Jeremías 21:10 - DIOSPA QHELQACHISQ

¹⁰ Noqa kay llajtaman llakiyta apachimunayta niniña, manataj allin kajtachu. Babiloniamanta kuraj kamachejman kay llajtata jaywaykusaj, paytaj llajtata ninawan ruphaykuchenqa. Noqa Tata Diosmin chayta nini.

Qheshwa Biblia DC

¹⁰ Noqa kay llajtaman apachimunayta niniña sajra kajkunata, manataj allin kajkunatachu. Babiloniamanta reyman llajtata jaywasaj, paytaj ninata jap'iykuchenqa. Noqa Señor chayta kamachini.

DIOSPA QHELQACHISQAN DEUTEROCANONICAL

¹⁰ Noqa kay llajtaman llakiyta apachimunayta niniña, manataj allin kajtachu. Babiloniamanta kuraj kamachejman kay llajtata jaywaykusaj, paytaj llajtata ninawan ruphaykuchenqa. Noqa Tata Diosmin chayta nini.

Jeremías 21:10 Referans Kwoze

Jeremías 44:11

Chayrayku noqa Israelpa Tukuy Atiyniyoj Tata Diosnin niykichej: Qankunaj pataykichejman jatun llakiyta kachaykamuspa, Judapi tukuy runata chinkarparichisaj.

Amós 9:4

Awqankukuna paykunata mana munashajta waj suyuman apanqanku chaypis, chaypipis espadawan wañuchinankuta kamachillasajtaj. Paykunataqa ñawillaypi purichisaj, mana allinninkupajchu, manachayqa llakiyninkupaj, nispa.

Jeremías 44:27

Noqataj paykunata waqaychanaytaqa, ñak'ariykunata paykunaman kachaykusaj, manataj allin kajtachu. Judamanta Egiptopi tukuy tiyakushajkuna maqanakupi wañonqanku, chayrí yarqhaywan tukuchisqa kanqanku.

Ezequiel 15:7

Noqaqa paykunaj contrankupi sayarisaj. Ninamanta ayqejtinkupis, waj ninañataj paykunata q'olaykonqa. Noqa paykunaj contrankupi sayarejtiy, qankuna noqa Tata Dios kasqayta yachankichej.

Jeremías 52:13

Payqa Tata Diospa Templonta ruphaykucherqa. Jinallataj kuraj kamachejpa kamachinan wasita, chantá Jerusalén llajtapi tukuy wasikunata ruphaykuchillarqataj, astawanqa kurajkunaj wasinkukunata.

Jeremías 39:8

Chaykama Caldeo soldadokunaqa kuraj kamachejpa wasinta ninawan jap'iykucherqanku, jinallataj llajtapi wasikunatapis. Jerusalén llajtaj perqantapis thuñirarqanku.

Jeremías 38:18

Manatajchus paykunaman k'askapuwaj chayrí, Caldeamanta soldadokuna jamuspa, kay llajtata jap'enqanku, ruphaykuchenqankutaj. Qanpis makinkumanta mana llusp'iyta atinkichu, nispa.

Jeremías 38:3

Tata Dios nillantaj: Kay Jerusalén llajta Babiloniata kuraj kamachejpa soldadonkunaj makinkuman jaywaykusqa kanqa. Paytaj atipaspa, llajtata jap'enqa, nispa.

Jeremías 34:2

Noqa Israelpa Tata Diosnin Judata kuraj kamachej Sedequiasman rispa, kayta ninaykita kamachiyki: Kay jinata Tata Dios nin: Kay llajtata Babiloniaj kuraj kamachejninpa makinman jaywaykusaj, paytaj ninawan kanaykonqa.

2 Crónicas 36:19

Chay jawaqa Babiloniamanta soldadokuna Diospa Templontapis ruphaykucherqanku, Jerusalén llajtaj perqankunatataj thuñiykorqanku. Kamachina wasimanpis ninata jap'iykucherqanku. Chay valorniyoj kaj imakunatapis tukuyninta t'unaykorqanku.

