Jeremías 3:25 - DIOSPA QHELQACHISQ

²⁵ May p'enqayta k'umuykuchisqa kashayku ari, honrayku t'akasqa kasqanrayku pampallata qhawaspa, imaraykuchus wawa kasqaykumantapacha kunankama noqayku, ñawpa tataykukuna ima juchallillarqaykupuni. Jinallataj noqayku Tata Diosniykoj contranpi oqharikuspa, mana kamachisqaykita kasorqaykuchu, nispa. Ajinata israelitakuna nerqanku.

Qheshwa Biblia DC

²⁵ May p'enqasqas k'umuykukunachej ari, manaña allimpajchu qhawasqas kanchej, imaraykuchus wawasmantapacha kunankama, noqanchej ñaupa tatasninchejpis juchallerqanchej Señor Diosninchejpa contrampi, manataj payta kasorqanchejchu.

DIOSPA QHELQACHISQAN DEUTEROCANONICAL

²⁵ May p'enqayta k'umuykuchisqa kashayku ari, honrayku t'akasqa kasqanrayku pampallata qhawaspa, imaraykuchus wawa kasqaykumantapacha kunankama noqayku, ñawpa tataykukuna ima juchallillarqaykupuni. Jinallataj noqayku Tata Diosniykoj contranpi oqharikuspa, mana kamachisqaykita kasorqaykuchu, nispa. Ajinata israelitakuna nerqanku.

Jeremías 3:25 Referans Kwoze

Jeremías 22:21

Tukuy ima allillanraj rishasojtin, parlapayarqayki, qantajrí mana uyariwayta munarqankichu. Qanqa wayna kasqaykimantapacha ajinapuni karqanki. Nisqaytataj manapuni uyariyta munarqankichu.

Jeremías 2:26

Imaynatachus uj suwa jap'ichikuspa p'enqakun, ajinallatataj Israelpis p'enqakonqa, tukuy runantin, kuraj kamachejnintin, kurajkunantin, sacerdotekunantin, Diosmanta sut'inchajnintin ima.

Romanos 6:21

Ajinata purisqaykichejrayku, imatataj tarerqankichejri? Manachu millay kajta ruwasqaykichejmanta kunan p'enqakushankichej? Chaykunataj pusashasorqachej wiñay wiñaypaj Diosmanta karunchasqa kanaykichejpaj.

Daniel (hebreo) 12:2

Wañusqakunamanta ashkha kawsarimonqanku, ujkunaqa wiñayta kawsanankupaj, wakinkunataj wiñay p'enqaypi, phutiypitaj kanankupaj.

Ezequiel 36:32

Israel ayllúy mana qankunaraykuchu chayta ruwasaj. Chayta allinta yachaychej. Chayrayku k'umuykuychej, p'enqakuychejtaj millayta purisqaykichejmanta. Noqa Tukuyta Kamachej Tata Dios chayta nini.

Ezequiel 7:18

Llakiyninkuta rikuchispa, qhashqa p'achata churakonqanku, manchariywantaj kharkatitirenqanku. Tukuyninkojta umanku raphasqa kanqa, uyankupis p'enqaywan pukayarenqanku.

Lamentaciones 5:16

Maypaj qhawasqa kayniykupis manaña kanchu. Ay, noqaykumanta imachus kanqapis, imaraykuchus noqaykoqa juchallikorqayku.

Lamentaciones 5:7

Tatayku mamayku juchallikorqanku, wañuraporqankutaj. Juchallisqankurayku jasut'itajrí noqaykuman chayamuwayku.

Jeremías 6:26

Ayllúy, qhashqa p'achata churakuy, ushphapitaj qhoshpaspa, llakiyniykita rikuchiy. Luto p'achata churakuspa, sonqo nanayta waqay, imaynatachus pipis uj k'ata wawan wañupojtin waqan, ajinata, imaraykuchus wañuchejkuna contraykipi ñapis jamonqankuña, nispa.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 2:17

Chay tukuy ima qanta qhatirisorqa, noqa Tata Diosniykita saqerparisqaykirayku, qanta cheqan ñanta pusashasojtiy.

Jeremías 2:2

Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

Isaías 50:11

Qankuna, munasqaykichejman jina kawsajkuna, sumajta qhawakuychej imatachus ruwasqaykichejta, imaraykuchus chay ruwasqaykichejpi tojllapi jina urmankichej. Tata Diosqa jasut'iyta apachimusonqachej, ñak'ariypitaj choqarayankichej, nispa.

Isaías 48:8

Arí, chay nisqaytaqa mana jayk'ajpis uyarerqankichejchu, nitaj rejserqankichejchu. Cheqapuni ñawpajtaqa mana uyariyta munajchu kankichej. Noqaqa wasanchanawaykichejta yacharqaniña, imaraykuchus paqarikusqaykichejmantapacha mana kasukoj kankichej.

