Jeremías 22:8 - DIOSPA QHELQACHISQ

⁸ Chaymantataj waj suyumanta runakuna chay llajtanta pasaspa, tapunakonqanku: Imaraykutaj Tata Dios kay jinata kay sumaj llajtata ruwarqari? nispa.

Qheshwa Biblia DC

⁸ Chay qhepanta waj llajtasniyoj runas, kay llajta qayllanta pasanqanku: Imaraykutaj Señorqa kay jinata jatun llajtawanqa ruwarqari?, nispa.

DIOSPA QHELQACHISQAN DEUTEROCANONICAL

⁸ Chaymantataj waj suyumanta runakuna chay llajtanta pasaspa, tapunakonqanku: Imaraykutaj Tata Dios kay jinata kay sumaj llajtata ruwarqari? nispa.

Jeremías 22:8 Referans Kwoze

Daniel (hebreo) 9:7

Tukuyta Kamachej Diosníy, qan cheqanta ruwaj kanki. Noqayku israelitakunarí tukuyniyku p'enqasqa kashayku: Jerusalenpi tiyakojkuna, jinallataj tukuynin israelitakuna, qayllapi, chayrí, karupi tiyakojkunapis, maymanchus wijch'uwarqayku qanpa contraykipi oqharikusqaykurayku, chaypi.

Lamentaciones 4:12

Kay pachapi kuraj kamachejkuna, tukuy kay pachapi tiyakojkuna ima manapuni jayk'ajpis yuyarqankuchu, awqankuna Jerusalén llajtaj punkunta yaykuykunankutaqa.

Jeremías 16:10

Aylluyman kay imakuna jamunanta willajtiyki, paykuna tapusonqanku: Imaraykutaj Tata Dios kay jatun ñak'ariyta contraykupi jamunanta kamacherqari? Ima millaytataj ruwarqaykuri? Ima juchatataj Diosniykoj Tata Diospa contranpi ruwaykuman karqari? nispa.

Jeremías 40:2

Chantá Nabuzaradanqa Jeremiasta sapanpi kay jinata nerqa: Diosniyki Tata Dios kay suyuman ñak'ariykunata kachaykamunanta nerqa.

Ezequiel 5:15

Maypachachus noqa qanta jasut'ispa k'araj phiñakuyniywan sinch'ita ñak'arichisqayki chaypacha, tukuy runakuna alqochakusonqanku, mana allinpajtaj qhawasonqanku. Muyuyniykipi kaj suyukunapis qanta rikuspa, mancharikonqanku, wananqankutaj. Noqa Tata Diosmin chaytaqa nini.

Ezequiel 12:16

Chaywanpis paykunamanta uj pisita wañuymanta, yarqhaymanta, onqoymantawan ayqechisaj, ajinapi maymanchá renqanku, chay suyukunapi imaymana millay ruwasqankumanta willakunankupaj. Chantaraj noqa Tata Dios kasqayta yachanqanku, nispa.

Ezequiel 14:23

Paykunaj kawsayninkuta, ruwasqankutawan rikuspa, sonqoykichejta tiyaykuchinkichej. Chaypacha Jerusalenpi imajtinchus tukuy imata ruwasqayta yachankichej. Noqa, Tukuyta Kamachej Tata Dios chayta nini.

Ezequiel 39:23

Waj suyumanta kajkunaqa yachanqanku israelitakuna juchankurayku waj suyuman apasqa kasqankuta. Contraypi oqharikusqankurayku paykunata saqerparerqani, astawanqa awqankoj makinman wañurachisqa kanankupaj jaywaykorqani.

Jeremías 40:3

Kunantaj chay nisqan junt'akun. Chaykuna qankunata qhatirisunkichej Tata Diospa contranpi juchallisqaykichejrayku, mana kasusqaykichejraykutaj.