Jeremías 20:10 - DIOSPA QHELQACHISQ

¹⁰ Contraypi runakuna chhichinakuspa parlashajta uyarini: Tukuynejpi manchachikuy tiyan. Jamuychej, payta ch'ataykusunchej, nispa. Tukuy kawsaqeykuna imallapipis pantanayta suyashanku. Chantá nillankutaj: Ichapis q'otiyayta atisunman, chaywantaj payta atipaykusunchej. Ajinamanta paymanta vengakusunchej, nispa.

Qheshwa Biblia DC

¹⁰ Uyarini contraypi runas chhichinakushajta, tukuynejpi manchachikuykunas tiyan, nispa. Jamuychej ch'ataykusunchej, chay jawa kausaqesniypis suyanku imapi pantanayta. Chantaqa nillankutaj: Ichapis ch'aukiyachikunman, chaywanqa atipaykusunchej, vengakusunchejtaj, nispa.

DIOSPA QHELQACHISQAN DEUTEROCANONICAL

¹⁰ Contraypi runakuna chhichinakuspa parlashajta uyarini: Tukuynejpi manchachikuy tiyan. Jamuychej, payta ch'ataykusunchej, nispa. Tukuy kawsaqeykuna imallapipis pantanayta suyashanku. Chantá nillankutaj: Ichapis q'otiyayta atisunman, chaywantaj payta atipaykusunchej. Ajinamanta paymanta vengakusunchej, nispa.

Jeremías 20:10 Referans Kwoze

Salmos 41:9

9 (10) Sumaj kaj kawsaqeypis, pipichus atinikoj kani chay, pichus noqawan khuska mikhoj chay, paypis wasanchawan.

Salmos 31:13

13 (14) Runakuna chhichinakusqankuta uyarini: Tukuynejpi manchachikuna tiyan, nispa. Paykuna uj runa jinalla contraypi oqharikunku, wañuchinawankupajtaj wakichikunku.

Isaías 29:21

Mana juchayojta tumpaspa llulla juezkunapis chinkanqanku, jinallataj mana juchayojta imaymana llullakuywan ch'awkiyajkuna, chantá mana cheqan justiciata ruwajkunapis, tukuyninku chinkarparichisqa kanqanku.

Jeremías 18:18

Chantá runakuna nerqanku: Jeremiaspa contranpi wakichikuna. Mana jayk'ajpis sacerdotekuna yachachinawanchejpaj pisiwasunchu, nitaj yachayniyojkunapis umachanawanchejpaj, nillataj Diosmanta sut'inchajkunapis Diospa nisqanta willanawanchejpaj. Jeremiaspa contranta rimakunachej, amataj ni ima niwasqanchejta kasunachejchu, nispa.

Hechos 24:13

Kay runakuna manallataj rikuchisuyta atinkumanchu, imamantachus tumpawasqanku ajinapuni kasqanta.

Ezequiel 22:9

Qanpi tiyakojkuna runata wañuchinankupaj llullakunku. Orqokunapi lantikunaj sutinkupi mikhuy wayk'usqata mikhumoj rinku, millay khuchiriyotataj ruwanku.

Jeremías 6:25

Ama pipis campoman llojsiychejchu, amataj ñankunapi puriychejchu. Awqaqa armanwan sumaj wakisqa kashan. Chantá manchachikuy, kharkatitiy ima tukuynejpi kashan, nispa.

Proverbios 10:18

Chejnikusqanta pakajqa llullamin. Pichus cuento apaykachajtaj wampumin.

San Lucas 20:20

Chantá judiokunaj kurajninkukunaqa allinman tukoj puraj uya runakunata kacharqanku, Jesusta wateqanankupaj. Jinamanta Jesusta ima parlasqallanpipis jap'iyta munarqanku, Romaj churasqan kamachejpa makinman jaywaykunankupaj.

Job 19:19

Aswan sumaj kawsaqeykunapis chejnikuwanku, pikunatachus astawan q'ayachakoj kani, chaykunapis contraypi kanku.

