Jeremías 2:32 - DIOSPA QHELQACHISQ

³² Casarakoj sipasqa k'achitu may valorniyoj jaluchunmanta qonqakapunmanchuri? Chayrí casarakunanpaj k'achanchakusqanmanta qonqapunmanchuri? Aylluyrí unayña noqamanta qonqakapuwan.

Qheshwa Biblia DC

³² Qonqakapunmanchu uj warmi chay k'achanchakunasninmanta, jinallataj casarakapoj warmi k'achanchakunasninta? Chaywampis aylloyqa astawanraj noqamantaqa qonqakaporqa.

DIOSPA QHELQACHISQAN DEUTEROCANONICAL

³² Casarakoj sipasqa k'achitu may valorniyoj jaluchunmanta qonqakapunmanchuri? Chayrí casarakunanpaj k'achanchakusqanmanta qonqapunmanchuri? Aylluyrí unayña noqamanta qonqakapuwan.

Jeremías 2:32 Referans Kwoze

Salmos 106:21

Paykuna qhespichej Diosninkuta qonqaporqanku, Egiptopi t'ukuna imakunata ruwasqanmanta ima.

Jeremías 13:25

Chaymin qankunata qhatirinan kashan. Chayta jap'inaykichejta noqapuni nerqani, imaraykuchus noqamanta qonqaporqankichej, qhasi manakaj dioskunapitaj atinikorqankichej. Noqa Tata Diosmin chayta nini.

Jeremías 3:21

Ch'in orqokunapi qhaparisqanku uyarikun. Chayqa kashan khuyakuyta mañakuspa israelitakunaj waqasqanku. Paykuna cheqan ñanmanta pantaykorqanku, jinataj Diosninku Tata Diosmanta qonqaporqanku.

Jeremías 2:11

Ima suyutaj diosninkuta wijch'uspa, waj diostañataj churakukunri? Chaykunaqa mana dioschu kankupis. Chaywanpis aylloyqa noqa cheqan Dios jatun kayniypa lliphipiyniyoj kashajtiy, saqerpariwanku, qhasi manakaj lantikunata yupaychanankupaj.

Isaías 17:10

Ajina kanqa, imaraykuchus qanqa kacharichisoj Diosmanta qonqaporqanki, manataj waqaychasoj Diosniykimanta yuyarikorqankichu. Astawanpis qanqa sumaj uva sach'akunata mallkerqanki, waj dioskunata yupaychanaykipaj.

Oseas 8:14

Israelqa kamachina wasikunata ruwarin, ruwajnin Diosmantatajrí qonqakapuwan. Judapis ashkha sumaj perqasqa llajtakunata oqharin. Noqatajrí, chay llajtakunaman ninata jap'iykuchisaj, tukuy jatuchaj wasinkuna ruphananpaj.

Isaías 61:10

Noqaqa Tata Diospa ruwasqanpi mayta kusikuni. Diosniy yanapawasqanmanta sinch'itapuni kusikuni, imaraykuchus payqa qhespichiwan, cheqan kayninwantaj qhataykuwan. Imaynatachus casarakoj wayna sumajta p'achallikun, casarakoj sipastaj jaluchunwan sumajta k'achanchakun, ajinata noqapis Tata Diospa ruwasqanpi kusikuni.

Salmos 9:17

17 (18) Millayta ruwaspa purejkuna, Diosman mana kutirikojkuna ima jallp'aj sonqonman yaykonqanku, Diosmanta qonqapusqankurayku.

Jeremías 18:15

Chaywanpis aylluy qonqarparipuwanku, jinataj qhasi manakaj dioskunaman inciensota q'oshñichinku. Paykunaqa qallariymantapacha yachachisqayta mana kasunkuchu. Chayrayku paykunaqa k'ullku ñankunata purinku, manataj jatun ñantachu.

Jeremías 13:10

Millayta ruwaj runakunaqa kamachisqayta mana uyariyta munankuchu, manachayqa k'ullukuspa, sonqonkoj yuyasqanta ruwanku. Paykunaqa waj dioskunaj qhepankuta purinku paykunaj munayninkuta ruwanankupaj, chantá yupaychanankupaj ima. Ajinata ruwasqankurayku kay ismusqa chumpi jina mana imapaj walejchu kanku.

Apocalipsis 21:2

Rikullarqanitaj Diospa wakichisqan llimphu kaj llajta mosoj Jerusalenta. Chay llajtaqa janaj pachamanta urayk'amusharqa casarakoj sipas jina parlakusqan qhariwan casarakunanpaj k'achanchasqata.

Ezequiel 22:12

Wakinkunaqa runa masinkuta wañuchinankupaj qolqeta pagachikunku. Qolqetapis ashkha interesniyojta mañarinku. Runa masinkuta ch'awkiyanku, kallpankuman atinikuspa ñak'arichinku ima. Noqamantarí qonqakapunku. Noqa Tukuyta Kamachej Tata Diosmin chaytaqa nini.

Génesis 24:22

Camellokuna yakuta ujyayta tukojtinkutaj, kamacheqa uj qori anillota sipaspa senqanman churarqa. Chay anillo sojta gramoyoj jina karqa. Chantá qorimanta iskay brazaleteta sipaspa makinman churallarqataj, chaytaj pachaj gramoyoj jina karqa.

2 Samuel 1:24

Israel suyumanta warmikuna, Saulmanta waqaychej. Payqa kulli puka p'achawan p'achallichej kasunkichej. Ima k'achata p'achaykichejta qoriwan k'achanchasorqachej.

Génesis 24:53

Chaymantataj qorimanta, qolqe metalmanta tukuy imata, p'achata ima q'epimanta orqhospa, Rebecaman jaywarqa. Jinallataj turanman, mamanman ima sumaj imakunata qollarqataj.

Génesis 24:30

imaraykuchus Labanqa panan anillota, brazaleteta ima makinpi apaykachashajta rikusqa. Chantá chay runa pananta imatachus nisqanta uyarillasqataj. Chayrayku Labanqa Abrahampa kamachinta mask'aj rispa, camellonkunawan pujyu chaypi kashajta tariparqa.

Isaías 57:11

Chay lantikunatachu manchachikunki? Paykunachu chay jinatapuni kharkatitichisunku ajinata wasanchanawaykipaj, noqamantataj qonqapuspa mana yuyarikunaykipaj? Noqa unayta ch'inlla kasqayraykuchu, qan manaña manchachikuwanki?

Jeremías 2:33

Waynaykikunata mask'ayta sumajta yachanki. Phisu warmikunamanpis chay millay ruwasqaykita yachachinki.

Deuteronomio 32:15

Chaywanpis Israelqa manchayta qhapajyarqa, ruwajnin Diosmantataj qonqaporqa. Llosq'olla kanankukama wirayarqanku. Ruwajninku Diostataj qonqaporqanku, jark'akoj, qhespichejninkutataj pisipaj qhawarqanku.

Jueces 8:34

Tata Diosmanta qonqakaporqanku, paymari tukuy awqankukunamanta paykunata kacharichejtinpis.

Jeremías 23:27

Chay mosqokusqankuta willanakusqankuwan aylluykuna noqamanta qonqanankuta munanku, imaynatachus ñawpa tatankukunapis qonqarpariwarqanku Baalpa qhepanta ripunankupaj, ajinata.