Jeremías 39:5 - DIOSPA QHELQACHISQ

⁵ Caldeokunaj soldadonkutajrí Sedequiasta qhatiykuspa, Jericó pampanejpi tariparqanku. Payta jap'ispataj, paykuna kuraj kamachej Nabucodonosorpa ñawpaqenman aparqanku. Nabucodonosorqa Jamat nisqa suyupi kaj Ribla llajtapi kasharqa. Chantá Nabucodonosorqa imachus Sedequiaswan ruwasqa kananta kamacherqa:

Qheshwa Biblia DC

^5-6 Caldeospa soldadosnintaj Sedequiasta qhatiykorqanku, Jericó pampanejpitaj tariparqanku. Jap'ispataj rey Nabucodonosorpa ñaupaqenman aparqanku. Pay kasharqa Hamat nisqa chay jallp'api Ribla llajtapi. Chaypi Nabucodonosorqa imatachus ruwananta qelqacherqa: Sedequiaspa ñaupaqempi wawasninta qholucherqa, jinallatataj Judamanta kaj sumachaj runasnintapis.

DIOSPA QHELQACHISQAN DEUTEROCANONICAL

⁵ Caldeokunaj soldadonkutajrí Sedequiasta qhatiykuspa, Jericó pampanejpi tariparqanku. Payta jap'ispataj, paykuna kuraj kamachej Nabucodonosorpa ñawpaqenman aparqanku. Nabucodonosorqa Jamat nisqa suyupi kaj Ribla llajtapi kasharqa. Chantá Nabucodonosorqa imachus Sedequiaswan ruwasqa kananta kamacherqa:

Jeremías 39:5 Referans Kwoze

2 Reyes 23:33

Chantá faraón Necao Jamat jap'iypi, Ribla llajtapi Joacazta presocharqa, amaña Jerusalenpi kamachinanpaj. Faraón Necao kamachillarqataj Judá suyumanta kajkuna impuestota payman paganankuta, 3.300 kilo qolqe metalta, kinsa chunka kinsayoj kilo qorita ima.

Josué 5:10

Israelitakunaqa Gilgalpi jarakorqanku, chantá chay killapi chunka tawayoj p'unchay ch'isiyaytataj, Jericó pampapi Pascua raymita ruwarqanku.

Jeremías 38:23

Chantá Jeremías kuraj kamachejta nillarqataj: Tukuynin warmiykikuna, wawaykikunapis caldeokunaman jaywaykusqa kanqanku. Qanpis mana paykunamanta llusp'iyta atinkichu. Manachayqa chay soldadokuna Babiloniata kuraj kamachejman jaywaykusonqanku, chaymantataj kay llajtata ninawan kanaykonqanku, nispa.

Jeremías 38:18

Manatajchus paykunaman k'askapuwaj chayrí, Caldeamanta soldadokuna jamuspa, kay llajtata jap'enqanku, ruphaykuchenqankutaj. Qanpis makinkumanta mana llusp'iyta atinkichu, nispa.

Josué 4:13

Tukuyninpi karqanku 40.000 qharikuna maqanakunankupaj sumaj wakichisqa. Tata Diospa ñawpaqenta Jericó pampakama rerqanku.

Lamentaciones 4:20

Tata Diospa ajllakusqan kuraj kamachej, pichus noqaykuta kallpachawajniyku preso urman, pimantachus noqayku nej kayku: Tukuy suyoj chawpinkupi paypa llanthullanpi kawsasunchej, nispa, chay.

Lamentaciones 1:3

Judá suyupi tiyakojkuna karu suyukunaman apasqa kanku. Chaypi may ñak'arichisqa kanku, sinch'i ruwanawan. Waj suyukunaj chawpinpi tiyakuspa, mana samariyta tarinchu. Awqakunawan muyurisqa kaspataj mana ayqeyta atinchu.

Jeremías 4:12

Chay wayrata noqa apachimusaj, chaytaj ancha nishu wayra kanqa. Kunanraj paykunaj contrankupi ñak'ariy wakichisqayta rimarisaj, nispa.

2 Crónicas 33:11

Chayraykumá Tata Diosqa Asiria suyuta kuraj kamachejpa soldadonkunaj kamachejninkunata paykunaj contrankupi kachamorqa, chaykunataj Manasesta jap'ispa, presocharqanku. Chantá fierro ganchokunawan, broncemanta ruwasqa cadenakunawan payta wataykuspa, Babiloniaman apacherqanku.

