Jeremías 32:8 - DIOSPA QHELQACHISQ

⁸ Chantá Tata Dios niwasqanman jina tioypa churin Janamel kuraj kamachejpa wasinta qhawajkunaj pationman jamuwaspa, niwarqa: Rantikapuway Benjamín jap'iypi kaj Anatot llajtapi jallp'ayta. Qanllamin rantiyta atinki aswan qaylla aylluy kasqaykirayku. Chayrayku rantikapuway ari, nispa. Jinapi yacharqani chay jallp'ata rantinay Tata Diosmanta kasqanta.

Qheshwa Biblia DC

⁸ Imaynatachus Señor niwasqanman jina chay wauqey Hanameel carcelpa pationman jamuwarqa. Niwarqataj Anatotpi chay jallp'anta rantinayta. Chayqa karqa Benjamimpa ayllumpa jallp'ampi. Chayrayku noqa chay jallp'ata rantinay atikorqa, chaywantaj qhepakapunaypaj aswan qaylla ayllun kasqanrayku. Chay tukuy imaswan yacharqani Señormantapuni uj kamachiy kasqanta.

DIOSPA QHELQACHISQAN DEUTEROCANONICAL

⁸ Chantá Tata Dios niwasqanman jina tioypa churin Janamel kuraj kamachejpa wasinta qhawajkunaj pationman jamuwaspa, niwarqa: Rantikapuway Benjamín jap'iypi kaj Anatot llajtapi jallp'ayta. Qanllamin rantiyta atinki aswan qaylla aylluy kasqaykirayku. Chayrayku rantikapuway ari, nispa. Jinapi yacharqani chay jallp'ata rantinay Tata Diosmanta kasqanta.

Jeremías 32:8 Referans Kwoze

Jeremías 32:7

Uyariway, tioyki Salunpa churin Janamel kay jinata parlapayasoj jamonqa: Anatotpi jallp'ayta rantikapuway, imaraykuchus qanmin aswan qaylla aylluy kanki, nispa.

Jeremías 32:2

Chaypacha Jerusalenqa Babiloniaj soldadonkunawan muyuykusqa kasharqa. Diosmanta sut'inchaj Jeremiastaj Judata kuraj kamachejpa wasinta qhawajkunaj pationpi wisq'asqa kasharqa.

Jeremías 33:1

Jeremías kuraj kamachejpa wasinta qhawajkunaj pationpi wisq'asqa kashajtin, ujtawan Tata Dios payman nerqa:

1 Reyes 22:25

Micaiastaj kuticherqa: Maypachachus wasimanta wasi pakakuspa ayqekushanki, chaypacha yachanki, nispa.

San Juan 4:53

Wawaj tatantaj repararqa chay phanita jina Jesús payman nisqanta: Wawaykeqa kawsashan, nispa. Chantá chay runa, wasinpi tukuy kajkunapis Jesuspi atinikorqanku.

Zacarías 11:11

Chay p'unchaypacha chay trato p'akisqa karqa. Chay ñak'arichisqa ovejakunataj imatachus ruwasqayta rikuspa, repararqanku Tata Dios noqanejta parlashasqanta.

1 Crónicas 6:60

60 (45) Jinallataj Benjamín jatun aylloj jap'iyninpi kay llajtakunata qollarqankutaj: Gebata, Alemetta, Anatotta ima. Tukuy chaykunata uywa michinantinta qorqanku. Ajinaqa Aaronpa ayllunman chayaj llajtakuna tukuyninpi chunka kinsayoj karqanku.

1 Reyes 2:26

Chantá Salomonqa sacerdote Abiatarta kamachillarqataj: Anatot llajtaykiman ripuy. Qanqa wañuchisqa kanaykipaj jina kanki. Chaywanpis mana wañuchisqaykichu, Tukuyta Kamachej Tata Diospa trato ruwasqan arcata tatay Davidpa ñawpaqenta apasqaykirayku, chantapis tataywan khuska tukuy llakiyninpi purisqaykirayku, nispa.

Jeremías 1:1

Kayqa Hilciaspa churin Jeremiaspa parlasqan. Payqa Benjamín jatun aylloj jap'iyninpi kaj Anatot llajtamanta karqa, sacerdote ayllumantataj.

Jeremías 32:25

Chaywanpis, Tukuyta Kamachej Tata Dios, qanqa kamachiwarqanki testigokunaj rikunanta uj jallp'ata rantikunayta, kay llajtata Caldeamanta runakuna jap'inanku kashajtinpis, nispa.

Jeremías 37:12

Chantá Jeremías Jerusalén llajtamanta Benjamín jatun aylloj jap'iyninman jallp'a rak'inakuyman riyta munarqa, chaypi payman chayaj jallp'ata jap'inanpaj.

Ezequiel 12:7

Jinataj Tata Diospa kamachiwasqanman jina, noqa q'epichakorqani. P'unchaytaj q'epiyta q'epiriykukuspa, llojserqani, waj suyuman apasqa runapis kashayman jina. Tardentaj perqata jusk'orqani. Laqhayaykojtintaj, tukuy imayta q'epiriykukuspa, llojserqani tukuyninkutaj qhawashawarqanku.