Proverbios 5:13

Yachachiwajkunata mana uyariyta munarqanichu, yuyaychawajkunatapis manallataj kasorqanichu.

Salmos 109:29

Ch'ataykuwajkunaqa p'enqaypi rikhurichunku, k'umuykuchisqa kasqankutaj qhatana jina paykunata qhataykukuchun.

Salmos 106:7

Tataykukunaqa Egiptopi t'ukuna imakunata ruwasqaykita pisipaj qhawarqanku. Mana tukukuyniyoj khuyakuyniykimanta qonqapuspa, Puka Mama Qocha qayllapi contraykipi oqharikorqanku.

Jueces 2:2

Qankunataj amapuni chay llajtayojkunawan ima tratotapis ruwankichejchu, manachayqa lantinkoj altarninkukunata phirirankichej, nispa. Qankunarí mana kasuwarqankichejchu. Imaraykutaj jinata ruwarqankichejri?

Salmos 106:6

Noqaykupis tatayku jina juchallerqayku mana allin kajta, millay kajtataj ruwaspa.

Jeremías 3:13

Millay juchayoj kasqaykita reparakuy. Noqa Tata Diospa contrayta oqharikusqaykita, mana rejsisqayki qharikunawan tukuy thansarara sach'a urapi khuchichakusqaykita, kamachisqayta mana kasusqaykita ima reparakuy. Rimariy kamachisqayta mana kasusqaykita. Noqa Tata Diosmin chayta nini.

Jeremías 8:14

Chantá aylluy nenqanku: Imapajñataj kaypi qhepakusunchejri? Jaku ripunachej sumaj perqawan jark'achasqa llajtakunaman, ujkama chaypi wañunanchejpaj, imaraykuchus Diosninchej Tata Diosqa churawanchej wañuchisqa kananchejpaj. Payqa venenoyoj yakuta ujyachiwanchej paypa contranpi juchallisqanchejrayku.

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 14:20

Tata Dios, millay ruwasqaykuta rejsikapuyku, jinallataj ñawpa tataykukunaj juchallikusqankutapis. Cheqatapuni tukuyniyku contraykipi juchallikorqayku.

Jeremías 20:18

Imapajtaj mamaypa wijsanmanta llojserqaniri, kay jina nanayta, llakiyllata rikunaypaj, kawsayniytaj p'enqaypi tukukunanpajri? nispa.

Jeremías 31:19

Noqa qanmanta karunchakorqani. Chaywanpis juchallisqayta rejsikapuspa, watej qanman kutirikamuni. Qhasqoyta takakuspa, p'enqasqa k'umuykuni, wayna kashaspa juchallisqayrayku, nispa.

Ezequiel 2:3

Runaj churin, qanta mana kasukoj israelitakunaman kachasqayki, noqaj contraypi oqharikoj aylluman. Paykuna jinataj ñawpa tatankukuna kunankama contraypi oqharikunku.

Proverbios 13:18

Pichus yuyaychasqata pisipaj qhawajpajqa wajchayaylla, p'enqaytaj kanqa. Pichus k'amisqata jap'ikojrí jatunchasqa kanqa.

Jeremías 7:19

Ajinata ruwaspa, noqatachu phiñachiwanku? Mana, astawanqa paykunalla p'enqaypi rikhurinankupaj ruwanku. Ajinata Tata Dios nin.

Jeremías 9:18

18 (17) Arí, usqhayta jamuchunku noqanchejrayku llakiyta waqapunawanchejpaj. Ñawinchejmanta waqayqa mayu jina puririchun.

Jeremías 11:13

Judá suyojta mashkha llajtanchus tiyapun, ajinallataj diosninkukunapis tiyapun. Jerusalenpi tiyakojkunaqa may chhika altarkunata Baalman inciensota q'oshñichinankupaj ruwakunku. Chay altarkunaqa sapa callellapi kashan.

Jeremías 12:13

Trigota tarpuspapis, khishkallata oqharerqanku. Tukuy llank'asqankoqa qhasillapaj karqa. Noqaj sinch'i phiñakusqayrayku chajrapis mana poqorqachu, nispa.

Ezequiel 44:13

Manaña sacerdote jina ruwanankuta ñawpaqeypi ruwayta atenqankuchu, nillataj noqapaj t'aqasqa imaykunamanpis qayllanqankuchu. Ajinamanta millay ruwasqankuman jina castigota apanqanku.

Oseas 9:10

Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

Sofonías 1:17

Tata Dios nin: Noqa runakunata llakiyman churasaj, paykunataj ñawsapis kankuman jina purenqanku, imaraykuchus contraypi juchallikorqanku. Yawarninkoqa jallp'a jina qhallisqa kanqa, aychankutaj wanu jina qollusqa kanqa.