Jeremías 3:6 - DIOSPA QHELQACHISQ

⁶ Kuraj kamachej Josías kamachishajtin, Tata Dios nillawarqataj: Mana kasukoj Israel ayllu imatachus ruwasqanta rikunkichu? Payqa tukuy orqo patapi khuchichakunaman qokorqa, jinallataj tukuy thansarara sach'a urapipis khuchichakullarqataj.

Qheshwa Biblia DC

⁶ Rey Josiaspa p'unchaykunasnimpi Señor niwarqa: Rikunkichu mana kasukoj Israel ayllu imatachus ruwasqanta? Rispa chay jatun orqos patapi, juch'uy orqos patapipis riytawan, qhenchachakuyman qokaporqa, jinallataj tukuy ch'ampa sach'as urapipis.

DIOSPA QHELQACHISQAN DEUTEROCANONICAL

⁶ Kuraj kamachej Josías kamachishajtin, Tata Dios nillawarqataj: Mana kasukoj Israel ayllu imatachus ruwasqanta rikunkichu? Payqa tukuy orqo patapi khuchichakunaman qokorqa, jinallataj tukuy thansarara sach'a urapipis khuchichakullarqataj.

Jeremías 3:6 Referans Kwoze

Ezequiel 23:11

Aholibá ñañanpis chay tukuyta rikorqa. Chay tukuywanpis astawanraj q'oñirispa, paypis phisu kawsayman qokullarqataj. Ajinamanta ñañanmantapis aswan khuchiraj karqa.

Ezequiel 20:28

Noqaqa tiluspa, chay cheqata paykunaman qonayta nerqani. Chayman pusaykojtiytajrí, paykunaqa tukuy orqokunata, chayrí tukuy thansa sach'akunata rikuytawan, chaypi uywa wañuchisqata q'olacherqanku, jinataj jaywanatapis jaywarqanku. Ajinata lantinkukunata yupaychaspa, mayta phiñachiwarqanku. Chayllapitaj k'achituta q'apaj inciensota q'oshñicherqanku, vinowantaj ch'allaykorqanku.

Ezequiel 16:31

Ñan qallariypi lantikunapaj yupaychana cheqata ruwarqanki, tukuy plazakunapitaj altarkunata ruwakorqanki. Chaywanpis qanqa mana phisu warmi jinachu ruwarqanki, imaraykuchus mana pimantapis pagachikorqankichu.

Jeremías 17:2

Wawaykikunaqa altarninkumanta yuyarikunku, Asera lantita yupaychana k'ullumanta ima. Chaykunaqa thansarara sach'akunaj qayllanpi kashanku, chay orqokunaj patanpi ima.

Jeremías 7:24

Chaywanpis paykuna mana kasuwarqankuchu, nitaj uyariwarqankuchu. Manachayqa rumi sonqo kayninkuwan apachikorqanku, jinallataj sonqonkoj millay ruwayta munasqanwan ima. Noqaman kutirikamunawankutaqa wasanchawarqanku.

Jeremías 3:8

Jinallataj pay rikorqa imaynatachus contraypi oqharikoj Israelta wijch'usqayta, chantá khuchichakusqanrayku paymanta t'aqakusqayta ima. Jinapis Israelpa ñañan wasanchaj Judá mana manchachikorqachu, manachayqa paypis khuchichakunaman qokullarqataj.

Isaías 57:7

Jatuchaj orqo patapi khuchichakunaykipaj puñunata wakichikamunki. Chaykama wicharinki uywa ñak'asqata q'olachispa jaywanaykipaj.

1 Reyes 14:23

Paykunaqa loma patapi altarkunata ruwarqanku. Chantá Asera lantikunata tukuynej orqo patapi, jatuchaj thansa sach'a urapipis sayachillarqankupuni.

2 Crónicas 34:1

Josiasqa pusaj watayoj kashaspa, kamachiyta qallarerqa, Jerusalenmantapacha kinsa chunka ujniyoj watata kamacherqa.

Jeremías 1:2

Tata Dios Jeremiasman parlarqa, Amonpa churin Josías chunka kinsayoj watataña Judata kamachishajtin.

Jeremías 5:11

Israelitakuna wasanchawanku. Ajinata Tata Dios nin.

Jeremías 11:10

Ñawpa tatankukunaj juchallisqankuman kutiykapunku, pikunachus mana kasuwayta munarqankuchu, chaykunaj ruwasqankuman. Ajinamanta waj dioskunata yupaychaj churakorqanku. Ajinata ruwaspa, Israel suyu, jinataj Judá suyupis ñawpa tatankukunawan trato ruwasqayta p'akerqanku.

Jeremías 31:22

Mayk'ajkamataj mana kasukoj sipas jina kayman jaqayman purinkiri? Noqa Tata Diosrí, kay pachapi mana jayk'aj rikusqaykichejta ruwani: Warmeqa qharita muyupayanqa, nispa.

Ezequiel 23:4

Kuraj kajpata sutin Aholá karqa, chaytaj Samariawan ninakun. Sullk'antaj Aholibá sutiyoj karqa, chaytaj Jerusalenwan ninakun. Chantá noqa Tata Dios paykunawan casarakorqani, paykunataj qhari wawakunata, warmi wawakunatawan ima rejsichiwarqanku.

Oseas 4:13

Jatun orqokunapi, lomakunapipis inciensota q'oshñichinku, uywa ñak'asqatataj jaywanku. Kikillantataj ruwanku roble sach'a urapi, álamo sach'a urapi, encina sach'a urapipis. Chayrayku ususinkukuna phisu warmiman tukunku, ñojch'ankukunapis waj qharikunawan khuchichakunku.

Oseas 11:7

Israel aylloyqa noqamanta karunchakuyllatapuni munan. Chayrayku janaj pachaman qhaparikojtinkupis, paykunata ni pi yanapanqachu.

Jueces 2:17

Chaywanpis israelitakunaqa manapuni kasorqankuchu chay juezkunataqa, manachayqa Tata Diosta wasanchaspa, waj dioskunata yupaycharqanku. Ñawpa tatankukunaqa Tata Diospa kamachisqanta kasukuspa kawsakusqanku. Paykunarí manaraj imapi Tata Diosta wasancharqanku.

Salmos 106:39

Ajinata ruwaspa, paykuna ch'ichichakorqanku, millay ruwasqankuwantaj khuchichakorqanku.

Isaías 57:3

Chantá Tata Dios nillantaj: Qankuna layqa warmej wawankunarí, kayman jamuychej. Qankuna, pichus warminta wasanchaj qharimanta, phisu warmimantawan mirajkuna, jamuychej.

Ezequiel 16:35

Chayrayku qan, phisu warmi, Tata Diospa nisqanta uyariy: