Jeremías 20:7 - DIOSPA QHELQACHISQ

⁷ Chantá Jeremías nerqa: Tata Dios, qan misk'i simiykiwan q'otiyawarqanki, noqataj kasuta ruwarqayki. Qan may kallpayoj kasqaykirayku atipawarqanki. Runakunaqa tuta p'unchaynintin asipayawanku, noqamanta alqochakuwaspa.

Qheshwa Biblia DC

⁷ Señor, qan ch'aukiyawarqanki, noqataj ch'aukiyachikullarqayki; qan may kallpayoj karqanki atipawarqankitaj. Sapa kutipi asipayakuwanku, tukuytaj noqamanta alqochakuwanku.

DIOSPA QHELQACHISQAN DEUTEROCANONICAL

⁷ Chantá Jeremías nerqa: Tata Dios, qan misk'i simiykiwan q'otiyawarqanki, noqataj kasuta ruwarqayki. Qan may kallpayoj kasqaykirayku atipawarqanki. Runakunaqa tuta p'unchaynintin asipayawanku, noqamanta alqochakuwaspa.

Jeremías 20:7 Referans Kwoze

Oseas 9:7

Jasut'ina p'unchay chayamunña. Ña chayamunña ruwasqankuman jina pagana p'unchay. Israelpis yachanqa chay p'unchay chayamusqanta. Qankuna ninkichej: Diosmanta sut'inchajqa wampu, yuyaychaj runapis mana yuyayniyoj, nispa. Chayta ninkichej ruwasqaykichej chay jina millay kasqanrayku, jinataj chejnikuywan junt'a kasqaykichejrayku.

Lamentaciones 3:14

Tukuy aylluy asipayawanku, sapa kutitaj paykunaj alqochakunan kani.

Ezequiel 3:14

Jinapi Diospa Espíritun jap'iwaspa, chaymanta orqhowarqa, noqataj may llakisqa, sonqo p'akisqataj risharqani. Chaywanpis Tata Dios makinwan sinch'ita jap'iwarqa.

Jeremías 20:9

Sichus nini: Manaña Tata Diospi yuyasajchu, niñataj sutinpipis parlasajchu, nispa chayqa, qanpa nisqaykeqa sonqoypi nina jina ruphaykuwan, tukuy tulluykamataj chayan. Sonqoyta ñit'iykukuyta munashaspapis, manapuni atinichu.

Hebreos 11:36

Wakinkunaqa p'enqaypi rikhurichisqa karqanku, jasut'isqataj. Wakinkunataj carcelman cadenawan watasqa wisq'achikorqanku.

1 Corintios 9:6

Chayrí noqawan, Bernabellawanchu, kawsanaykupaj llank'anayku tiyan, Diospa chajranpi llank'ashaspapis?

Hechos 17:32

Wañusqakuna kawsarimpunankumanta uyarispa, wakinkunaqa Pablomanta asikorqanku. Ujkunarí nerqanku: Waj kutillapiña imatachus parlashanki, chaymanta astawan uyarisqayku, nispa.

Hechos 17:18

Chantá Epicuro sutiyoj runata qhatejkuna, estóicos nisqa yachaysapa runakunawan ima Pablowan tapunaykukorqanku. Ujkunataj nerqanku: Imatataj niyta munan kay ch'ajwakuri? nispa. Wakintaj nerqanku: Kayqa waj mosoj dioskunamantasina parlashan, nispa. Chayta nerqanku, imaraykuchus Pabloqa willasharqa Jesuspa sumaj willayninmanta, wañusqamanta kawsarimuymantawan.

San Lucas 23:11

Chantá Herodeswan, soldadonkunawan ima Jesusta k'umuykachachiyta qallarerqanku, alqochakuyta munaspataj, kuraj kamachejta jina sumaj p'achawan p'achallicherqanku. Chaymantataj Herodes watej Pilatoman Jesusta pusacherqa.

San Lucas 16:14

Chantá fariseokunaqa chay tukuyta uyarispa, Jesusta asipayarqanku, qolqeta munapayasqankurayku.

Miqueas 3:8

Noqatatajrí, Tata Diospa Espíritun atiywan junt'achiwan, justiciawan, kallpawantaj, Israelta uyanpi nipunaypaj mana kasukoj, juchayojtaj kasqanta.

Jeremías 29:26

Sacerdote Joyadáj cuentanmanta Tata Dios qanta churarqasunki, Tata Diospa Templonpi kuraj kaj sacerdote kanaykipaj. Sichus pipis uma t'ojpisqa runa sut'inchaj jina parlaj churakunman chayqa, noqa kamachiyki: Payta cepoman churay, cadenawantaj watay, nispa.

Jeremías 17:16

Chaywanpis, noqaqa mana tanqarqaykichu, nitaj mañarqanichu ñak'ariykunawan jasut'inaykita. Tukuy ima nisqayta qan yachanki, imaraykuchus qan uyarishajtiyki parlarqani.

Jeremías 15:18

Jina chayqa, imaraykutaj kay nanayniy mana jayk'aj thañinchuri? Imaraykutaj kay k'iriy mana thañipunchuri, nitaj jampisqa kayta atinchuri? Qanqa ch'aki mayu jina noqapaj kanki, nispa.

Jeremías 15:10

Chantá noqa Jeremías nerqani: Ay, noqamanta, mamáy, imapajtaj paqarichikuwarqankiri? Kay pachapi kaj chhika runakuna contrayta sayaykuspa, noqawan churanakunankupajchu? Mana pimanpis qolqeta manunichu, nitaj pipis noqaman manuwanchu. Chaywanpis tukuy maldiciwanku, nispa.

2 Reyes 2:23

Chaymanta llojsispa, Eliseoqa Betelman rerqa. Ñannejta rishajtintaj, llajtamanta ashkha majt'illokuna llojsimuspa, paymanta alqorakuspa nerqanku: P'ajla llojsiy kaymanta. P'ajla, llojsiy kaymanta, nispa.

Job 12:4

Noqaqa mana juchayoj, nitaj k'amina jina kani. Ñawpa tiempopi Diosqa mañakusqayta uyariwaj, kunanrí kawsaqeykuna noqamanta asikuwanku.

Salmos 119:51

May kasqankuta yuyakojkuna mayta asipayawanku, noqatajrí yachachiwasqaykimanta mana karunchakunichu.

Jeremías 38:19

Jinapi Sedequías kuticherqa: Caldeokunaman chimpapunkuña, chay judiokunata manchachikuni, imaraykuchus caldeokunaqa chay judiokunaj makinkuman jaywaykuwankuman, paykunataj imaymanata ruwawankuman, nispa.

Jonás 4:2

Chantá Tata Dioswan parlarikuspa, kay jinata nerqa: Ay, Tata Dios, kaytamá nerqani llajtaypi kashaspallaraj. Chayrayku Tarsisman ayqerqani. Yachani ari, khuyakuyniyoj, jatun sonqoyoj, mana usqhayllata phiñakoj, chhikatapuni munakoj Dios ima kasqaykita. Yachallarqanitaj qan: Chay runakunata millayta ruwasqankumanta jasut'isaj, nishaspapis, mana jasut'inaykita.

Job 30:9

Kunanqa paykunaj alqochakunanku kani, paykunaj asikunankutaj.

Isaías 8:11

Tata Dios lijrayman makinta churaspa, ama kay llajtayojkuna jina purinayta mayta k'amiwarqa: