Jeremías 32:41 - DIOSPA QHELQACHISQ

⁴¹ Noqaqa paykunapaj allin kajta ruwaspa, kusikusaj. Chantá tukuy sonqo, tukuy alma paykunata kay suyupi kawsachisaj, nispa.

Qheshwa Biblia DC

⁴¹ Noqa kusikusaj paykunata allinman churaspa, tukuy sonqowan, tukuy cheqan kayninwantaj paykunata kay jallp'api tiyachisaj.

DIOSPA QHELQACHISQAN DEUTEROCANONICAL

⁴¹ Noqaqa paykunapaj allin kajta ruwaspa, kusikusaj. Chantá tukuy sonqo, tukuy alma paykunata kay suyupi kawsachisaj, nispa.

Jeremías 32:41 Referans Kwoze

Jeremías 24:6

Paykunata waqaychasaj, kay suyumantaj kutichimusaj. Kaypitaj paykunata allinta sayachisaj, manañataj urmachisajchu. Paykunata mallkisaj, manataj jayk'ajpis t'irasajchu.

Sofonías 3:17

Tata Diosniykeqa qanwan kashan. Payqa may atiyniyojmin, qhespichisonqataj. Tata Diosqa qanwan kusisqapuni kanqa. Munakuyninwan mosoj kawsayta qosonqa, qanmanta kusikuspataj, raymipi jina takirikonqa, nispa.

Amós 9:15

Noqa paykunata kikin suyunkupi tiyachisaj, manañataj ni jayk'aj qosqay jallp'ankumanta waj suyuman apasqachu kanqanku, nispa. Ajinata Tata Dios nin.

Isaías 62:5

Imaynatachus wayna parlakusqan sipaswan casarakun, ajinallatataj Diospis qanta warminpaj oqharikapusonqa. Imaynatachus qhari warmi kusikunku, ajinallatataj Diosniyki qanwan kusikonqa.

Isaías 65:19

Chaypacha Jerusalén llajtarayku kusikusaj, aylluytaj noqapaj may jatun kusiy kanqa. Chay llajtapi manaña jayk'ajpis waqajkunata uyarenqankuchu, nitaj llakiywan qhaparejkunatapis.

Jeremías 31:28

Noqa kikiy paykunata t'irarqani, urmacherqani, atiparqanitaj, phirerqanitaj, chantá ima llakiytapis paykunaman kachaykamorqani. Ajinallatataj allinta ruwasaj paykunata sayarichinaypaj, mallkinaypaj ima. Noqa Tata Diosmin chayta nini.

Jeremías 18:9

Jinallataj niyta atiyman uj suyuta chayrí uj kamachiyta wiñachinayta, chayrí sayarichinayta.

Deuteronomio 30:9

Chantá Tata Diosqa tukuy ima ruwasqaykichejpi allin risunanta ruwanqa. Ashkha wawayoj kankichej, ashkha uywayoj ima. Jinallataj Diosqa chajraykichejta sumajta poqochenqa. Tata Diosniykichejqa qankunapaj ujtawan allinta ruwaspa, kusikonqa, imaynatachus ñawpa tataykichejkunapaj allinta ruwaspa kusikorqa, ajinata.

Deuteronomio 28:63

Imaynatachus ñawpajta Tata Dios qanta yanapaspa, mirachispataj kusikorqa, ajinallatataj qanta tukuchispa, chinkachispa ima kusikonqa. Qanqa jap'inki, chay jallp'aman tiyakoj yaykunki chantá chaymanta qharqosonqa.

Salmos 80:8

8 (9) Qanqa uva sach'ata jina Egiptomanta orqhomuwarqayku. Chantá qanta mana yupaychasojkunata wijch'uspa, chayman uvata mallkiykorqanki.

Isaías 62:4

Manaña jayk'ajpis “Saqerpayasqa Llajta”, nispa nisonqankuchu, suyuykipis manaña “Ch'in Jallp'a” nisqachu kanqa. Manachayqa Tata Dios “Kusikunay Llajta”, nispa sutichasonqa, jallp'aykitataj “Warmisitáy”, nispa nenqa, imaraykuchus Tata Diosqa qanwan may kusisqa kanqa, paytaj suyuykipaj qosayki jina kanqa.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Isaías 60:21

Chaypacha tukuyniykichej cheqanta ruwajkuna kankichej, jallp'aykichejtapis wiñaypaj jap'ikapunkichej. Qankuna mallkisqaypa ijimuynin kankichej, makiypa ruwasqantaj noqata jatunchanawaykichejpaj.

Ezequiel 36:36

Jinapi muyuyniykichejpi qhepakoj runakunaqa yachanqanku noqa Tata Diosmin thuñisqa kaj llajtakunata watej sayarichisqayta. Yachallanqankutaj ch'in pampaman tukuchisqa karqa, chay jallp'api noqamin tukuy imata poqochisqayta. Noqa Tata Diosmin chayta nini, ruwasajtaj.

Oseas 14:5

Israelpaj noqa chhulla jina kasaj, paytaj lirio t'ika jina phancharenqa. Saphintaj Libanopi pino sach'aj saphin jina allin saphichasqa kanqa.