Jeremías 27:9 - DIOSPA QHELQACHISQ

⁹ Chayrayku sut'inchajniykichejkunata, imachus jamunanmanta parlajkunata, mosqoykunata sut'inchajkunata ama kasuta ruwaychejchu. Nillataj p'ajpakukunata: Rikuni, nispa nejkunatapis, pikunachus umachasunkichej Babiloniaj kuraj kamachejninta ama sirvej rinaykichejta, chaykunatapis amallataj kasuta ruwaychejchu.

Qheshwa Biblia DC

⁹ Chayrayku ama kasuta ruwaychejchu profetasniykichejta, adivinosniykichejta, mosqoykunasta sut'inchajkunata, nitaj chay p'ajpakus rikuni nejkunatapis, pischus umachasunkichej Babiloniamanta reyman ama rinaykichejta chaykunatapis.

DIOSPA QHELQACHISQAN DEUTEROCANONICAL

⁹ Chayrayku sut'inchajniykichejkunata, imachus jamunanmanta parlajkunata, mosqoykunata sut'inchajkunata ama kasuta ruwaychejchu. Nillataj p'ajpakukunata: Rikuni, nispa nejkunatapis, pikunachus umachasunkichej Babiloniaj kuraj kamachejninta ama sirvej rinaykichejta, chaykunatapis amallataj kasuta ruwaychejchu.

Jeremías 27:9 Referans Kwoze

Jeremías 14:14

Chantá Tata Dios ujtawan niwarqa: Paykunaqa llullakuspa sutiypi sut'inchashanku. Mana noqaqa chay sut'inchajkunata kachamunichu, nitaj kamachinichu. Paykunawanqa mana parlallanipischu. Imatachus sut'inchasqankoqa llulla, mosqoypi jina rikusqankutaj qhasi manakajlla. Paykunaqa sonqonkupi musphaspa, yuyasqankuman jinalla parlanku.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Jeremías 29:8

Noqa Israelpa Tukuy Atiyniyoj Tata Diosnin kayta niykichej: Pikunachus qankunawan khuska tiyakunku, chay sut'inchajkunawan ama q'otiyachikuychejchu, nillataj watojkunawanpis, amallataj mosqokusqankutapis kasuychejchu.

Isaías 8:19

Sichus runakuna nisonqachej: Tapuriychej aysirikunata, chhichinakuspa parlaj layqakunata ima, nispa chayqa, niychej: Manachu runaqa Diosnillanta tapurikunmanri? Wañusqakunatachu kawsajkunamanta tapurikunkumanri? nispa.

Apocalipsis 22:15

Jinapis jawapi qhepakonqanku millayta ruwajkuna, layqakuna, khuchichakojkuna, runa wañuchejkuna, lantita yupaychajkuna, jinallataj llullakuyta munakojkuna, chantá mana cheqanta ruwayta munakojkuna ima.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Apocalipsis 18:23

Manallataj qanpi lamparaj k'anchasqan rikukonqachu, nillataj casarakojkunaj kusikusqankupis uyarikonqañachu, imaraykuchus qhatojniykikunaqa ancha atiyniyoj karqanku, qantaj layqeriyoykiwan tukuy runata q'otiyaspa pantacherqanki.

Apocalipsis 9:21

Chay runakuna manallataj saqerqankuchu runa wañuchiyta, layqanakuta, khuchichakuyta, suwanata ima, Diosman kutirikunankupaj.

Hechos 8:11

Jinataj tukuyninku Simonpa nisqanta kasoj kanku, imaraykuchus unaytaña layqeriyonwan paykunata q'otiyaykusqa.

Miqueas 3:7

Mosqoypi jina rikojkuna, yachajkunapis ima manchay p'enqaypi rikhurenqanku, imaraykuchus Dios mana imatapis mañakusqankuman kutichenqachu.

Jeremías 23:32

Paykunaqa yanqhallata mosqokusqankuta aylluyman sut'inchanku, ajinata ruwaspataj, aylluyta pantachinku. Mana noqaqa paykunata kachamorqanichu, nitaj imatapis kamacherqanichu. Chayrayku paykunaqa ni uj chhikallatapis aylluyta yanapayta atinkuchu. Noqa Tata Diosmin chayta nini.

Jeremías 23:25

Noqa chay sut'inchajkunaj llullakusqankuta uyarini, pikunachus sutiypi parlashasqankuta ninku, chaykunajta. Paykuna ninku: Tata Dios mosqochaspa parlawan, nispa.

Jeremías 23:16

Tukuy Atiyniyoj Tata Dios nillantaj: Israelitakuna, ama kasuychejchu sut'inchajkunaj nisqankuta. Paykunaqa llullakuspalla, yuyasqankuman jinalla thawtinku. Imatachus nisqankuta mana noqachu nerqani.

Josué 13:22

Jinallataj israelitakunaqa Beorpa churin watoj Balaamtapis wañuchillarqankutaj.

Deuteronomio 18:14

Jallp'ankuta jap'inkichej, chay suyukunapi runakunaqa layqakunata, yachajkunata ima uyarinku. Tata Diosniykichejrí manapuni chaykunata ruwanaykichejta munanchu.

Éxodo 7:11

Chaywanpis faraonqa yachayniyojkunata, yatirikunatawan ima wajyacherqa. Egiptomanta yatirikunataj yachasqankuwan kikillantataj ruwarqanku.

Zacarías 10:2

Lantikunaj nisqankoqa llullamin, yatirikunaj watusqankupis qhasillamin. Imatachus mosqoypi jina nisqankupis qhasilla, sonqochakoj jina parlasqankupis yanqhalla. Chayraykumin aylloyqa chinkasqa oveja tropa jina thamaykachashanku, michejmanta jina ñak'arispa.

Efesios 5:6

Ama piwanpis qhasi manakaj parlasqanwan q'otiyachikuychejchu, imajtinchus chaykunata ruwasqankurayku Diospa k'araj phiñakuynin mana kasukojkunaj patankuman jamun.

Éxodo 22:18

18 (17) Layqayta yachaj warmitaqa wañuchinkichejpuni.

Proverbios 19:27

Wawáy, sichus k'amisqata mana jap'ikunki chayqa, sumaj yuyaychaykunamanta karunchakushanki.

Ezequiel 21:29

29 (34) Paykunaj mosqoypi jina rikusqankoqa qhasilla, llullataj. Chay espadaqa urmanqa millayta ruwajkunata wañuchinanpaj, juchachasqa kajkunaj kunkankuta qholurananpajtaj. Paykunata jasut'inaypaj p'unchayqa chayamunña, millayta ruwananku tukukunanpaj.

Daniel (hebreo) 4:7

7 (4) Jinapi tukuy Babilonia suyumanta tukuy yatirikuna, yachayniyoj kajkuna, jinallataj ch'askakunata qhawaspa watojkunapis jamorqanku, noqataj mosqokusqayta paykunaman willarqani. Chaywanpis paykuna mosqokusqay imatachus niyta munasqanta mana sut'inchayta aterqankuchu.

Deuteronomio 13:2

2 (3) Sichus paypa nisqan junt'akojtin, pay nisunkichejman: Jaku, mana rejsisqaykichej waj dioskunaman k'umuykamunachej, nispa chayqa,