Jeremías 30:3 - DIOSPA QHELQACHISQ

³ Uj p'unchay jamushan, chay p'unchaytaj Israelmanta, Judamantawan apasqa kajkuna llajtankuman kutimponqanku. Noqaqa paykunata ñawpa tatankuman qosqay suyuman kutichimusaj, chaypi tiyakunankupaj. Noqa Tata Diosmin chayta nini.

DIOSPA QHELQACHISQAN DEUTEROCANONICAL

³ Uj p'unchay jamushan, chay p'unchaytaj Israelmanta, Judamantawan apasqa kajkuna llajtankuman kutimponqanku. Noqaqa paykunata ñawpa tatankuman qosqay suyuman kutichimusaj, chaypi tiyakunankupaj. Noqa Tata Diosmin chayta nini.

Jeremías 30:3 Referans Kwoze

Jeremías 29:14

Arí, noqata qankuna tariwankichej, chantá preso kasqaykichejta tukuchisaj. Chay suyumanta orqhomusqaykichej, maymanchus apasqa karqankichej, chaymanta tantaykusqaykichej. Chantá Jerusalén llajtaman kutichimusqaykichej, maymantachus karuman apacherqaykichej, chayllamantaj. Noqa Tata Diosmin chayta nini.

Jeremías 16:15

Manachayqa ajinata tilunkichej: Tata Diospa sutinpi tiluni, pichus israelitakunata wichay suyumanta orqhomorqa, jinataj maymanchus ch'eqerachisqa karqanku, chay suyumantapis, chaypa sutinrayku, nispa. Ajinata ninkichej, imaraykuchus noqa kutichimusqaykichej, ñawpa tataykichejkunaman qorqani, chay suyuman.

Ezequiel 20:42

Chantá qankuna yachankichej noqa Tata Dios kasqayta, mayqen jallp'atachus ñawpa tataykichejman tiluspa nerqani qonayta, chay jallp'aman pusasojtiykichej.

Jeremías 30:18

Tata Dios nillantaj: Jacobta waj suyuman apasqa kasqanmanta kutichimusaj, suyunmantataj khuyakusaj. Llajtanqa raqaykuna patallapitaj watej sayarichisqa kanqa. Kamachina wasikunapis, maypichus karqanku, chayllapitaj sayarichisqa kanqanku.

Sofonías 3:20

Chay p'unchaypi qankunata pusamuspa, tantaykusqaykichej. Waj suyuman apasqa kasqaykichejmantataj kutichikampusqaykichej. Jinallataj ruwasaj qankuna tukuy runakuna ukhupi jatunpaj qhawasqa kanaykichejta, jinallataj allin ñawiwan qhawasqa kanaykichejta ima, nispa. Noqa Tata Diosmin chayta nini.

Jeremías 33:26

Kikillantataj mana jayk'ajpis Jacobpa mirayninta, nitaj kamachiy Davidpa mirayninmanta kamachinanpaj qhesachasajchu. Paykuna ukhumanta Abrahampa, Isaacpa, Jacobpa mirayninta kamachinanpaj jatarichisaj. Paykunamanta khuyakuspa, watej kay suyuman kutichimpusaj, nispa.

Jeremías 32:44

Jallp'ata qolqewan rantikuspa, papel ruwasqankuta sellaspa testigokunaj rikunankuta wakichenqanku. Ajina kanqa Benjamín jap'iypi, jinallataj Jerusalén llajtaj muyuyninpi, chantapis Judáj llajtankunapi, orqorara cheqanejpi kaj llajtakunapi, pampapi kaj llajtakunapi, jinataj Néguev cheqapi kaj llajtakunapi ima. Ajina kanqa, imaraykuchus noqa Babiloniamanta paykunata kutichimusaj. Noqa Tata Dios chayta nini.

Hebreos 8:8

Dios rikorqa ayllun trato ruwasqanta mana munasqanman jina junt'asqankuta. Chayrayku nerqa: Uj p'unchay chayamonqa, chay p'unchaypitaj noqa Tata Diosqa Israel aylluwan, Judá aylluwan ima uj mosoj tratota ruwasaj.

