Jeremías 27:5 - DIOSPA QHELQACHISQ

⁵ Jatun atiyniywan noqa kay pachata, runakunata, kay pachapi kashanku, chay animalkunatapis ruwarqani. Chantá chay tukuy imata pimanchus munarqani, chayman qorqani.

Qheshwa Biblia DC

⁵ Jatun atiyniyta kachaykuspa kay pachata ruwarqani, runasta, chaypi kashanku chay animalestapis, chantataj pischus munasqasniyman qopusaj.

DIOSPA QHELQACHISQAN DEUTEROCANONICAL

⁵ Jatun atiyniywan noqa kay pachata, runakunata, kay pachapi kashanku, chay animalkunatapis ruwarqani. Chantá chay tukuy imata pimanchus munarqani, chayman qorqani.

Jeremías 27:5 Referans Kwoze

Jeremías 51:15

Tata Diosqa atiyninwan kay pachata ruwarqa, yachayninwantaj kay pachata sayacherqa, yuyayninwantaj janajta aysarqa.

Jeremías 32:17

Tukuyta Kamachej Tata Diosníy, jatun atiyniykiwan janaj pachata, kay pachatapis ruwarqanki. Qanpajqa tukuy ima ruwana atikullan.

Daniel (hebreo) 4:17

17 (14) Diospa angelninkuna ajina kananta kamachinku, tukuy runakuna yachanankupaj janaj pachapi kaj Tata Dios tukuy suyukunata kamachinanpaj atiyniyoj kasqanta. Yachallachunkutaj paymin kamachina atiyta qosqanta, pimanchus qoyta munasqanman, jinallataj uj suyupi kuraj kaj kananpaj churasqanta aswan pisipaj qhawasqa runata, nispa.

Isaías 45:12

Noqa kay pachata ruwarqani, runata ruwaspataj, chayman churarqani. Janajtapis makiywan jatunman aysarqani, kamacherqanitaj chayman ch'askakuna rikhurimunankuta.

Colosenses 1:16

Paynejtamin Diosqa tukuy kaj chhikata ruwarqa: Janajpi kajkunata, kay pachapi kajkunatapis, mana rikukojkunata, rikukojkunatapis, kamachejkunata, kurajkunata, atiyniyojkunata ima. Tata Diosqa tukuy kaj chhikata Cristonejta ruwarqa, paypaj kananpaj.

Isaías 42:5

Tata Dios janajta ruwaspa, jatunman mast'arerqa. Jinallataj kay pachatapis ruwarqa, chaypi tukuy ima kajkunatawan ima. Payllataj kawsayta runakunaman qon, chantá kay pachapi tukuy purejkunamanpis kawsayta qollantaj. Chay Diosmin kamachinta nin:

Apocalipsis 4:11

Tukuyta Kamachej Diosniyku, qanllamin jatunchanapaj jina kanki, may sumajpaj jina qhawana, tukuy atiyniyojtaj, imaraykuchus qanmin tukuy kaj chhikata ruwarqanki. Qan chaykunata ruwarqanki, kunankamataj munasqaykirayku kashallankupuni, nispa.

Hebreos 1:2

Kunanrí kay qhepa p'unchaykunapi Dios Churinnejta parlawanchej, pimanchus tukuy imata chayaqeta jina qorqa, pinejtatajchus tukuy kaj chhikata ruwarqa, chaynejta.

Hechos 17:24

Paymin kay pachata, tukuy imatawan ruwaj Diosqa, janaj pachajta, kay pachajtapis Tukuyta Kamachejnintaj. Manataj payqa runaj ruwasqan templopichu tiyakun.

Hechos 14:15

Runa masikuna, imaraykutaj kayta ruwashankichejri? Noqayku runalla kayku, qankuna jina. Aswanpis qankunaman willaj jamuyku, kay qhasi manakaj imakunata saqespa, kawsashaj Diosman kutirikunaykichejpaj. Paymin janajta, kay pachata, mama qochata ima ruwarqa, chaykunapi tukuy ima kajkunatapis.