Jeremías 38:23

Chantá Jeremías kuraj kamachejta nillarqataj: Tukuynin warmiykikuna, wawaykikunapis caldeokunaman jaywaykusqa kanqanku. Qanpis mana paykunamanta llusp'iyta atinkichu. Manachayqa chay soldadokuna Babiloniata kuraj kamachejman jaywaykusonqanku, chaymantataj kay llajtata ninawan kanaykonqanku, nispa.

Salmos 34:16

16 (17) Tata Diosqa millayta ruwajkunaj contrankupi sayaykun, kay pachamanta sutinkuta chinkachinanpaj.

Levítico 26:17

Noqapis qankunaj contraykichejpi sayaykusaj, awqaykichejtaj atipasonqachej. Qankunata chejnisojkuna chakinku uraman churasonqachej, qankunataj mana pej qhatiykachasqallan ayqekunkichej.

Levítico 17:10

Tata Dios israelitakunata nillarqataj: Sichus uj israelita, chayrí qankunawan tiyakoj waj llajtayojpis yawarta mikhunman chayqa, noqa paypa contranpi sayaykusaj, chantá ayllun ukhumanta payta chinkachisaj.

Zacarías 1:6

Chaywanpis, imatachus sut'inchajkunanejta ñawpa tataykichejpa contrankupi nerqani, kamacherqanitaj, chay tukuy junt'akorqa. Chayrayku paykuna kutirikamuwarqanku, nerqankutaj: Tukuy Atiyniyoj Tata Dios noqanchejwan ruwarqa purisqanchejman jina, ruwasqanchejman jinataj, nispa.

Jeremías 34:22

Chaywanpis noqa kutirimunankuta kamachisaj. Paykunataj kutimuspa, kay llajtaj contranta maqanakonqanku jap'inankukama. Chantá ninata jap'iykuchispa, Judamanta qhepakoj llajtakunatapis raqayllataña saqenqanku, ni uj runayojta. Noqa Tata Diosmin chayta nini.

Jeremías 26:6

Silo llajtapi ruwasqayta jinallatataj kay Templotapis ruwasaj. Kay llajtataj tukuypa asipayanan, alqochakunantaj kanqa, nispa.

Jeremías 17:27

Sichus mana kasukuspa samarina p'unchayta mana noqapaj t'aqapuwankichejchu, manachayqa samarina p'unchaypi q'epiykichejta Jerusalenman apaykullankichejpuni chayqa, noqa llajtaj punkunkunaman ninata jap'iykuchisaj. Chay ninataj Jerusalenpa kamachina wasinta tukuchinankama ruphaykonqa, manataj pipis thasnuyta atenqachu, nispa.

Jeremías 33:5

Qankunaqa caldeo soldadokunawan maqanakuyta munashankichej. Jinapis Jerusalenmanta runakuna wañuchisqa jinaña kashanku, imaraykuchus sinch'i phiñakuyniypi paykunata wañuchinayta nerqaniña. Millayta ruwasqankurayku noqa paykunata saqerparerqani.

Jeremías 39:16

Rispa, kayta niy Etiopía llajtayoj Ébed Melecman: Israelpa Tukuy Atiyniyoj Tata Diosnin nisunki: Kay llajtaman ñak'ariykunata kachaykamunayta nisqayta junt'asajpuni. Chay tukuy ima rikushajtiyki, junt'akonqa.

Ezequiel 24:11

Chaymanta ch'usaj mankata ninaman churaykuy, cobre pukayanankama, ch'ichi kaynin pichakunankama, akakipasqantaj t'akakunankama.

Amós 2:5

Chayrayku Judá suyuman ninata jap'iykuchisaj, chay ninataj Jerusalenpi kaj kamachina wasita ruphaykonqa, nispa.

Jeremías 38:17

Chantá Jeremías Sedequiasta nerqa: Israelpa Tukuy Atiyniyoj Tata Diosnin nisunki: Sichus Babiloniata kuraj kamachejpa soldadonkunata kamachejkunaman chimpaykapuwaj chayqa, qan, jinataj aylluykiwan mana wañuchisqachu kankichej. Kay llajtapis nillataj ruphachisqachu kanqa.