Jeremías 30:8 - DIOSPA QHELQACHISQ

⁸ Noqa Tukuy Atiyniyoj Tata Dios nini: Wata runa kawsaymanta aylluyta kacharichisaj, watanankukunata p'itirasaj, amaña ujtawan waj llajtayojkunaj wata runanku kanankupaj.

Qheshwa Biblia DC

⁸ Noqa Tukuy Atiyniyoj Señor nini: kamachiy yugomanta aylluyta kacharichisaj, lazosninta p'itirasaj, amaña ujtawan waj llajtayojkunaj kamachin kanampaj.

DIOSPA QHELQACHISQAN DEUTEROCANONICAL

⁸ Noqa Tukuy Atiyniyoj Tata Dios nini: Wata runa kawsaymanta aylluyta kacharichisaj, watanankukunata p'itirasaj, amaña ujtawan waj llajtayojkunaj wata runanku kanankupaj.

Jeremías 30:8 Referans Kwoze

Ezequiel 34:27

Sach'akuna sumajta poqonqanku, jallp'ataj tukuy imata sumajta poqochenqa. Jinallataj ovejaykunapis kikin jallp'ankupi mana imamanta manchachikuspa kawsanqanku. Maypachachus noqa aylluyta kacharichisaj, pikunachus paykunata ñak'arichejkunaj makinkumanta chaypacha, paykuna yachanqanku noqa Tata Dios kasqayta.

Nahúm 1:13

Manachayqa, pataykipi kashan, chay yugota t'unasaj, cadenaykitapis p'itirasaj, nispa.

Jeremías 27:2

Coyundata, yugota ima ruwakuspa, much'uykiman churaykukuy.

Isaías 9:4

4 (3) Qanqa paykunata yugoman watasqa jina ñak'ariymanta kacharichinki. Jinallataj llasa q'epita wasankumanta q'epirachinki, chantá sinch'i llakiypi jarap'asqa kasqankumanta ima. Jinataj kamachinanku varatapis p'akillankitaj, imaynatachus Madianwan ruwarqanki, ajinata.

Jeremías 28:10

Chaypacha Jananiasqa Jeremiaspa kunkanmanta yugota phaskaraspa, p'akirparerqa.

Jeremías 28:13

Rispa, noqa Tata Dios kay nisqayta Jananiasman nimuy: K'aspimanta yugota p'akerqanki, chaypa cuentanmanta fierromantañataj yugota ruwasaj.

Jeremías 27:7

Tukuy suyukuna Nabucodonosorpa, churinpa, chantá allchhinpa kamachiyninpi ima kanqanku. Chay kanqa kikin Babilonia suyu atipasqa kanan p'unchay chayamunankama. Chaypacha waj jatuchaj suyukuna, jinataj atiyniyoj kuraj kamachejkuna payta atipanqanku.

Jeremías 25:14

Jatun suyukuna chantá atiyniyoj kuraj kamachejkunapis Babilonia llajtayojkunata chakinku uraman churanqanku. Ajinata ruwasqankuman jina paykunawan pagachikusaj, nispa.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Isaías 14:25

Asiriokunataqa suyuypi chinkachisaj, orqoypitaj paykunata sarurasaj. Aylluyta kacharichisaj paykuna yugota churasqankumanta, aylluypa wasankumantataj paykunaj churasqanku q'epita phaskarasaj.

Isaías 10:27

Chaypacha wasaykiman llasa q'epi churasusqankuta qhechusaj, jinallataj yugota churasusqankutapis p'akisaj, nispa.

Jeremías 28:4

Jinallataj Joacinpa churin Judata kuraj kamachej Jeconiastapis kayman kutichimponqa, pikunachus Judamanta Babiloniaman apasqa karqanku, chaykunatawan. Arí, noqaqa Babiloniaj kuraj kamachejninpa atiyninta p'akisaj. Ajinata Tata Dios nin, nispa Jananías nerqa.

Salmos 107:14

Chay ukhu laqhamanta paykunata orqhorqa, cadenawan watasqa kasqankuta p'itispataj, paykunata kacharicherqa.

Ezequiel 30:18

Egiptoj atiyninta p'akejtiy, atiyninrayku runaykachayninta chinkachejtiytaj, Tafnes nisqa llajtapaj chay p'unchaypi inti laqhayaykonqa. Egipto suyutataj phuyu p'ampaykonqa, tukuy llajtakunapi tiyakojkunataj apasqa kanqanku.

Isaías 14:1

Chaywanpis Tata Diosqa Jacobpa ayllunmanta khuyakonqa. Israelitakunatataj watejmanta ayllun kanankupaj ajllakonqa, jinaspataj jallp'ankupi paykunata watejmanta tiyachenqa. Chaypacha karu llajtayojkunapis paykunaman ujchakonqanku, Jacobpa ayllunwantaj tiyakonqanku.

Isaías 14:3

Israel ayllu, maypachachus Tata Dios samarikuyta qosonqachej chay jinata ñak'arisqaykichejmanta, jinallataj phutikusqaykichejmanta chantá chay jina sinch'i ruwaymanta ima chaypacha,