Jeremías 3:16 - DIOSPA QHELQACHISQ

¹⁶ Qankuna jallp'aykichejpi kaspaña, astawan mirajtiykichej, ashkha wawayojñataj kajtiykichej, mana pipis parlanqañachu Tata Diospa trato ruwasqan arcamanta. Manaña pipis chaypi yuyanqañachu, nitaj ujtawan yuyarikunkichejñachu. Manataj pipis watukonqañachu, nitaj qankuna waj mosoj arcata ruwakunkichejchu. Noqa Tata Diosmin chayta nini.

Qheshwa Biblia DC

¹⁶ Qankuna jallp'aykichejpi astawan yapaykojtiykichej, ashkha wawasniyojñataj kajtiykichej, mana pipis parlanqañachu Señorwan trato ruwasqa kajmanta, manaña pipis chaypi yuyanqañachu, nitaj ujtawan yuyarikonqañachu, manataj pipis watukonqañachu, nitaj waj mosojta ruwanqankuchu. Noqa Señor chayta nini.

DIOSPA QHELQACHISQAN DEUTEROCANONICAL

¹⁶ Qankuna jallp'aykichejpi kaspaña, astawan mirajtiykichej, ashkha wawayojñataj kajtiykichej, mana pipis parlanqañachu Tata Diospa trato ruwasqan arcamanta. Manaña pipis chaypi yuyanqañachu, nitaj ujtawan yuyarikunkichejñachu. Manataj pipis watukonqañachu, nitaj qankuna waj mosoj arcata ruwakunkichejchu. Noqa Tata Diosmin chayta nini.

Jeremías 3:16 Referans Kwoze

Ezequiel 37:26

Noqataj paykunawan allinpi kawsakunapaj mana jayk'aj tukukoj tratota ruwasaj. Paykunata ashkhaman mirachisaj, sumajtataj sayachisaj. Temploypis paykunaj chawpinkupi wiñaypaj kallanqapuni.

Isaías 65:17

Uyariwaychej, noqa janajta, kay pachatawan mosojta ruwasaj. Ñawpajta imachus kajqa qonqasqa kanqa, manañataj yuyarisqachu kanqa.

San Mateo 3:9

Amataj niychejchu: Noqaykoqa qhespichisqa kasqayku Abrahampa miraynin kasqaykurayku, nispa. Noqa sut'ita niykichej: Diosqa kay rumikunamantapis Abrahampaj wawakunata rikhurichiyta atinman.

Jeremías 31:8

Noqa paykunata wichaynej suyumanta kutichimusaj, jinallataj kay pachaj tukuy k'uchunmantapacha paykunata tantaykullasajtaj. Paykunawan lerq'okuna, wist'u chakiyojkuna, wijsallisqa warmikuna, onqokoj warmikuna ima jamonqanku. Manchay ashkhapuni kutimonqanku.

Jeremías 30:19

Chaypi pachis nispa takiykuna uyarikonqa, kusikuymanta asiykunapis uyarikullanqataj. Noqa paykunata ashkhayachisaj, manañataj pisiyanqankuchu. Mana pipis paykunata pisipaj qhawanqachu, imaraykuchus noqamin paykunata jatunpaj qhawasaj.

Isaías 61:4

Paykuna urmasqa ñawpa wasikunata sayarichenqanku, ch'in thuñisqa laqayakunata watej ruwanqanku. Thuñisqa llajtakunatapis sayarichillanqankutaj. Unay wataña thuñisqa chantá saqesqapis kachun, watej sayarichisqa kanqa.

Isaías 60:22

Kay pisi puchoj runakunaqa waranqata mirankichej, aswan mana kasuta ruwana runakunapis jatun suyuman tukunkichej. Noqa Tata Diosmin chayta nini, imatachus nisqaytaj usqhayllata junt'akonqapuni.

San Mateo 1:11

Josiasqa Jeconiaspa tatan karqa, wawqenkunajtawan, maypachachus israelitakuna Babiloniaman apasqa karqanku, chaypacha.

Sofonías 3:11

Munasqa ayllúy, chay p'unchaypi manaña p'enqakunkichejchu contraypi oqharikuspa millayta ruwasqaykichejmanta. Chaypacha noqaqa jatunchakojkunata, umata oqharejkunata ima qankuna chawpimanta wijch'usaj. Manataj jayk'ajpis ujtawan noqapaj t'aqasqa orqoypi wapuykachanqankuchu.

Amós 9:9

Manachayqa kamachisaj Israelpa ayllunmanta kajkuna tukuynejman suysusqa kanankuta, imaynatachus runa trigota suysunapi suysun mana uj granollatapis pampaman urmachispa, ajinata.

Jeremías 31:27

Tata Dios nillarqataj: Qhepanejman Israelpi, Judapipis runakunata ashkha mirachisaj, jinallataj uywankukunatapis.

Jeremías 7:4

Ama atinikuychejchu q'otiyajkunaj nisqankupi. Paykuna nisunkichej: Tata Diospa Templon kaypi kasqanrayku, Dios kay llajtata mana chinkachenqachu, nispa.

Jeremías 3:17

Chaypacha Jerusalenta sutichanqanku: “Tata Diospa Kamachinan Tiyana”, nispa, tukuy suyumanta kajkunataj chaypi yupaychanawankupaj tantakonqanku. Manaña ujtawan sonqonkupi k'ullukuspa sajra yuyasqankuwan apachikonqankuchu.

Ezequiel 15:5

Manaraj ruphasqa kashaspa, sichus mana allinchu karqa chayqa, ushphallaña kaspa imatapis ruwanapaj allinchu kanmanri?