Jeremías 26:5 - DIOSPA QHELQACHISQ

⁵ Sichus kamachiykunaj k'amisqankuta mana kasunkichejchu, pikunatachus qhepan qhepanta kachamorqaykichej, chaykunanejta chayqa,

DIOSPA QHELQACHISQAN DEUTEROCANONICAL

⁵ Sichus kamachiykunaj k'amisqankuta mana kasunkichejchu, pikunatachus qhepan qhepanta kachamorqaykichej, chaykunanejta chayqa,

Jeremías 26:5 Referans Kwoze

Jeremías 11:7

Maypachachus ñawpa tataykichejkunata Egiptomanta orqhomorqani, chaymantapacha kunankama paykunaman mayta nerqani: Kasuwaychej, nispa.

Jeremías 7:25

Ñawpa tataykichejkuna Egiptomanta llojsimusqankumantapacha kunankama, qankunaman sapa kuti noqamanta sut'inchajkunata kachamullarqanipuni.

Jeremías 7:13

Mashkha kutita parlapayarqaykichej, qankunatajrí mana kasuwayta munarqankichejchu, nitaj uyarillawaytapis munarqankichejchu.

Esdras 9:11

mayqenkunatachus Diosmanta sut'inchajnejta kamachiwarqayku, chaykunata. Qan kay jinata niwarqaykuña: Mayqen jallp'amanchus tiyakoj yaykunkichej, chaypi kaj runakunaqa sajra kawsayniyoj kanku. Millay ruwasqankuwan kay jallp'aman junt'aykucherqanku.

2 Reyes 9:7

Wiraqochiyki Ajabpa ayllunta tukuyninta wañuchispa tukuchinki. Ajinata pagachikusaj Jezabel noqamanta sut'inchajkunata, jinataj kamachiykunata wañuchisqanmanta.

Apocalipsis 11:18

Chayrayku tukuy suyumanta runakuna phiñarikorqanku. Chaywanpis qanpa phiñakunayki p'unchay chayamunña. Wañusqakunata juzganayki p'unchaypis chayamullantaj. Jinallataj p'unchay chayamun qan, pikunachus qanmanta sut'inchajkunaman, qanpaj ajllakusqaykikunaman, sutiykita jatunchajkunaman ima ruwasqankuman jina t'inkata qopunaykipaj, mana kasu ruwana kachunku, chayrí maypaj qhawasqa kachunku. Chantá kay pachata phirejkunatapis tukuchinaykipaj p'unchay chayamullantaj, nispa.

Apocalipsis 10:7

Maypachachus qanchis kaj ángel trompetanta waqachiyta qallarenqa chaypacha, Diospa pakasqa wakichisqan junt'akonqa. Chaytaj kanqa, imatachus paymanta sut'inchajkunanejta willacherqa, chayman jina, nispa.

Zacarías 1:6

Chaywanpis, imatachus sut'inchajkunanejta ñawpa tataykichejpa contrankupi nerqani, kamacherqanitaj, chay tukuy junt'akorqa. Chayrayku paykuna kutirikamuwarqanku, nerqankutaj: Tukuy Atiyniyoj Tata Dios noqanchejwan ruwarqa purisqanchejman jina, ruwasqanchejman jinataj, nispa.

Amós 3:7

Tata Dios manamin imatapis ruwanchu, manaraj ñawpajta paymanta sut'inchajkunaman willaspaqa.

Ezequiel 38:17

Tata Diosqa Gogta kay jinata nillantaj: Qanmanta noqa sut'inchacherqani ñawpa p'unchaykunapi Israelpi sut'inchajniykunaj siminkunejta. Chaypacha paykuna sut'incharqanku noqa Israelpa contranta kachaykusunayta, nispa.

2 Reyes 24:2

Chantá Tata Diosqa Joacinpa contranta suwa runakunata kachaykamorqa caldeokunamanta, siriokunamanta, moabitakunamanta, amonitakunamantawan ima. Chaykunata Judá suyuta tukuchinankupaj kachamorqa, Diosqa paymanta sut'inchajkunanejta nisqanman jina junt'ananpaj.

2 Reyes 17:23

Chantá Tata Diosqa paymanta sut'inchajkunanejta nisqanman jina, israelitakunata ñawpaqenmanta wijch'orqa. Israelitakunaqa Asiria suyuman preso jina apasqa karqanku. Chaypitaj kunankama kashanku.

2 Reyes 17:13

Tata Diosqa israelitakunata, jinataj Judá suyupi tiyakojkunata ima sut'inchajkunanejta k'amichisqa: Millayta ruwaspa purisqaykichejmanta noqaman kutirikamuychej. Chantá tataykichejkunaman qosqay kamachisqaykunata, yachachisqaykunatapis kasuychej. Chaykunata noqamanta sut'inchajkunanejta willacherqaykichej, nispa.

Jeremías 29:19

Chayta ruwasaj, imaraykuchus kamachiykunanejta tukuy willachisqayta mana kasorqankuchu, maypachachus noqamanta sut'inchajkunata kutin kutinta kachamorqani, chaypacha, nispa. Ajinata noqa Tata Dios nini.

Jeremías 32:33

Paykunaqa wasanchawarqanku, manataj kutirikamuwayta munarqankuchu. Noqa paykunata kutin kutinta yachachispa k'amerqani chaypis, mana kasuwarqankuchu, nitaj jasut'isqaywan wanaytapis munarqankuchu.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Jeremías 35:17

Chayrayku noqa Israelpa Tukuy Atiyniyoj Tata Diosnin nini: Noqa Judapi tiyakojkunaj patanman, jinataj Jerusalén llajtapi tiyakojkunaj patankumanpis tukuy ima ñak'ariykunata kachaykamusaj. Noqa parlapayarqaykichej, qankunatajrí mana kasuwarqankichejchu. Jinallataj wajyarqaykichej, manataj uyariwarqankichejchu, nispa.

Jeremías 44:4

Noqaqa kutin kutinta kamachiykuna sut'inchajkunata paykunaman kacharqani, kay jinata ninankupaj: Imatachus Tata Dios millachikun, chayta amañapuni ruwaychejchu, nispa.