Jeremías 30:12 - DIOSPA QHELQACHISQ

¹² Tata Dios nillantaj: K'irisqa kasqaykichejqa mana jampiy atina, onqoyniykichejpajpis mana jampi kanchu.

Qheshwa Biblia DC

¹² Señor nin: Nanachikusqasniykeqa mana thañiyniyoj, chay onqoyniykipis mana thañiyniyoj.

DIOSPA QHELQACHISQAN DEUTEROCANONICAL

¹² Tata Dios nillantaj: K'irisqa kasqaykichejqa mana jampiy atina, onqoyniykichejpajpis mana jampi kanchu.

Jeremías 30:12 Referans Kwoze

Jeremías 15:18

Jina chayqa, imaraykutaj kay nanayniy mana jayk'aj thañinchuri? Imaraykutaj kay k'iriy mana thañipunchuri, nitaj jampisqa kayta atinchuri? Qanqa ch'aki mayu jina noqapaj kanki, nispa.

Jeremías 30:15

Imaraykutaj k'irisqa kasqaykichejmanta qhaparqachankichejri? Chay nanayniykichejqa mana jampiy atina. Ashkha millay ruwasqaykichejmanta, mana yupay atina juchaykichejmanta ima ajinata ñak'arichiykichej.

Jeremías 14:17

Tata Dios nillawarqataj: Aylluyman kayta niy: Tuta p'unchay mana sayk'uyta ñawiymanta waqay t'akakuchun, imaraykuchus may munasqa aylloyqa ñak'arichisqa, k'irisqataj kashan.

2 Crónicas 36:16

Jinapis paykunaqa Tata Diospa kachamusqan willarajninkunamanta asiykukorqanku, nisqankutataj qhesacharqanku. Diosmanta sut'inchajkunamanta ajinata alqochakuspa, Tata Diosta sinch'ita phiñacherqanku. Chayrayku Tata Diospa phiñakuynin chay runakunaj contranpi k'ajarerqa, jinataj manaña pipis imatapis ruwayta aterqachu Diospa sonqonta tiyaykuchinapaj.

Ezequiel 37:11

Jinapi Tata Dios niwarqa: Runaj churin, kay tukuy tullukuna Israel aylluwan ninakun. Israelitakuna kay jinata ninku: Tullunchejkunaqa ch'akisqa kanku, manataj imata suyananchejpis kanñachu. Noqanchejpajqa manaña imapis kanqachu, nispa.

Jeremías 6:7

Jerusalenmanta millayta ruwana llojsimullanpuni, imaynatachus uj pujyumanta yaku llojsimullanpuni, ajinata. Chay llajtapi suwanamanta chantá mana allinta ruwanamanta parlasqalla uyarikun. Chaypi onqoykunawan k'irisqa runakunallata rikuni.

Lamentaciones 2:13

Jerusalén llajta, imatataj niykimanri? Jerusalén, imawantaj rijch'anachiykiman qanta sonqochanaypajri? Qanpa llakiyniykeqa mama qocha jina. Pitaj sonqoykita tiyaykuchiyta atisunkimanri?

Oseas 5:13

Efrainqa onqosqa kasqanta rikukonqa, Judapis ukhun nanachisqa kasqanta reparakonqa. Chantá Efrainqa Asiriaman renqa kuraj kamachej yanaparinanta mañakoj. Asiriaj kuraj kamachejninrí mana thañichiyta atenqachu, nitaj nanasqantapis jampiykonqachu.

Miqueas 1:9

Samaria llajtaj k'irisqa kasqanqa mana jampiy atina jina. Judá suyupis k'irisqallatajmin kashan, chaytaj Jerusalén llajtaypa punkunkama chayan.

Nahúm 3:19

K'irisqa kasqaykipaj mana jampi kanchu. Chay onqoyniykeqa mana jampiy atina. Llakiypi rikhurisqaykimanta tukuy uyarejkuna kusikuspa t'ajllarakunku. Millay ruwasqaykeqa pitataj mana ñak'aricherqachuri?

Jeremías 8:22

Manachu ima jampipis Galaad llajtapi kanmanri? Manachu jaqaypi pipis jampiykurej kanmanri? Imaraykutaj kay aylluy mana qhaliyayta atinchuri? nispa.

Jeremías 14:19

Chantá Jeremías nerqa: Tata Dios, Judataqa qhesachasqatapunichu qhesachanki? Sión llajtawanqa amichikunkipunichu? Imaraykutaj qhaliyayta mana atinaykupaj jina maqawarqaykuri? Allinpi tiyakuyta suyarqayku, manataj ima allintapis rikorqaykuchu. Qhaliyachisqa kayta suyarqayku, sinch'i mancharikuyllataj kashan.