Jeremías 2:14 - DIOSPA QHELQACHISQ

¹⁴ Israelqa mana wata runachu nitaj kamachi kananpajchu paqarikorqa. Jina kajtenqa, imaraykutaj wajkuna tukuy kapuyninta qhechunkuri?

Qheshwa Biblia DC

¹⁴ Israelqa mana kamachichu karqa. Payqa kamachi kanampajchu nacekorqa? Imaraykutaj tukuy kapuyninta qhechunkuri?

DIOSPA QHELQACHISQAN DEUTEROCANONICAL

¹⁴ Israelqa mana wata runachu nitaj kamachi kananpajchu paqarikorqa. Jina kajtenqa, imaraykutaj wajkuna tukuy kapuyninta qhechunkuri?

Jeremías 2:14 Referans Kwoze

Éxodo 4:22

Chantá faraonta ninki: Tata Dios ajinata nisunki: Israelqa noqaj kuraj kaj churiymin.

Isaías 50:1

Tata Dios nin: Ama yuyaychejchu mamaykichej Israelta wijch'usqayta, imaynatachus uj runa warminta wijch'upun, jinataqa. Chayrí, yuyankichejchu mayqen manuyman wata runata jina vendeykususqayta? Mana jinachu, qankunaqa millay juchaykichejrayku vendechikunkichej. Diospa contranta oqharikusqaykichejrayku mamaykichej Israel wijch'usqa karqa.

Eclesiastés 2:7

Qharikunata, warmikunatawan ima wata runapaj rantikorqani, wakin wata runaykunataj wasiypi paqarikorqanku. Jinallataj ashkha waka, ashkha oveja ima tiyapullawarqataj. Noqamanta ñawpajta Jerusalenpi kajkunajmanta nisqa astawan ashkha tiyapuwarqa.

Génesis 15:3

Chantá Abram nillarqataj: Tata Dios, mana wawata qowankichu. Chayrayku tukuy imay kajtapis wasiypi paqarej kamachillaychá chayaqeta jap'enqa ari, nispa.

Éxodo 12:49

Qankuna israelitakuna, jinallataj qankuna ukhupi waj llajtayojkunamanta tiyakojkunapis kay kamachisqata kasunanku tiyan, nispa.

Jeremías 5:19

Chantá llajta masiykichejkuna tapusonqachej: Imaraykutaj kay jinata Diosninchej Tata Dios ruwawarqanchejri? nispa. Chaypachataj kay jinata kutichiychej: Imaynatachus qankuna Tata Diosta saqerparispa, kikin llajtaykichejpi chay mana rejsisqa dioskunaj kamachiyninpi karqankichej, ajinallatataj kunan waj suyupi mana rejsisqa runakunaj kamachiyninpi kankichej, nispa.

Jeremías 17:4

Imatachus chayaqeykipaj qorqayki, juchallisqaykirayku paykuna chay suyuta qhechusonqanku. Chantá awqaykej kamachinpi kanki mana rejsisqa suyupi, imaraykuchus phiñakuyniyta ninata jina k'ajaricherqanki, chaytaj wiñaypaj lawranqa, nispa.