Jeremías 30:7 - DIOSPA QHELQACHISQ

⁷ Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Qheshwa Biblia DC

⁷ Uj jatun ñak'ariy p'unchay qayllamun, chay jina p'unchayqa mana ujtawan kanqachu. Uj llakiy p'unchaykuna Jacobpa ayllumpaj kanqa, chaywampis salvakonqa.

DIOSPA QHELQACHISQAN DEUTEROCANONICAL

⁷ Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Jeremías 30:7 Referans Kwoze

Daniel (hebreo) 12:1

Chantá Israel suyuta qhawaj angelkunata kamachej Miguel rikhurimonqa. Chaypachaqa may sinch'i llakiy kanqa. Chay jina llakeyqa runa kasqanmantapacha manapuni jayk'ajpis karqachu. Chaywanpis chaypachaqa Israel aylluykimanta pikunachus p'anqapi sutinku qhelqasqa kajkuna qhespichisqa kanqanku.

Malaquías 4:1

1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

Daniel (hebreo) 9:12

Chay jatun llakiyta apachimuspaqa, qan junt'ashanki imatachus niwasqaykuta noqaykuman, jinallataj kuraj kamachejniykukunamanpis. Jerusalenpa patanman urmamun, chay jina llakiytaj mana jayk'ajpis tukuy kay pachapi karqachu.

Joel 2:11

Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.

Romanos 11:26

Chay junt'akojtintaj, tukuy Israel ayllu qhespichisqa kanqa, Diospa Qhelqachisqanpi nisqanman jina: Pichus kacharichejqa Sionmanta jamonqa, paytaj Jacobpa mirayninmanta millay kajta llimphuchanqa.

Marcos 13:19

imaraykuchus chay p'unchaykunapeqa manchay llakiykuna kanqa. Chay jina llakeyqa mana jayk'ajpis rikukorqachu, Dios kay pachata ruwasqanmantapacha kunankama, nillataj qhepamanpis kanqachu.

Oseas 1:11

11 (2.2) Chaypacha Judá suyumanta kajkuna, Israel suyumanta kajkunawan ujllaman tantakonqanku. Paykuna uj kamachejllata churakonqanku, chantataj tukuynejmanta Jerusalenman kutimponqanku. Jezrelpa p'unchaynenqa may yuyarisqamin kanqa.

Lamentaciones 1:12

Qankuna kay ñanta purejkuna, manachu sonqoykichej nanasunkichej noqata rikuwaspa? Sayarispa, qhawariwaychej. Kay ñak'arisqaymanta astawan sinch'i ñak'ariy kanmanchu? Kay jina ñak'ariyta Tata Dios k'arajta phiñakuspa, apachimuwan.

Jeremías 30:10

Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Salmos 34:19

19 (20) Cheqan sonqoyoj runa tukuy imaymana llakiykunata rikun. Tata Diostajrí chaymanta llojsinanpaj yanapan.

Apocalipsis 6:17

imaraykuchus Cordero jasut'inan p'unchay chayamunña, manataj pipis awantayta atenqachu, nispa.

Hechos 2:20

Jinallataj inti laqhayaykonqa, killataj yawar jina pukayaykonqa, manaraj Tata Diospa may t'ukuna jatun p'unchaynin rikhurimushajtin.

Joel 2:31

31 (3.4) Inteqa laqhaman tukonqa, killataj yawar jina puka kanqa, Tata Diospa manchachikuna p'unchaynin manaraj chayamushajtin.

Lamentaciones 4:6

Suyuypa jatun llajtaj millayta ruwasqanqa Sodomaj juchanmanta nisqaqa astawan jatunraj. Sodoma llajtataj ujllapi chinkachisqa karqa, mana runaj imanasqallan.

Lamentaciones 2:13

Jerusalén llajta, imatataj niykimanri? Jerusalén, imawantaj rijch'anachiykiman qanta sonqochanaypajri? Qanpa llakiyniykeqa mama qocha jina. Pitaj sonqoykita tiyaykuchiyta atisunkimanri?

Salmos 25:22

Diosníy, tukuy llakiykunamanta Israel aylluykita kacharichiy.

Génesis 32:7

7 (8) Chayta uyarispa, Jacob mayta mancharikorqa, phutikorqataj. Chantá paywan jamoj runakunata iskayman t'aqararqa. Jinallataj wakakunata, ovejakunata, camellokunatawan t'aqallarqataj.

Isaías 20:6

Chaypacha mama qocha kantupi tiyakojkuna nenqanku: Qhawariychej atinikusqanchej suyu imapichus rikhurisqanta. Ima mana allin kajtinpis, payman qayllakoj kanchej, Asiriata kuraj kamachejmanta jark'akunawanchejpaj. Kunanrí imaynallatataj ayqekusunri? nispa.

Jeremías 2:27

Qankunaqa uj k'ulluta ninkichej: Qan tatay kanki, nispa. Uj rumitataj ninkichej: Qan mamitay kanki, nispa. Noqatatajrí wasanchawankichej, wajnejmantaj qhawaykachankichej. Ñak'ariypi rikhurispalla, niwankichej: Jamuy yanaparinawaykupaj, nispa.

Jeremías 2:28

Judá, ruwakusqayki dioskuna maypitaj kashankuri? Mashkhachus llajtaykikuna kanku, chay chhikallataj diosniykikuna tiyapusunku. Chayrayku ñak'ariypi rikhurejtiyki, paykuna jamuspa, yanapasuchunku.

Jeremías 14:8

Qanmin Israelpa suyakuynin kanki, ñak'arina p'unchaypitaj qhespichiwajniyku kanki. Imaraykutaj kay suyuykupi uj karu llajtayoj runa jinalla kankiri? Imajtintaj, imaynatachus ñan purej uj ch'isillata puñukoj qheparikun, ajinata qheparikunkiri?

Joel 1:2

Israelita kurajkuna, jinallataj kay suyupi tukuy tiyakojkuna, kayta allinta uyariychej: Qankuna jayk'ajpis kayman rijch'akojta rikorqankichejchu? Tataykichejkuna tiemponkupi kayman rijch'akojta jayk'ajpis rikorqankuchu?

Joel 1:15

Ay, Tata Diospa p'unchaynin chayamushanña. Llakiy p'unchayqa qayllapiña. Tukuy Atiyniyoj Diospa thuñinan p'unchay chayamushanña.

Zacarías 14:7

Chay p'unchay mana waj p'unchaykuna jina kanqachu, imaynachus kananta Tata Dioslla yachan. Chay p'unchay nitaj sut'ichu nitaj laqhachu kanqa. Manachayqa ch'isiyaykuytapis k'anchayllapuni kanqa.

Miqueas 4:9

Kunanrí, imarayku ajinata qhaparinki, onqokushaj warmi jinari? Manachu qanpi kuraj kamachej tiyan? Chayrí yuyaychasojkuna wañupusqankuchu?

Habacuc 3:16

Kay tukuy imata uyarispa, manchachikorqani. Simiypis kharkatiterqa. Chakiy mana sayayta aterqachu, tukuy ukhuypis llawch'iyaporqa. Chaywanpis pacienciawan suyasaj, maypachachus Dios ñak'arichiwajninchej soldadokunata ñak'arichillanqataj, chay p'unchayta.