Jeremías 3:9 - DIOSPA QHELQACHISQ

⁹ Israelqa imatachus ruwasqanta pujllakunata jinalla qhawaspa, tukuy suyuntinta ch'ichicharqa. Pay t'aqakuwaspa, rumikunata, k'ullukunatawan yupaychaj churakorqa.

Qheshwa Biblia DC

⁹ Chaytaqa payllamanta imata jina ruwarqa, tukuy nacionnintinta mana allinman churarqa. Judaqa t'aqakuwaspa, rumista, k'ullustawan yupaychaj churakorqa.

DIOSPA QHELQACHISQAN DEUTEROCANONICAL

⁹ Israelqa imatachus ruwasqanta pujllakunata jinalla qhawaspa, tukuy suyuntinta ch'ichicharqa. Pay t'aqakuwaspa, rumikunata, k'ullukunatawan yupaychaj churakorqa.

Jeremías 3:9 Referans Kwoze

Jeremías 2:27

Qankunaqa uj k'ulluta ninkichej: Qan tatay kanki, nispa. Uj rumitataj ninkichej: Qan mamitay kanki, nispa. Noqatatajrí wasanchawankichej, wajnejmantaj qhawaykachankichej. Ñak'ariypi rikhurispalla, niwankichej: Jamuy yanaparinawaykupaj, nispa.

Jeremías 3:2

Q'ara orqokunata allinta qhawariy: Mana mayqen orqo kanchu mana khuchichakusqaykeqa. Ch'innejpi Arabiamanta runakuna jina chukuykuspa, qhariykita ñan patallapi suyaj kanki. Kay suyutataj khuchichakusqaykiwan, chantá millay ruwasqaykiwan ima qhenchacharqanki.

Isaías 57:6

Jerusalén llajta, qanqa wayq'omanta llusk'a rumikunata yupaychayta munanki. Arí, chaypi qanpaj tiyan uj cheqa yupaychanaykipaj. Chay rumikunaman qanqa vinowan ch'allanki, chaymantaj ch'aki mikhuy jaywanata jaywanki. Noqarí chay millay ruwasqaykimanta ch'inllachu kakusaj?

Jeremías 10:8

Lantikunata yupaychajkunarí wampu kanku, manataj uj chhikan yuyayninkupis kanchu. K'ullumanta ruwasqa lanteqa mana imatapis yachachiyta atinchu.

Jeremías 2:7

Noqamin kay sumaj jallp'aman pusamorqaykichej, chaypi sumaj poqosqanmanta mikhunaykichejpaj. Qankunarí chayman yaykuytawan, jallp'ayta ch'ichicharqankichej. Millayta ruwasqaykichejwantaj kay jallp'ayta millachikunaman tukucherqankichej.

Habacuc 2:19

Ay, imarajchus kanqa qanmanta, imaraykuchus k'ullumanta llajllasqa lantita ninki: Rijch'ariy, nispa. Mana parlayta atej rumitataj ninki: Sayarikuy, nispa. Chaykunaqa imamantapis willasuyta atinkumanchuri? Mana, imaraykuchus, qoriwan chayrí qolqe metalwan lluch'isqa kaspapis, mana kawsayniyojchu kanku.

Oseas 4:12

Chayrayku aylloyqa k'ullumanta lantikunallata tapukunku, jinataj chay k'ullu kutichinanta suyanku. Lantikunata yupaychaspa khuchichakunku. Paykunaqa Diosninkumanta t'aqakunku sajra puriyman qokunankupaj.

Ezequiel 23:10

Chay waynakunataj Aholajpa p'achanta lluch'uspa, p'enqayninta rikorqanku. Chaymantataj Aholajpa qhari wawankunata, warmi wawankunatapis qhechuspa, payta espadawan wañucherqanku. Chay jinata Aholá juchanmanta jasut'isqa karqa, tukuy warmikuna wananankupaj jina.

Ezequiel 16:17

Noqaj qosqay qoriwan, qolqe metalwan ima runaman rijch'akoj lantikunata ruwakorqanki, chaykunata yupaychaspataj, khuchichakorqanki.

San Mateo 5:32

Noqatajrí niykichej: Sichus pipis warminmanta t'aqakun, warmin mana wajwan wasanchaspa khuchichakojtillan chayqa, warminta khuchichakuspa juchallinanpaj tanqaykun. Jinallataj chay warmiwan casarakojpis khuchichakullantaj.

Jeremías 16:18

Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

Ezequiel 23:3

Chantá Egiptopi sipaskunallaraj kashaspa, sajra purikuyman qokusqanku, phisu warmimantaj tukusqanku. Chaypi ñuñunkuta llankharichikusqanku, honrankutataj t'akasqanku.

Ezequiel 23:21

Qanqa, Aholibá, sipasllaraj kashaspa, millay purisqaykimanta yuyarikorqanki, maypachachus Egiptomanta qharikuna chuchuykita llujchiykacharqanku, chaypacha.

Oseas 2:2

2 (4) Chaywanpis Tata Dios nin: Israel mamaykichejta uyanpi nipuychej, imaraykuchus payqa manaña warmiychu, nitaj noqapis qosanñachu kani. Pay saqechun ujwan ujwantaj khuchichakuyta, jinallatataj amaña waj qharikunawan puñuykuchunchu.

Isaías 57:3

Chantá Tata Dios nillantaj: Qankuna layqa warmej wawankunarí, kayman jamuychej. Qankuna, pichus warminta wasanchaj qharimanta, phisu warmimantawan mirajkuna, jamuychej.

Joel 1:19

Tata Dios, qanman qhaparikamuyki, imaraykuchus ninaqa monteta, tukuy qhoratapis ruphaykun.