Jeremías 3:24 - DIOSPA QHELQACHISQ

²⁴ Lantikunata p'enqayta yupaychasqaykupi, wawakunallaraj kashajtiyku imatachus tataykukuna tarerqanku, chay tukuyta chinkacherqayku lantikunata p'enqayta yupaychasqaykupi. Jinallataj ovejakunata, wakakunata, qhari wawakunata, warmi wawakunata ima chinkachillarqaykutaj.

Qheshwa Biblia DC

²⁴ Lantista yupaychasqasniyku p'enqayta chinkachiwarqayku unaymantapacha tatasniykoj tarisqanku chay ovejasta, uywasta, qhari wawasta, warmi wawastapis.

DIOSPA QHELQACHISQAN DEUTEROCANONICAL

²⁴ Lantikunata p'enqayta yupaychasqaykupi, wawakunallaraj kashajtiyku imatachus tataykukuna tarerqanku, chay tukuyta chinkacherqayku lantikunata p'enqayta yupaychasqaykupi. Jinallataj ovejakunata, wakakunata, qhari wawakunata, warmi wawakunata ima chinkachillarqaykutaj.

Jeremías 3:24 Referans Kwoze

Oseas 9:10

Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

Oseas 10:6

Torillo lanteqa Asiriaman apasqa kanqa, kuraj kamachejman t'inkata jina jaywanankupaj. Jinamanta Efrainqa p'enqachisqa rikhurenqa. Israelpis lantinmanta p'enqakonqa.

Oseas 2:8

8 (10) Payqa mana yuyarikorqachu noqamin payman trigota, vinota, aceitetapis qosqayta. Paytajrí qolqeta, qorita ashkhata qosqaywan Baal lantikunata ruwakorqa.

Ezequiel 16:63

Maypachachus noqa tukuy millay ruwasqaykita pampachasaj chaypacha, qan yuyarikuspa, uyaykita mana mayman churayta atinkichu. P'enqakunki, k'umuykunkitaj, simiykitapis mana ujtawan kicharinkichu. Noqa Tukuyta Kamachej Tata Dios chayta nini, nispa.

Ezequiel 16:61

Yuyarikunkitaj millayta purisqaykimanta, p'enqakunkitaj maypachachus kuraj ñañaykita, sullk'aykitapis ususiykikuna kanankupaj qosqayki chaypacha. Ñawpa tratota ruwasqaypi mana chayta ruwanayta nerqanichu chaypis, chaytapuni ruwasaj.

Jeremías 11:13

Judá suyojta mashkha llajtanchus tiyapun, ajinallataj diosninkukunapis tiyapun. Jerusalenpi tiyakojkunaqa may chhika altarkunata Baalman inciensota q'oshñichinankupaj ruwakunku. Chay altarkunaqa sapa callellapi kashan.

Jeremías 8:16

Awqakuna jamushankuña. Caballokunaj samaqesqankupis Danmantapachaña uyarikun. Caballokuna qhaparejtinku, tukuy jallp'a kharkatitin. Kay jallp'api tukuy ima kajta chinkarparichej jamushanku. Tukuy llajtata, chaypi tiyakojkunatawan ima chinkarparichenqanku, nispa.

Jeremías 22:21

Tukuy ima allillanraj rishasojtin, parlapayarqayki, qantajrí mana uyariwayta munarqankichu. Qanqa wayna kasqaykimantapacha ajinapuni karqanki. Nisqaytataj manapuni uyariyta munarqankichu.

Jeremías 44:7

Kunanqa Israelpa Tukuy Atiyniyoj Tata Diosnin nisunkichej: Imaraykutaj jatun llakiyta qankunallataj mask'akunkichejri? Imaraykutaj Judá suyumanta qharikuna, warmikuna, wawakuna, ñuñoj wawakuna ima ni uj puchuyoj chinkanankuta munankichejri?

Jeremías 9:18

18 (17) Arí, usqhayta jamuchunku noqanchejrayku llakiyta waqapunawanchejpaj. Ñawinchejmanta waqayqa mayu jina puririchun.

Ezequiel 16:19

Qanman qosusqay sumaj kaj jak'umanta ruwasqa t'antayta, aceiteta, abeja misk'ita ima lantikunaman jaywarqanki, ima munayta q'apashaj jaywanata jina. Noqa Tukuyta Kamachej Tata Dios chayta nini.

Ezequiel 16:20

Jinallataj noqapaj rejsisqayki warmi wawakunata, chantá qhari wawakunatapis lantikunaman qaraykorqanki. Qanpaj khuchi warmiman tukusqayki pisichu karqa?