Isaías 51:13

Chaywanpis ruwasojniyki Tata Diosta qonqapunkiña, pichus janajta jatunman aysarqa, kay pachaj cimientontapis churallarqataj, payta. Qanqa tukuy p'unchaynintin manchachikullankipuni, pichus llakichisuspa, phiñakuyninpi chinkachisuyta munarqa, chaymanta. Kunan maytaj chay jinata llakichisoj runaj phiñakuyninri?

Isaías 48:13

Makiywan kay pachaj cimientonta churarqani, makillaywantaj janajtapis jatunman aysarqani. Chaykunata sutinkumanta wajyajtiy, rikhurerqankupacha.

Isaías 44:24

Manaraj paqarikushajtiyki, Tata Dios ruwasorqaña, chaymantataj pagaspa kacharichisorqa, paytaj ajinata nin: Noqamin tukuy imata ruwaj Tata Dios kani. Noqalla janajta jatunman aysarqani. Kay pachata ruwashajtiy, mana pipis noqawanchu kasharqa.

Esdras 1:2

Persiamanta kuraj kamachej Ciroqa kay jinata nin: Janaj pachapi kaj Tata Diosqa tukuy kay pachapi suyukunata makiyman churan, kamachiwantaj Judapi kaj Jerusalén llajtapi paypaj uj Templota ruwapunayta.

Deuteronomio 2:7

Qankunataqa Tata Diosniykichej tukuy ima ruwasqaykichejpi yanapasorqachej. Kay tawa chunka wata junt'ata qankunawan karqa, kay chhika karu ch'inkunatataj qhawaspa pusaykachasorqachej, mana imamanta pisichispa.

Salmos 102:25

25 (26) Qallariymantapacha kay pachata qan ruwarqanki, janajtapis qanllataj ruwarqanki.

Deuteronomio 32:8

Janaj pachapi kaj Diosqa suyukunaman chayaqenkuta qorqa, tukuy runatataj rak'irarqa. Suyukunamantaj mojonninkuta churarqa, Israelpa churinkuna mashkhachus kasqankuman jina.

Deuteronomio 9:29

Chaywanpis israelitakunaqa aylluyki kanku, qanpatamin. Qanmin jatun atiyniyoj kasqaykita rikuchispa, Egiptomanta paykunata orqhomorqanki, nispa.

Deuteronomio 5:16

Tata Diosniyki kamachisusqanman jina, tataykita, mamaykitapis jatun respetowan qhawakunki. Ajinata ruwanki chayqa, Tata Diosniyki jallp'ata qosonqa chaypitaj unayta kawsanki, chantá allillan risonqa.

Deuteronomio 4:35

Tata Dios chaykunata rikuchisorqachej, paylla cheqapuni Dios kasqanta yachanaykichejpaj, paymanta jawataj waj dios manapuni kasqanta.

Deuteronomio 4:32

Qankunamanta aswan ñawpajta, Dios kay pachapi runata ruwasqanmantapacha, imaynachus kasqanta tapukuychej. Jinallataj tukuynejpi tapukuychej: Chay jina t'ukuna mayk'ajpis ruwasqa karqachu? Chayrí chay jinaman rijch'asqa mayk'ajpis yachakorqachu?

Deuteronomio 4:25

Qankuna wawayoj, allchhiyoj kaspa, jap'isqaykichej jallp'api machuyaspa, sichus ima lantitapis, chayrí imaman rijch'akojtapis ruwakuspa pierdekuwajchej chayqa, Tata Diosniykichejpa contranpi juchallispa, payta phiñachiwajchej.

Deuteronomio 4:17

Nillataj kay pachapi kaj animalkunaman rijch'akojta, nitaj phawajkunaman rijch'akoj lantita ruwankichejchu.

Deuteronomio 2:21

Refaitakunaqa atiyniyoj, ashkhataj karqanku, anaquitakuna jinataj jatunkaray runakuna karqanku. Paykunatarí, Tata Dios amonitakunanejta tukucherqa. Chaymanta amonitakuna chay jallp'ata jap'ispa, chaypi tiyakorqanku.

Deuteronomio 2:19

Maypachachus amonitakunawan tinkukunkichej chaypacha, ama paykunata t'ojpinkichejchu, nitaj paykunawan maqanakunkichejchu, Lotpa miraynin kasqankurayku. Noqaqa jallp'ankuta mana qosqaykichejchu, imaraykuchus chay jallp'ataqa paykunamanña qopuni, nispa.

