42:7

7 (8) Yakoj phajchasqan uyarikun, ashkha yakuta apachimusqaykitaj patayta wasaykun.

2 Tesalonicenses 1:9

Paykunataj wiñaypaj ñak'arichisqa kanqanku. Jinataj Tukuyta Kamachej Jesuspa ñawpaqenmanta, chantá jatun atiyninpa lliphipiyninmanta ima wijch'usqa kallanqankutaj.

San Mateo 10:28

Ama qankunata wañuchejkunata manchachikuychejchu, imaraykuchus paykuna almaykichejtaqa mana imanayta atinkuchu. Aswanpis, Diostamin manchachikuychej, imaraykuchus pay wañuchisuspa, lawrashaj nina qochaman wijch'uykusuyta atin.

Joel 1:15

Ay, Tata Diospa p'unchaynin chayamushanña. Llakiy p'unchayqa qayllapiña. Tukuy Atiyniyoj Diospa thuñinan p'unchay chayamushanña.

Ezequiel 14:21

Ajinaqa Tukuyta Kamachej Tata Dios nillantaj: Aswan llakiyraj kanqa, imaraykuchus noqa kay tawantin sinch'i jasut'iyta Jerusalenman apachimusaj: Maqanakuta, yarqhayta, phiña k'ita animalkunata, millay onqoykunata ima. Chantá chaykuna runakunata, uywakunata ima wañurachenqanku.

Lamentaciones 3:47

Manchachikuy misk'ana, jatun llakiy, pampachasqa kaypis noqaykuman chayawarqayku.

Jeremías 17:18

Qhatiykachawajkunaqa p'enqaypi rikhurichunku, amataj noqaqa. Paykunalla mancharikuchunku, amataj noqaqa. Paykunaj patankuman ñak'ariykunata apachimuy, tukuyninkutataj kutin kutinta phirirpariy.

Isaías 33:20

Qhawariy Sionta, maypichus mayta kusikuspa raymita ruwankichej, chay llajtata. Ni imamanta llakikuspa tiyakuna Jerusalén llajtata ñawiyki rikonqa. Chayqa sumaj sayachisqa toldo jina kanqa, watana estacanpis mana sik'ikonqachu, nitaj watananpis p'itikonqachu.

Isaías 13:6

Qhaparispa waqaychej, imaraykuchus Tata Diospa p'unchaynenqa qayllapiña kashan. Chay p'unchay chayamojtin, Tukuy Atiyniyoj Tata Dios tukuyta phirenqa.

Levítico 26:24

noqapis qankunaj contraykichejpi sayaykusaj. Juchaykichejman jinataj qanchis kutitawanraj jasut'isqaykichej.

Levítico 26:21

Sichus contrallaypipuni oqharikuspa, manapuni kasuwankichejchu chayqa, juchaykichejman jina qanchis kutitawan jasut'isqaykichej.

Levítico 26:18

Sichus chay tukuywanpis manapuni kasuwankichejchu chayqa, juchallisqaykichejrayku qanchis kutita jasut'isqaykichej.

Éxodo 33:5

imaraykuchus Tata Diosqa Moisesta nisqa: Israelitakunata niy: Qankunaqa uyarikunapaj joq'ara kankichej. Uj chhikantachus qankunawan riyman chayqa, usqhayllata qankunata tukurparichiykichejman. Kunanpacha jaluchuykichejta orqhokuychej. Ajinapi noqa yachasaj qankunawan imatachus ruwanayta, nispa.

Habacuc 3:7

Noqaqa Cusanmanta kajkunata jatun llakiypi tukukushajta rikuni, Madianpi tiyakojkunatataj manchachikuywan k'umuykachashajta.

Jeremías 4:6

Tata Dios nillarqataj: Wiphalata Sionnejman sayaykuchiychej. Sumaj jark'achasqa cheqaman ayqeychej, amataj qhepakuychejchu, imaraykuchus wichaynejmanta jatun ñak'ariyta, wañuytawan apachimusaj.

Isaías 54:2

Astawan tiyanayki toldota jatunyachiy, tiyanaykej cortinantataj jatunman aysay. Toldo watana waskhatapis astawan jatunyachiy, estacantapis sumajta takaykuy.

Isaías 47:9

Chaywanpis kay iskaynin llakiykuna ujllata, uj p'unchayllapi qhatirisonqa: Ujllapi mana wawayoj, mana qosayojtaj rikhurinki. Chay jina yatiriyoj, layqayoj kashajtiykipis, chay llakiykunaqa kaymanta jinalla chayamusonqapuni.

Salmos 72:19

Qhapaj sutenqa wiñaypaj yupaychasqa kachun. Jatun kaynenqa kay pachantinpi junt'a kachun. Ajina kachun.

Números 16:45

45 (17.10) T'aqakuychej chay runakunaj chawpinkumanta, noqataj uj ñawi ch'irmiypi paykunata chinkarparichisaj, nispa. Jinapis Moiseswan Aaronwan ima qonqorikuspa, pampakama k'umuykukorqanku.

Números 16:21

Kay runakunaj chawpinkumanta t'aqakuychej, imajtinchus kunanpacha paykunata tukuyninta wañuchisaj, nispa.

Levítico 26:28

noqapis qankunaj contraykichejta sayaykusaj. Phiñakuspataj, juchaykichejrayku qanchis kutitawanraj jasut'isqaykichej.

Isaías 15:5

Moab suyurayku mayta llakikuni, runankunaqa Soarkama chantá Eglat Selisiyakama ayqekunku. Luhit wichaynejta waqarikuspa wicharinku, Joronayinman rina ñanpitaj may jina llakiyta qhaparikunku chinkachisqa kasqankumanta.

Jeremías 4:21

Mashkha unaytawanraj wiphala sayachisqata rikusajri? Mashkhatawanrajtaj trompetaj waqasqanta uyarisajri?

Jeremías 4:27

Tata Dios nin: Tukuy jallp'a ch'inman tukuchisqa kanqa. Chaywanpis mana tukuynintapunichu tukuchisaj.

Jeremías 12:11

Ch'inllata, q'ara pampatataj saqerparinku. Chantá noqa chay suyuta llakiymanta waqashajta rikuni. Tukuynin suyu phirisqa kashan, chaymantaqa mana pipis llakikunchu.

Jeremías 9:18

18 (17) Arí, usqhayta jamuchunku noqanchejrayku llakiyta waqapunawanchejpaj. Ñawinchejmanta waqayqa mayu jina puririchun.