2 Reyes 25:6

Chantá Caldeamanta soldadokunaqa Sedequiasta jap'ispa, Babilonia suyuta kuraj kamachejman aparqanku. Payqa Jamat jap'iypi, Ribla llajtapi kasharqa. Chaypi Babilonia suyuta kuraj kamachejqa Sedequiasta paypa contranpi oqharikusqanmanta juchacharqa.

2 Reyes 17:24

Chaymanta qhepaman Asiria suyuta kuraj kamachej Babiloniamanta, Cutamanta, Avamanta, Jamatmanta, chantá Sefarvayinmanta ima runakunata Samariaman apamorqa. Israelitakunaj cuentankumantataj Samariapi llajtakunaman paykunata churarqa. Ajinata chay runakunaqa Samariamanta dueñochakaporqanku, llajtakunapitaj tiyakorqanku.

2 Samuel 8:9

Jamat llajtaj kuraj kamachejnin Toy uyarerqa David kuraj kamachej Hadad Ezerpa soldadonkunata atipasqanta.

Jueces 3:3

Filisteokunamanta qhepakorqanku, pikunachus chay phishqa kamachejkunaj kamachinpi karqanku, chaykuna. Qhepakullarqankutaj tukuynin cananeokuna, sidoniokuna, Líbano orqonejpi tiyakoj heveokunapis, Baal Hermón orqomantapacha Jamat q'asakama.

Josué 13:5

Guiblitakunaj jap'iyninkuta jap'ina kashallantaj tukuy Líbano inti llojsimuynejkama, Baal Gadmanta Hermón Orqomanta uraynejman, Jamatman yaykunakama.

Números 13:21

Jinataj chunka iskayniyoj qhawaj rejkunaqa jallp'ata qhawarqanku, Zin nisqa ch'innejmanta qallarispa, Jamat llajtaman yaykunamanta Rejob llajtakama.

Jeremías 21:7

Chaymanta Judata kuraj kamachej Sedequiasta, kamachinkunata, llajtapi tiyakojkunatawan ima, pikunachus onqoywan, maqanakupi, yarqhaywan wañunankumanta puchojkunata jaywaykusaj Babiloniata kamachej Nabucodonosorman, waj awqankunaman ima. Paykunataj mana khuyakuspa nitaj sonqonta nanachikuspa espadawan wañuchenqanku. Noqa Tata Diosmin chaytaqa nini.

Jeremías 24:8

Chaywanpis Judamanta kuraj kamachej Sedequiasta, kurajkunata, Jerusalenpi qhepakojkunata, chay waj llajtakunapi tiyakojkunata, Egiptoman tiyakoj rejkunata ima, chaykunata mikhunapaj mana allin kaj higota jina qhawasaj. Noqa Tata Dios chayta nini.

Jeremías 44:30

Noqa jaywaykusaj Egiptomanta kuraj kamachej Jofra sutiyoj faraonta, pikunachus payta wañuchiyta munanku, chaykunaj makinkuman. Imaynatachus noqa Judata kuraj kamachej Sedequiasta Babiloniata kuraj kamachej Nabucodonosorman jaywaykorqani, ajinallatataj faraonta jaywaykusaj pichus wañuchiyta munajman, nispa.

Jeremías 49:23

Damascomanta parlaspataj, Tata Dios nerqa: Jamat llajta, Arfad llajta ima may p'enqachisqa kashanku, willajkuna llakiyta uyarichisqankurayku. Llakiywan junt'a kashanku, mana imatapis ruwayta atispa.

Ezequiel 23:24

Contraykipi may chhika soldadokuna carretapi jamonqanku, chantá tukuynejmanta muyuykusonqanku. Paykunataj sumaj armasqa, fierro monterayoj, jark'akuna escudoyojtaj kanqanku. Chantá noqa paykunaman atiyta qosaj qanta jasut'inasunkupaj, paykunataj kamachisqankuman jina juchachasonqanku.

Habacuc 1:7

Caldeokunaqa manchachikunapaj jina millay runakuna kanku. Mana ni ima kamachisqakunatapis kasunkuchu, aswanpis munayninkuman jinalla imatapis ruwanku.

Isaías 22:3

Tukuy kurajniykikuna ayqekorqanku. Paykuna arcowan flechajkunamanta ayqeshaspa, jap'isqa karqanku. Wapu runaykikuna karuman ayqeshaspapis, jap'ichikullarqankupuni.