Jeremías 23:12 - DIOSPA QHELQACHISQ

¹² Chayrayku imaynatachus ruwasqankoqa laqhapi llusk'anallankupaj kanqa. Chayman tanqasqa kanqanku, chaypitaj urmanqanku. Maypachachus paykunamanta cuentata mañasaj chaypacha, paykunaj patankuman may ñak'ariyta kachaykamusaj. Noqa Tata Diosmin chayta nini.

Qheshwa Biblia DC

¹² Chayraykumin ñanninkoqa laqha may llusk'ataj kanqa. Noqataj tanqarparinankuta, chantá urmarparinankutataj nisaj. Maypachachus paykunamanta cuentasta mañasaj, chaypachaqa paykunaj patankuman mayta ñak'ariy jamonqa. Noqa Señor chayta nini.

DIOSPA QHELQACHISQAN DEUTEROCANONICAL

¹² Chayrayku imaynatachus ruwasqankoqa laqhapi llusk'anallankupaj kanqa. Chayman tanqasqa kanqanku, chaypitaj urmanqanku. Maypachachus paykunamanta cuentata mañasaj chaypacha, paykunaj patankuman may ñak'ariyta kachaykamusaj. Noqa Tata Diosmin chayta nini.

Jeremías 23:12 Referans Kwoze

Jeremías 13:16

Tata Diosniykichejta jatunchaychej, manaraj laqhayayta apachimushajtin, laqhayaykojtintaj montepi misk'awajchej. Qankunaqa k'anchayta suyashankichej, paytajrí chay k'anchayta tuti laqhaman tukuchenqa.

Jeremías 11:23

Paykunamanta ni ujllapis kawsashaj qhepakonqachu, imaraykuchus jasut'inay watapi patankuman ñak'ariykunata kachaykamusaj, nispa.

Proverbios 4:19

Mana allinta purejkunaj ñanninkurí laqhalla, manataj yachankuchu imapichus misk'asqankuta.

Salmos 35:6

Purisqanku ñanpi jayt'akuspa urmachunku, llusk'achunkutaj. Tata Diospa angelnintaj paykunata qhatiykachachun.

San Juan 12:35

Chantá Jesús paykunaman kuticherqa: K'anchayneyqa pisi p'unchaytawanraj qankunata k'anchasonqachej. K'anchaypi puriychej, ama laqhawan jap'ichikunaykichejpaj. Laqhapi purejqa mana yachanchu maynintachus rishasqanta.

Isaías 8:22

Jallp'ata qhawarispataj, rikonqanku llakiyllata, laqhayayllata, may waqaytataj. Jinataj tuti laqha ukhuman wijch'usqa kanqanku.

Salmos 73:18

Tata Dios, cheqapuni paykunata llust'anaman churarqanki, sonqo nanay khuyayllata kawsanamantaj tanqaykunki.

Éxodo 32:34

Kunanqa israelitakunata pusay, maymanchus pusanaykita nerqayki, chayman. Noqaj angelniytaj pusasonqa. Chaywanpis jasut'inay p'unchay chayamojtin, noqa paykunata juchankumanta jasut'isaj, nispa.

Judas 1:13

Jinallataj imaynatachus mama qochaj qhollchoqeyasqan phosoqota wijch'un, ajinallatataj paykunapis p'enqay millay ruwasqankuta sut'iman orqhonku. Jinallataj paykuna mana ñanniyoj purej ch'askakuna jina kanku. Chaywanpis paykunapaj wiñaypaj tuti laqhayay wakichisqa kashan.

1 Juan 2:11

Wawqe pananta chejnikojrí laqhallapiraj purishan. Manataj yachanchu maymanchus rinanta, imaraykuchus laqhaqa ñawinta mana rikojta saqenchu.

Miqueas 7:4

Paykuna ukhumanta sumaj runaqa khishkamantapis astawan millayraj, cheqanta ruwaj runapis t'ankar jina. Chaywanpis jasut'isqa kananku p'unchay chayamushanña, Diosmanta sut'inchajkuna willasqankuman jina. Chaypacha paykuna imatachus ruwanankuta mana yachanqankuchu.

Jeremías 50:27

Tukuy wapu soldadonkunata wañuchiychej, ñak'ana cheqaman paykunata apaychej. Ay, paykunamanta, imaraykuchus wañunanku p'unchay chayamun, jasut'isqa kananku p'unchaytaj.

Jeremías 48:44

Pichus chay jatun manchariymanta ayqejqa t'oqoman urmaykonqa. Pichus t'oqomanta llojsimojtaj tojllapiñataj jarap'asqa kanqa, imaraykuchus noqaqa Moabpa patanman chay jasut'ina p'unchayta kachaykamusaj. Noqa Tata Diosmin chayta nini.

Job 18:18

K'anchaymanta laqhayayman payta wijch'onqanku, kay pachamantataj payta qharqonqanku.

Deuteronomio 32:35

Vengakunayqa noqajta, noqataj pagapusaj. Maychus wakichisqay p'unchaypi misk'anqanku, sonqo nanayman tukuchisqa kananku p'unchay qayllallapiña. Juzgasqa kanankupis kayllapiña kashan, nispa.

Salmos 82:5

Qankuna mana yachankichejchu, nitaj imatapis umaykichejpi jap'iyta atinkichejchu. Laqhapi chinkasqa purishankichej. Chayrayku kay pachaj cimientonpis kharkatitin.

Lamentaciones 2:20

Tata Diosníy, qhawariy yuyariytaj, mana jayk'aj pitapis kay jinata ruwarqankichu. Kay warmikunaqa paqarichikusqanku wawankuta mikhukaponqankuchu? Diospaj T'aqasqa Cheqapi sacerdotekuna, sut'inchajkuna ima Temploykipi wañurachisqa kanqankuchu?

Jeremías 8:12

Paykunaqa millachikunapaj jina ruwasqankumanta p'enqakorqankuchu? Mana, manapuni p'enqakorqankuchu, nitaj p'enqakuy imachus kasqanta yachankuchu. Chayrayku maypachachus noqa paykunata jasut'isaj, chaypacharajmá misk'anqanku, chay ujkuna jinataj urmachisqa kanqanku. Ajinata noqa Tata Dios nini.