Jeremías 32:21 - DIOSPA QHELQACHISQ

²¹ Qanqa may jatun atiyniykiwan Israel aylluykita Egiptomanta orqhomorqanki. Runaj mana jayk'aj rikusqan t'ukunata ruwaspataj, tukuy runata mancharicherqanki.

Qheshwa Biblia DC

²¹ Qanqa may jatun atiyniykiwan Egiptomanta Israel aylluykita orqhomorqanki, señalesta ruwaspa, t'ukuna ruwasqasniykiwan tukuyninta manchariykuchispa ima.

DIOSPA QHELQACHISQAN DEUTEROCANONICAL

²¹ Qanqa may jatun atiyniykiwan Israel aylluykita Egiptomanta orqhomorqanki. Runaj mana jayk'aj rikusqan t'ukunata ruwaspataj, tukuy runata mancharicherqanki.

Jeremías 32:21 Referans Kwoze

Deuteronomio 26:8

Ajinata Tata Diosniykoqa jatun atiyninta rikuchispa, Egiptomanta orqhomuwarqayku, runaj mana jayk'aj rikusqan t'ukuna imakunata ruwaspa.

Éxodo 6:6

Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Salmos 105:43

Ajinata Diosqa ajllakusqan ayllunta Egiptomanta orqhorqa, ajllakusqankunataj mayta kusikorqanku.

Salmos 105:37

Chaymantataj Tata Dios ayllunta qoriwan, qolqewan q'epirisqata Egiptomanta orqhorqa, ayllun ukhupitaj mana ujllapis onqosqa karqachu.

1 Crónicas 17:21

Israel aylluyki jinaqa kay pachapi mana ujpis kanchu. Diosníy, aylluyki kananpaj preciota pagaspa qanmin Egiptomanta paykunata kacharicherqanki. Jatuchaj t'ukuna imakunata paykunapaj ruwarqanki, ñawpaqenkumantataj waj llajtayojkunata wijch'orqanki. Ajinata ruwasqaykirayku manchay uyarisqaman tukorqanki.

1 Reyes 8:42

imaraykuchus uyarenqanku sutiyki, atiyniykipis manchay jatun kasqanta. Sichus kay Temploykiman mañakusoj jamusunkuman chayqa,

Deuteronomio 4:34

Uj diosllapis kanchu, uj suyuta tukuy suyoj chawpinkumanta ajllakoj, imaynatachus Tata Dios Egiptopi qankunawan ruwarqa, ajinata ruwajqa? Tata Diosmin ñawpaqeykichejpi tukuy imaymana t'ukunata ruwaspa, maqanakuspa, may jina atiyniyoj kasqanta rikuchispa, t'ukuspa mancharinapaj jina imakunata ruwarqa.

Éxodo 13:14

Qhepanejman sichus wawaykichej tapusunkichej: Imaraykutaj kayta ruwashanchejri? nispa chayqa, ninkichej: Tata Diosmin Egiptopi wata runa kashajtiyku, may jina atiyniywan orqhomuwarqayku.

Éxodo 13:9

Sapa wata ruwankichej, chay raymeqa yuyarikunaykichejpaj kanqa, imaynachus makiykichejpi, manachayqa frenteykichejpi k'illpasqa señal jina, Tata Diospa kamachisqanmanta parlanaykichejta yuyarikunaykichejpaj. Chayrayku ninakunkichej: Tata Diosqa may jina atiyninwan Egiptomanta orqhomuwarqanchej.

Éxodo 6:1

Chantá Tata Dios Moisespa mañakusqanta uyarispa, nerqa: Faraonwan imatachus ruwasqayta kunan rikunki. Sinch'ita payta mat'iykojtiyraj, pay kacharisonqachej. Arí, pay kikin ripunaykichejta nisonqachej, nispa.

Deuteronomio 7:19

Yuyarikuychej Tata Diosniykichejqa runaj mana jayk'aj rikusqan t'ukuna imakunata ruwaspa, jinataj may jina atiyninwan Egiptomanta orqhomususqaykichejta. Chaykunata qankuna rikorqankichej. Ajinallatataj Tata Diosqa, qankuna manchachikushankichej, chay tukuy suyuwan ruwanqa.

2 Samuel 7:23

Kay pachapi Israel aylluyki jinaqa mana waj ayllu kanchu. Qan, Diosníy, aylluyki kananpaj preciota pagaspa Israelta kacharicherqanki, may uyarisqa kanantataj ruwarqanki, payrayku jatuchaj may t'ukuna k'acha imakunata ruwaspa. Egiptomanta orqhomorqanki, chay aylluykej ñawpaqenmantataj qan chay waj runakunata, diosninkutawan wijch'orqanki.

Éxodo 3:20

Chayrayku noqaqa sinch'i atiyniyoj kasqayta rikuchisaj. Tukuy imaymana t'ukunata ruwaspa, Egipto llajtayojkunata ñak'arichisaj. Chaymantaraj ripojta saqesonqachej.

Deuteronomio 11:3

Egiptopi kuraj kamachej faraonpa contranta, chantá tukuy suyunpa contranta ima runa mana jayk'aj rikusqan t'ukuna ruwasqanta yuyarikullaychejtaj.

Isaías 63:12

Maypitaj kashan pichus jatun atiyninta Moisesta yanapananpaj churarqa, chayri? Maytaj kunan pichus israelitakunaj ñawpaqenkupi yakuta iskayman t'aqarqa, chayri? Ajinamanta Tata Diosqa atiyniyoj kasqanta wiñaypaj rikucherqa.