Jeremías 3:17 - DIOSPA QHELQACHISQ

¹⁷ Chaypacha Jerusalenta sutichanqanku: “Tata Diospa Kamachinan Tiyana”, nispa, tukuy suyumanta kajkunataj chaypi yupaychanawankupaj tantakonqanku. Manaña ujtawan sonqonkupi k'ullukuspa sajra yuyasqankuwan apachikonqankuchu.

Qheshwa Biblia DC

¹⁷ Chaypacharaj Jerusalenqa Señorpa tiyakunan kanqa, tukuy nacionestaj chaypi yupaychanawankupaj tantakonqanku, manañataj ujtawan k'ullukuspa sonqonkupi chay sajra millay yuyaykunata qhatenqankuchu.

DIOSPA QHELQACHISQAN DEUTEROCANONICAL

¹⁷ Chaypacha Jerusalenta sutichanqanku: “Tata Diospa Kamachinan Tiyana”, nispa, tukuy suyumanta kajkunataj chaypi yupaychanawankupaj tantakonqanku. Manaña ujtawan sonqonkupi k'ullukuspa sajra yuyasqankuwan apachikonqankuchu.

Jeremías 3:17 Referans Kwoze

Ezequiel 43:7

Runaj churin, kaymin kamachinay tiyana, kaypitaj kamachisaj. Noqa Israelpa mirayninwan khuska wiñaypaj tiyakusaj. Chantá paykuna, kuraj kamachejninku ima mana ujtawan jayk'ajpis llimphu sutiyta khuchichakusqankuwan ch'ichichanqankuchu, nitaj kuraj kamachejninkoj ayankuta yupaychanqankuchu.

Jeremías 17:12

Noqanchejpa yupaychananchej Temploqa Tata Diospa kamachinan tiyana. Chayqa may k'achitumin, qallariymantapacha orqo patapi ruwasqa.

Zacarías 2:11

11 (15) Chaypacha ashkha runakuna Tata Diosman jamonqanku, paytaj nenqa: Kay runakunapis ayllullaytaj kanqanku. Noqataj qankunawan khuska kawsakusaj, nispa. Ajinamanta yachankichej Tukuy Atiyniyoj Tata Diosmin noqata qankunaman kachamuwasqanta.

Jeremías 11:8

Chaywanpis mana kasuwarqankuchu, nitaj uyariwarqankuchu, manachayqa k'ullukuspa, sonqonkoj millay yuyasqallanta ruwarqanku. Paykunaqa manapuni kamachisqayta junt'ayta munarqankuchu. Chayrayku chay tratopi imatachus nisqay ñak'ariykunata patankuman kachaykamorqani, nispa.

Isaías 66:20

Paykunallataj tukuy suyumanta tukuy aylluykichejta pusamonqanku, uj jaywanatapis Tata Diosman apamushankuman jina. Caballokunapi, carretakunapi chayamonqanku, wantunapi, mulakunapi, camellokunapi ima, Jerusalén ajllakusqay orqoyman. Ajinata noqa Tata Dios nini. Imaynatachus israelitakuna jaywanata apamunku Tata Diospa Templonman llimphu vasokunapi, kikillantataj aylluykichejta pusampusonqachej.

Isaías 56:6

Tata Dios paymanta jap'ikoj waj llajtayojkunatapis saminchallanqataj, pikunachus munayninta ruwanku, Tata Diospa sutinta munakuspataj, payta yupaychanku, chaykunata. Paykunaqa samarina p'unchayta waqaychanku, Diospa trato ruwasqantataj mana p'akinkuchu.

Gálatas 4:26

Sararí patapi kaj Jerusalenwan ninakun, chaytaj mana wata runachu. Noqanchejtaj paypa wawankuna kanchej.

Romanos 1:21

Ajinata Diosta rejsishaspapis, paykuna mana Diosta jinachu payta jatuncharqanku, nitaj pachis nerqankuchu. Astawanqa Diosmanta qhasi manakaj yuyanata wakicherqanku. Ajinata yuyasqankuraykutaj yuyayninku laqhayachisqa karqa, chantá uma muyusqa jina karqanku.

Jeremías 31:23

Israelpa Tukuy Atiyniyoj Tata Diosnin kayta nin: Waj suyuman apasqa kasqankumanta paykunata kutichimojtiy, Judá suyu ujtawan paykunaj jallp'ankupi, llajtankupi ima tiyakonqankuña. Chantá nenqanku: Tata Dios saminchachun Diospaj t'aqasqa llajtata, jinallataj Diospa Templonta, maypichus justicia ruwakun, chayta, nispa.

Jeremías 18:12

Chaywanpis paykuna nisonqanku: Ama tiempoykita usuchiychu. Noqaykoqa munasqaykuman jinalla kawsakusqayku, k'ullukuspataj, sonqoykoj millay yuyasqanman jina ruwasqayku, nispa.

Jeremías 16:12

Qankunatajrí ñawpa tataykichejkunamanta nisqaqa aswan millayta ruwarqankichej, imaraykuchus sapa ujniykichej k'ullukuspa, sonqoykichejpa millay munayninman jinalla ruwarqankichej. Manataj noqata kasuwarqankichejchu.

Jeremías 14:21

Chaywanpis sutiyki yupaychasqa kananpaj, ama qhesachawaykuchu ari, amataj Jerusalenpi jatunchasqa kamachinayki tiyanata pisipaj qhawaychu. Yuyarikuy ari noqaykuwan tratota ruwasqaykimanta. Amapuni trato ruwasqaykita p'akiychu.

Jeremías 9:14

14 (13) Manachayqa tatankoj yachachisqanta ruwarqanku. Baal lantikunata yupaycharqanku, ch'ichi sonqonkoj yuyasqantataj ruwarqanku.

