Jeremías 22:6 - DIOSPA QHELQACHISQ

⁶ Tata Dios Judata kuraj kamachejpa ayllunmanta nillantaj: Galaad orqo jina qan noqapaj kanki, Líbanoj orqo puntan jinataj. Kunantajrí tiluspa kayta nini: Ch'inman, mana runayoj llajtaman tukuchisqayki.

Qheshwa Biblia DC

⁶ Noqa Señor chayta nini, Judamanta reypa palacionqa kay jina kananta: Qan noqapajqa Galaad orqo jina kanki, Líbanoj orqo puntan jinataj. Kunantaj jurani uj ch'in pampaman tukuchinasuyta, mana pejpa tiyakuynin cheqaman.

DIOSPA QHELQACHISQAN DEUTEROCANONICAL

⁶ Tata Dios Judata kuraj kamachejpa ayllunmanta nillantaj: Galaad orqo jina qan noqapaj kanki, Líbanoj orqo puntan jinataj. Kunantajrí tiluspa kayta nini: Ch'inman, mana runayoj llajtaman tukuchisqayki.

Jeremías 22:6 Referans Kwoze

Isaías 6:11

Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

Salmos 107:34

Sumaj jallp'atapis t'ajra pampaman tukucherqa, chaypi tiyakojkuna millayta ruwasqankurayku.

Miqueas 3:12

Chayrayku juchaykichejrayku, Sión orqopi Jerusalén llajta barbechoman tukonqa, raqayllamantaj. Maypichus Diospa Templon kashan, chay orqotapis ch'umilla p'ampaykonqa.

Isaías 27:10

Cheqapuni sumaj jark'achasqa llajtaqa ch'inpacha laqayalla qhepakun, ch'usajpacha, mana imayoj, nitaj runayoj. Manachayqa uywata michinallapajña kanqa. Chaypi uywakuna sach'aj thansanta mikhonqanku, llanthunpitaj winkurispa samarikonqanku.

Jeremías 26:18

Judá suyuta kuraj kamachej Ezequías kamachishajtin, Moreset llajtayoj Miqueas Tata Diospa sutinpi tukuy Judamanta runakunaman kay jinata parlasqa: Tukuy Atiyniyoj Tata Dios nin: Sionqa llank'ana jallp'aman tukonqa, Jerusalentaj raqayman. Diospa Templon kashan, chay orqopitaj ch'umi wiñaykonqa, nispa.

Jeremías 9:11

11 (10) Tata Dios nin: Jerusalén llajtata rumi qotuman tukuchisaj, k'ita alqokunaj tiyakunanman. Judá suyupi llajtakunata raqaykunaman tukuchisaj, manañataj pipis chaypi tiyakoj kanqachu, nispa.

Jeremías 7:34

Chantá Judá suyupi, jinallataj Jerusalén llajtapipis raymikunata, tusuykunata, takiykunata, jinallataj casarakupi takiykunatapis ch'inyachisaj. Tukuy suyutaj ch'inman tukuchisqa kanqa, nispa.

Génesis 37:25

Chantá Joséj wawqenkuna mikhunankupaj tiyarikorqanku. Mikhushaspataj, qhatuwan purej ismaelitakunata Galaadmanta jamushajta rikorqanku. Paykuna camellonkunapi sumaj q'apashaj jawinata, balsamota, mirrata ima Egiptoman apasharqanku.

Jeremías 22:24

Joacinpa churin Judata kuraj kamachej Coniasman Tata Dios nin: Sutiyrayku tiluni: Paña makiypi uj sellana anillo jina kashajtiykipis, noqaqa chaymantapis orqhospa, wijch'uykiman.

Jeremías 21:14

Noqamin ruwasqaykichejman jina jasut'isqaykichej. Tukuy sach'aykichejman ninata jap'iykuchisaj, chay ninataj tukuy muyuyniykichejpi kajta ruphaykonqa, nispa. Ajinata Tata Dios nin.

Jeremías 21:11

Judata kuraj kamachejpa ayllunkunaman noqaj nisqayta willay:

Jeremías 4:20

Patanpi patanpi llakiy willay chayamun. Tukuy Judá suyu ch'inyachisqa kashan. Kaymanta jinalla toldoykuna phirisqa rikhurerqanku, jarakunaytaj phirisqa karqanku.

TAKIYKUNA 5:15

Chakinkunapis qorimanta chukupi sayachisqa mármol rumi jina. Rijch'aynenqa Libanomanta pino sach'a jina.

Deuteronomio 3:25

Mañarikuyki: Ama jina kaspa, Jordán mayuta chimparichillaway ari. Noqaqa chay jina sumaj jallp'ata, k'achitu orqorara jallp'ata, chantá Libanotawan ima rikuyta munani, nispa.

Números 32:1

Rubén jatun ayllojta, Gad jatun ayllojtawan ima ashkha uywanku karqa. Chayrayku Jazerpi jallp'a, chantá Galaadpi jallp'awan uywata mirachinapaj sumaj kasqanta reparaspa,

TAKIYKUNA 4:1

Qanqa k'achita kanki, munasqetáy, may k'achitapuni kanki. Ñawisituykeqa iskay urpi jina, suk'umpayki urapi pakasqa. Chujchaykeqa Galaad kinraypi cabrakuna phinkiririspa urayk'amushankuman jina.

Jeremías 50:12

Chayrayku suyuykichej, maypichus paqarikorqankichej, chayqa k'umuykachachisqa, p'enqachisqataj, kanqa. Chay Caldea suyoqa tukuy suyumanta aswan qhepapi kanqa, ch'in ch'aki t'ajra pampamantaj tukuchisqa kanqa.

Zacarías 11:1

Líbano, punkuykita kichariy, pino sach'aykikunata nina ruphaykunanpaj.

Isaías 37:24

Qanqa kamachiykikunata kachamorqanki kaypi Tukuyta Kamachej Diospa contranta millayta rimaspa, ninankupaj: May ashkha carretaykunawan jatuchaj orqo pataman wicharini, Líbanoj kinraykunaman ima. Jatuchaj kaj cedro sach'akunata k'utuni, sumachaj kaj pinokunatawan. Aswan jatuchaj kaj orqo pataman wicharini, jinallataj aswan k'iski montekunamanpis yaykullanitaj.

Jeremías 4:7

Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Jeremías 8:22

Manachu ima jampipis Galaad llajtapi kanmanri? Manachu jaqaypi pipis jampiykurej kanmanri? Imaraykutaj kay aylluy mana qhaliyayta atinchuri? nispa.