Deuteronomio 2:9

Chantá Tata Dios niwarqa: Moabitakunataqa ama t'ojpinkichejchu, nitaj paykunawan maqanakoj sayaykunkichejchu, imaraykuchus jallp'ankumanta mana ni uj chhikallantapis qosqaykichejchu. Ar jallp'ataqa Lotpa mirayninmanña qopuni, nispa.

Éxodo 20:11

Chayqa ajina kanqa imajtinchus noqa sojta p'unchaypi janajta, kay pachata, mama qochata ima ruwarqani. Jinataj chaykunapi imachus tiyan, chaykunatawan ruwarqani. Qanchis kaj p'unchaypitaj samarikorqani. Chayrayku noqa Tata Dios samarina p'unchayta saminchaspa, noqallapaj t'aqarqani.

Génesis 9:6

Pichus runa masinta wañuchejtaqa waj runa payta wañuchillanqataj, imaraykuchus runaqa Diospa rijch'ayninman jina ruwasqamin.

Hechos 17:26

Payqa uj runallamanta tukuy suyuta rikhuricherqa, kay pachaman junt'ananchejpaj. Diosllataj churarqa mayk'ajkamachus, chantá may cheqapichus tiyanankuta.

Génesis 1:25

Diosqa tukuy imaymana animalkunata ruwarqa: K'ita animalkunata, uywakunata, jinallataj qhatatakuspa purejkunata ima. Chaykunatataj Diosqa sumaj kasqanta qhawarqa.

Salmos 96:5

Waj ayllukunaj diosninkoqa manakaj lantilla kanku. Tata Diostajrí janajkunata ruwarqa.

Jeremías 27:4

Chay kachakunata kamachiy kamachejninkuman kay jinata ninankuta: Israelpa Diosnin Tukuy Atiyniyoj Tata Dios kayta nisunkichej:

Daniel (hebreo) 4:25

25 (22) Aswan qhepaman qanqa runakuna chawpimanta qharqosqa kanki, uywakunawantaj kawsanki. Waka jina qhorata mikhunki, chhullapis ukhuykita joq'osonqa. Ajinata kawsanki qanchis wata junt'ata, qan ninaykikama: Janaj pachapi kaj Diosmin kay pachapi kaj tukuy suyuta kamachin, paytaj pitachus munasqanta kamachinanpaj churan, nispa.

Daniel (hebreo) 5:18

Kuraj kamachej Belsasar, Patapi Kaj Diosqa tatayki Nabucodonosorman kay suyuta, jatun atiyta, jatunpaj qhawasqa kayta ima qorqa.

Éxodo 6:6

Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

1 Reyes 8:42

imaraykuchus uyarenqanku sutiyki, atiyniykipis manchay jatun kasqanta. Sichus kay Temploykiman mañakusoj jamusunkuman chayqa,

Nehemías 9:22

Qan ñawpa tataykukunaman llajtakunata, suyukunata ima qollarqankitaj. Jallp'atapis sapa ujman rak'irallarqankitaj. Ajinamanta paykunaqa Jesbonta kuraj kamachej Sijonpa jallp'anta, chantá Basanta kuraj kamachej Ogpa jallp'antawan jap'ikaporqanku.

Daniel (hebreo) 2:38

Payllataj qanta churasorqa kay pachapi kaj chhika runakunata kamachinaykipaj. Chantapis uywakunata, p'isqokunata ima qanpa makiykiman churan. Chayrayku chay lantej qorimanta umanqa qan kanki.

Daniel (hebreo) 4:14

14 (11) Chantá jatunmanta qhaparispa, nisqa: Chay sach'ataqa urmachiychej, thansantapis k'utuychej. Laqhentapis p'itiychej, poqoynintataj qhallirpariychej. Llanthunpi kashaj uywakunapis ayqechunku, thansanpi chukoj p'isqokunapis.

Daniel (hebreo) 4:22

22 (19) Wiraqochi kamachejníy, qanmin chay sach'a kanki. Kuraj kamachej kasqaykipi wiñaspa jatunyasqaykeqa janajkama chayan, kamachisqaykitaj kay pachapi uj kantumanta ujnin kantukama junt'aykun.