Jeremías 7:24

Chaywanpis paykuna mana kasuwarqankuchu, nitaj uyariwarqankuchu. Manachayqa rumi sonqo kayninkuwan apachikorqanku, jinallataj sonqonkoj millay ruwayta munasqanwan ima. Noqaman kutirikamunawankutaqa wasanchawarqanku.

Isaías 66:1

Tata Dios nin: Janaj pachaqa noqaj kamachinay tiyana, kay pachataj chakiypa sarunan. Jina kajtenqa, maypitaj wasita ruwapuwankichejmanri? May cheqapitaj noqaqa samarikusajri?

Isaías 59:19

Inti yaykuynejpi tiyakojkunaqa Tata Diosta manchachikonqanku. Jinallataj inti llojsimuynejpi tiyakojkunapis Tata Diosta jatunchanqanku, imaraykuchus payqa ashkha mayu yaku jina manchayta llump'irimonqa, sinch'i wayraj apamusqan.

Isaías 26:8

Noqaykoqa Tata Dios, mana manchachikuspa kashayku, kamachisqayki ñanta rikuchiwasqaykuta purispa. Tukuy sonqo qanllapi yuyayta munayku.

Isaías 6:1

Kuraj kamachej Uziaspa wañupusqan watapi, noqaqa Tukuyta Kamachej Diosta chhika patapi sumaj kamachinan tiyanapi tiyashajta rikorqani, may jatunchasqata. P'achanpa kantuntaj Templonman junt'aykorqa.

Salmos 87:3

Diospa llajtan, ima sumajta qanmanta parlanku.

Salmos 78:8

ama ñawpa tatankukuna jina kanankupaj. Ñawpa tatankukunaqa Diospa contranta oqharikojkuna karqanku, sonqonkupitaj iskayta yuyajkuna, Diosta mana kasojkuna ima.

Jueces 2:19

Juezninku wañupojtintajrí, watejmanta israelitakuna juchallillajtaj kanku, ñawpa tatankumanta astawanraj waj dioskunata qhatispa, chantá yupaychaspa ima. Manapuni t'aqakorqankuchu millayta ruwaspa kawsanamanta nitaj mana uyarikoj kanamanta.

Deuteronomio 29:29

Pakasqa imakunaqa Tata Diosninchejpata kashan. Diosninchej sut'inchawasqanchejrí noqanchejpata, wawanchejkunajtawan ima wiñaypaj kanku, tukuy chay kamachisqakunata junt'ananchejpaj.

Números 15:39

Chay waych'akunata qhawaspa, noqaj tukuy kamachisqayta kasunaykichejmanta yuyarikunkichej. Ajinata kamachisqayta junt'aspa, mana sonqoykichejpa munasqanwan, nitaj ñawiykichejpa rikusqanwan apachikunkichejchu, mana kasuwaspa purinaman aysachikunaykichejpaj.

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

Romanos 6:14

Juchaqa manaña patronniykichejchu munasqanta ruwachisunaykichejpajqa, imaraykuchus manaña Moisespa kamachisqankunaman jinachu kawsankichej, manachayqa Diospa qhasilla k'acha yanapayninman jina.

Ezequiel 1:26

Chay qhatasqaj patanpitaj uj kamachina tiyanata jina rikorqani. Chay tiyanataj zafiro sutiyoj lliphipirishaj rumimanta ruwasqaman rijch'akorqa. Chay kamachina tiyanapitaj uj runaman rijch'akojta tiyasqata rikorqani.

Isaías 66:18

Noqa yachani paykunaj mana allin ruwasqankuta, imatachus yuyasqankutapis. Aswan qhepaman uj p'unchay chayamonqa tukuy suyuta, tukuy llajtapi tiyakojkunata ima ujllaman tantanaypaj. Chayman jamuspa, paykuna jatun kayniypa lliphipiyninta rikonqanku.

Jeremías 3:19

Israel, noqa qanta wawaypaj jina jap'ikapuyta yuyarqani, sumaj moq'ena jallp'ata qonasuypaj, tukuy kay pachapi jallp'amanta aswan sumaj jallp'ata. Noqa yuyarqani: Tatáy, nispa ninawaykita, manataj jayk'ajpis noqamanta karunchakunawaykita.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Jeremías 12:15

Jinaytawankamataj, paykunamanta watej khuyakullasajtaj. Chantá sapa ujninkuta suyunkuman, chayaqenkuman ima kutichimusaj.

Jeremías 12:16

Paykunaqa aylluyman Baalpa sutinrayku tiluyta yachacherqanku. Kunanrí aylluy ukhupi tiyakunankupaj yachachisqayta jap'ikunanku tiyan, sutiyraykutaj tiluyta yachananku tiyan: Tata Diospa sutinrayku tiluni, nispa.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jeremías 33:9

Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

Ezequiel 48:35

Llajtaj perqanqa tukuy muyuyninpi jisq'on kilómetro kanqa. Chay llajtaj sutenqa chay p'unchaymantapacha sutichasqa kanqa: Tata Diospa wasin, nispa.

Zacarías 8:8

Chaymantataj paykunata Jerusalenman pusasaj chaypi tiyakunankupaj. Chaypacha paykuna aylluy kanqanku, noqataj Diosninku kasaj, nisqayta junt'aspa, justiciata ruwaspataj, nispa.

1 Reyes 8:41

Ajinallatataj ichapis waj llajtayoj mana israelita runapis sutiykimanta uyarispa, karu suyumanta jamunman,

Salmos 102:23

23 (24) Wayna kashajtillayraj, Diosqa kallpayta qhechuwan, unayta kawsanaymantataj pisiyachin.