1 Reyes 21:20

Eliasqa Ajabman chimpaykojtin, Ajab nerqa: Awqay kashaspapis, jamullankiñatajchu? nispa. Eliastaj kuticherqa: Arí, noqa mask'ashayki, imaraykuchus Tata Diospa ñawpaqenpi qanqa millayta ruwaspa purinki.

1 Reyes 19:2

Chantá Jezabelqa Eliaspaman ujnin kamachinta kachaspa, nicherqa: Qanqa Baalpa sut'inchajninkunata wañucherqanki. Chayrayku sichus q'aya kunanta jina, mana qanta wañuchiyki chayqa, diosniykuna noqata wañuchiwachunku, nispa.

Hechos 7:54

Jatun Juntapi kajkunaqa Estebanpa parlasqanta uyarispa, maytapuni phiñarikorqanku, maqanankupaj jinataj qhawarqanku.

Hechos 5:33

Chayta uyariytawan, kurajkuna mayta phiñarikuspa, Jesuspa kuraj kachankunata wañuchiyta munarqanku.

Salmos 57:4

4 (5) Runa mikhu leonkuna muyuykuwanku. Kirunkoqa lanza jina, flecha jinataj, qallunkutaj filochasqa espada jina.

1 Reyes 22:27

Paykunata niychej: Ajabqa kamachisunkichej kay runata carcelman wisq'aykunaykichejta, chaypitaj uj chhika t'antallawan, pisi yakullawan ima kachinaykichejta, asiriokunawan maqanakumanta atipaspa kutimunaykama, nispa.

1 Reyes 22:8

Chantá Ajab kuticherqa: Arí, uj kanraj, paynejta Tata Diosta tapurinapaj, Imlaj churin Micaías sutiyoj. Chaywanpis payta noqa chejnini, manapuni jayk'aj allin kajta sut'inchawasqanrayku, nispa. Josafattaj nerqa: Ama jinata parlaychu, nispa.

Jeremías 11:19

Imaynatachus uj cordero mana imatapis yachanchu camalman payta apashajtinku, ajinallataj noqapis mana yacharqanichu contraypi imatachus ruwayta munashasqankuta. Paykunaqa nishasqanku: Kay poqoj sach'ata k'utunachej. Payta chinkarparichinachej kay pachapi kawsajkuna ukhumanta, amaña pipis paymanta ujtawan yuyarikunanpaj, nispa.

Jeremías 11:21

Anatot llajtamanta runakuna wañuchiwayta munaspa, niwarqanku: Ama Tata Diospa sutinpi sut'inchaychu, manachayqa qanta wañuchisqayku, nispa.

Jeremías 20:3

Q'ayantintaj Pasjur cepomanta Jeremiasta kacharichinankuta kamacherqa. Chantá Jeremías nerqa: Tata Diosqa Pasjur sutiykej cuentamanta Magor Misabib sutiwan sutichasunki.

Jeremías 37:13

Jinapis maypachachus Benjaminpa Punkun nisqaman chayasharqa chaypacha, uj runa Irías sutiyoj chaypi kasharqa. Pay karqa Selemiaspa churin, Jananiaspa allchhin, qhawajkuna ukhumanta kuraj kaj. Chantá payqa Jeremiasta jap'ispa, nerqa: Qanqa Caldeamanta runakunaman chimpapuyta munashanki, nispa.

Daniel (hebreo) 6:4

4 (5) Chayrayku chay waj kurajkuna, jinallataj kamachejkunapis imallamantapis Danielta ch'ataykunankupaj mask'arqanku. Danielpitajrí mana ima mana allin kajtapis tarerqankuchu, allin puriyniyoj kasqanrayku, nillataj imamantapis payta ch'ataykuyta aterqankuchu.

Salmos 31:14

14 (15) Chaywanpis, Tata Dios, noqaqa qanpi atinikuni: Qanmin Diosniy kanki, nispa.

Salmos 41:10

10 (11) Qanrí, Tata Dios, khuyarikuway. Onqoyniymanta qhaliyachiway ari, ruwawasqankuman jina kutichinaypaj.

Jeremías 1:19

Paykunaqa qanwan maqanakonqanku, jinapis mana atipasonqankuchu, imaraykuchus noqa yanapasunaypaj qanwan kasaj, nispa. Noqa Tata Diosmin chayta nini.