Joel 3:1

1 (4.1) Tata Dios nillantaj: Chay p'unchaykuna chayamonqa chaypacha, noqa pikunachus Judamanta, Jerusalenmanta ima waj suyukunaman apasqa karqanku, chaykunata kutichikampusaj.

Ezequiel 36:24

Qankunataqa noqa waj suyukunamanta orqhomusqaykichej, tukuy llajtakunamanta tantaykuspataj, suyuykichejman kutichimpusqaykichej.

Salmos 53:6

6 (7) Mayta munayman Sión orqomanta pipis jamunanta Israelta qhespichinanpaj. Chantá Dios ayllunta kacharichispa pusakampojtin, Jacobpa miraynin kusikonqanku, pikunachus Israel ayllumanta kanku, chaykuna.

San Lucas 21:6

Jamoj p'unchaykunapirí kay tukuy ima rikusqaykichej thuñisqa kanqa, manataj uj rumillapis waj rumi patapi qhepakonqachu, nispa.

San Lucas 19:43

Jamoj p'unchaykunapirí awqaykikunaqa jallp'a moqokunata contraykipi oqharenqanku. Atipasunankupaj muyuykusonqanku, tukuynejmantataj ñit'iykamusonqanku.

San Lucas 17:22

Chantá Jesús yachachisqankunata nillarqataj: Uj p'unchay chayamonqa, chaypachataj qankuna Runaj Churinta uj p'unchayllatapis kamachishajta rikuyta munankichej, manataj rikunkichejchu.

Ezequiel 47:14

Noqa tiluspa nerqani kay jallp'ata ñawpa tataykichejkunaman qonayta. Chayrayku kay jallp'ata sapa ujman chayaqenkupaj uj rejllata rak'irapuy. Kay jallp'aqa chayaqeykichej kanqa.

Jeremías 32:37

Kay llajtayojkunata tantaykusaj, maykunamanchus may sinch'i phiñakuyniypi paykunata ch'eqeracherqani, chay suyukunamanta. Chantá paykunata watej kay cheqaman kutirichimusaj, mana imamanta manchachikuspa kaypi tiyarikunankupaj

Jeremías 31:38

Tata Dios nillantaj: Uj p'unchay jamonqa, chay p'unchaypitaj kay llajtay Jerusalén watej sayarichisqa kanqa, Jananel torremantapacha K'uchu nisqa punkukama.

Jeremías 31:31

Tata Dios nillantaj: Uj p'unchay chayamonqa, chay p'unchaypitaj noqaqa Israelwan, Judawan ima mosoj tratota ruwasaj.

Jeremías 31:27

Tata Dios nillarqataj: Qhepanejman Israelpi, Judapipis runakunata ashkha mirachisaj, jinallataj uywankukunatapis.

Jeremías 30:10

Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Jeremías 27:22

Chaykunatapis Babiloniaman apakaponqanku, chaypitaj qhepakonqanku, mayk'ajchari noqa ujtawan kutichimuyta munasaj, chaykama. Noqa Tata Diosmin chayta nini.

Jeremías 27:11

Mayqen suyukunachus kuraj kamachej Nabucodonosorta sirvejkunarí, jallp'ankuta llank'akuspa, suyullankupi tiyakonqanku. Noqa Tata Dios chayta nini.

Jeremías 23:5

Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

Esdras 3:12

Sacerdotekunamanta, levitakunamanta ashkha, chantá kuraj tatakuna ima ñawpa Templota rikusqanku. Chayrayku jatunmanta qhaparispa, waqarqanku Tata Diospa Templon watejmanta ruwakushajta rikuspa. Wakintaj kusiywan qhaparisharqanku.

Esdras 3:8

Wataj iskay kaj killanman Jerusalenpi Tata Templonta ruwanankupaj chayamusqankumanta Salatielpa churin Zorobabel, Josadacpa churin Josuetaj, sacerdote masinkunawan, levitakunawan ima, chantá pikunachus Babiloniaman apasqa kasqankumanta Jerusalenman kutimporqanku, chay tukuyninku Tata Diospa Templonta watejmanta ruwayta qallarerqanku. Templota ruwachinapajqa ajllarqanku iskay chunka watayojmanta pataman levitakunata.

Esdras 3:1

Qanchis kaj killapi israelitakunaqa sapa ujpis llajtankupi tiyakushaspaña, Jerusalenpi tukuyninku uj runa jinalla tantakorqanku.

Deuteronomio 30:3

chaypacha Tata Diosniykichejqa karu llajtamanta kutichimusonqachej, khuyakusonqachejtaj. Ujtawantaj maykunamanchus wijch'usorqachej, chaymanta tantamusonqachej.

Jeremías 31:23

Israelpa Tukuy Atiyniyoj Tata Diosnin kayta nin: Waj suyuman apasqa kasqankumanta paykunata kutichimojtiy, Judá suyu ujtawan paykunaj jallp'ankupi, llajtankupi ima tiyakonqankuña. Chantá nenqanku: Tata Dios saminchachun Diospaj t'aqasqa llajtata, jinallataj Diospa Templonta, maypichus justicia ruwakun, chayta, nispa.

Deuteronomio 30:5

Ajinata ruwaspa Tata Diosniykichejqa, tataykichej jap'erqanku, chay jallp'aman ujtawan kutichimusonqachej, qankunataj ujtawan chay jallp'ata jap'inkichej. Chaypi Tata Diosqa allin risunanpaj yanapasonqachej, ñawpa tataykichejmantapis astawanraj mirachisonqachej.

Jeremías 3:18

Chay p'unchay chayamojtin, Judá aylloqa Israel aylluwan khuska tantakonqa. Iskayninkutaj wichaynej suyumanta kutimonqanku, ñawpa tataykichejkunaman chayaqepaj qorqani, chay jallp'aman.

Jeremías 29:10

Noqa Tata Dios nillanitaj: Qanchis chunka wata Babiloniapi kasqaykichej junt'akojtinkama, kay cheqaman qankunata kutichimunayta nerqani, chay nisqayta junt'asaj.

Jeremías 30:4

Kaytamin Tata Dios Israelmanta, Judamantawan Jeremiasman nerqa:

Jeremías 31:16

Tata Dios nillantaj: Raquel, amaña astawan waqaychu. Waqayniykita pichakuy, wawaykikunarayku ruwasqaykimantaqa t'inkayki kanqapuni. Wawaykikunaqa awqankoj suyunmanta kutimponqanku. Noqa Tata Diosmin chayta nini.

Jeremías 51:60

Jeremías qaramanta p'anqapi qhelqarqa ima ñak'ariykunachus Babiloniaj patanman jamunan karqa, chaykunata. Ajinaqa Babiloniaj contranpi imachus qhatirinanqa tukuy qhelqasqa karqa.

Salmos 126:4

Tata Dios, ñawpajta imaynatachus allinpi kawsakorqayku, chay jinallamantaj kutichiwayku, imaynatachus Néguev ch'innejpis parasqanrayku waj jinaman tukun, ajinata.

Ezequiel 34:13

Chantá waj suyukunamanta orqhomuytawan, ujllaman tantaykuspa, paykunata kikin suyunkuman qhatikapusaj. Israel orqokunapi, tukuy mayu kantupi, runaj tiyakunanpi ima paykunata michisaj.

Sofonías 2:7

Judá suyumanta puchojkunaqa chay llajtayojkunaj suyunkuta jap'ikaponqanku, imaraykuchus Tata Diosninku paykunata yanapaj jamonqa. Chantá paykunata waj suyuman apasqa kasqankumanta kutichimonqa. Jaqaypitaj Judamanta kajkuna ovejankuta michenqanku. Tutantaj Ascalonpi kaj wasikunapi samarikonqanku.