Biblia Todo Logo
Bib sou entènèt

- Piblisite -




Jeremías 3:21 - DIOSPA QHELQACHISQ

21 Ch'in orqokunapi qhaparisqanku uyarikun. Chayqa kashan khuyakuyta mañakuspa israelitakunaj waqasqanku. Paykuna cheqan ñanmanta pantaykorqanku, jinataj Diosninku Tata Diosmanta qonqaporqanku.

Gade chapit la Kopi

Qheshwa Biblia DC

21 Ch'in orqospi qhapariykuna uyarikun: Chaykunaqa kanku khuyakuyta mañakuspa israelitaspa waqaynin. Cheqan ñanmanta t'aqakaporqanku, noqa Señor Diosninkutataj qonqakapuwarqanku.

Gade chapit la Kopi

DIOSPA QHELQACHISQAN DEUTEROCANONICAL

21 Ch'in orqokunapi qhaparisqanku uyarikun. Chayqa kashan khuyakuyta mañakuspa israelitakunaj waqasqanku. Paykuna cheqan ñanmanta pantaykorqanku, jinataj Diosninku Tata Diosmanta qonqaporqanku.

Gade chapit la Kopi




Jeremías 3:21
24 Referans Kwoze  

Diospa munasqanman jina llakikoyqa runata pusan juchamanta Diosman kutirikunanpaj, ajinamanta qhespichisqa kananpaj. Chaymantaqa mana pesachikunachu. Chaywanpis Diosman mana kutirikojkunaj yuyasqankuman jina llakikoyqa runata Diosmanta karunchachin.


Waqarikuspa, chantá noqamanta mañarikuspa ima kutimponqanku. Noqa paykunata yakuyoj mayoj kantunta pusaykachasaj, cheqan sumaj ñannintataj, ama misk'akunankupaj, imaraykuchus noqamin Israelpa tatan kani, Efraintaj kuraj kaj waway, nispa.


Q'ara orqokunata allinta qhawariy: Mana mayqen orqo kanchu mana khuchichakusqaykeqa. Ch'innejpi Arabiamanta runakuna jina chukuykuspa, qhariykita ñan patallapi suyaj kanki. Kay suyutataj khuchichakusqaykiwan, chantá millay ruwasqaykiwan ima qhenchacharqanki.


Casarakoj sipasqa k'achitu may valorniyoj jaluchunmanta qonqakapunmanchuri? Chayrí casarakunanpaj k'achanchakusqanmanta qonqapunmanchuri? Aylluyrí unayña noqamanta qonqakapuwan.


Ajina kanqa, imaraykuchus qanqa kacharichisoj Diosmanta qonqaporqanki, manataj waqaychasoj Diosniykimanta yuyarikorqankichu. Astawanpis qanqa sumaj uva sach'akunata mallkerqanki, waj dioskunata yupaychanaykipaj.


Dibón llajtamanta kajkunaqa loma patapi diosninkuta yupaychana wasikunaman waqaj wicharerqanku. Moabmanta runakunataj Nebo llajtarayku, Medeba llajtaraykutaj waqarikunku. Chayrayku runakunaj chujchanku, sunkhankuwan ima ruthusqa kashan.


Kunan kayta uyariychej, Israelta kamachejkuna, kurajkunapis, pikunachus cheqan kajta chejnejkuna, justiciatapis q'ewejkuna.


Chaywanpis maypachachus mikhunawan atipacherqaykichej chaypacha, sajsakuspa, sonqoykichej ukhupi mayta jatunchakorqankichej, jinataj noqata qonqarpariwarqankichej.


Israelqa kamachina wasikunata ruwarin, ruwajnin Diosmantatajrí qonqakapuwan. Judapis ashkha sumaj perqasqa llajtakunata oqharin. Noqatajrí, chay llajtakunaman ninata jap'iykuchisaj, tukuy jatuchaj wasinkuna ruphananpaj.


Chayrayku noqa Tukuyta Kamachej Tata Dios nillanitaj: Noqamanta qonqapuwasqaykirayku, wasanchawasqaykiraykutaj qan jasut'isqa kanayki tiyan, khuchichakuypi kawsasqaykimanta, munasqaykipi purisqaykimantawan, nispa.


Tukuyninku mancharisqa urpi jina orqoman ayqenqanku chaypis, juchankurayku tukuy wañonqanku.


Runaj wampu kaynenqa pay kikinta cheqan ñanmanta pantachin. Chaywanpis Tata Diosta juchachaspa sonqonpi paypaj phiñakun.


Pichus allinta ruwajqa ni imamanta manchachikunchu. Pichus mana allinta ruwajrí mana allinpi tukukonqa.


Chantá runaj uyarinanta nenqa: Juchallikorqani, mana cheqan kajta ruwarqani, Diostajrí mana juchayman jinachu jasut'iwarqa.


Tata Diospa angelnintaj Balaamta nerqa: Ima nispataj burroykita kinsa kutita maqarqankiri? Noqa jark'asoj jamuni, imajtinchus Moabman rishasqayki mana allinchu rijch'awan.


Chay lantikunatachu manchachikunki? Paykunachu chay jinatapuni kharkatitichisunku ajinata wasanchanawaykipaj, noqamantataj qonqapuspa mana yuyarikunaykipaj? Noqa unayta ch'inlla kasqayraykuchu, qan manaña manchachikuwanki?


Jerusalenpi tiyakojkuna, chujchaykichejta k'utuspa, wijch'uychej. Llakiy yarawita ch'in lomakunapi takiychej, imaraykuchus Tata Dios may phiñasqa contraykichejpi kaspa, qankunata qhesachasunkichej, wijch'usunkichejtaj.


Tukuy ch'in orqokunapi tukuy imata phirej wapu soldadokuna jamorqanku, imaraykuchus noqa Tata Diospa espaday tukuy runata wañurachin, kay suyoj ujnin k'uchunmanta ujnin k'uchunkama. Jinataj allin kawsay mana pipajpis kanchu.


Chaymin qankunata qhatirinan kashan. Chayta jap'inaykichejta noqapuni nerqani, imaraykuchus noqamanta qonqaporqankichej, qhasi manakaj dioskunapitaj atinikorqankichej. Noqa Tata Diosmin chayta nini.


Chaywanpis aylluy qonqarparipuwanku, jinataj qhasi manakaj dioskunaman inciensota q'oshñichinku. Paykunaqa qallariymantapacha yachachisqayta mana kasunkuchu. Chayrayku paykunaqa k'ullku ñankunata purinku, manataj jatun ñantachu.


Swiv nou:

Piblisite


Piblisite