Jeremías 19:11 - DIOSPA QHELQACHISQ

¹¹ Tukuy Atiyniyoj Tata Dios ajinata nin: Noqapis kay suyuta, kay llajtatapis p'akisaj, imaynatachus kay p'uñuta p'akikojta rikunkichej, ajinata, manañataj ujtawan ñawpaj karqankichej jina kankichejñachu. Runakunaqa wañusqankuta Tofetpi p'ampanqanku, imaraykuchus wajnejpi manaña ayata p'ampanankupaj campo kanqachu.

DIOSPA QHELQACHISQAN DEUTEROCANONICAL

¹¹ Tukuy Atiyniyoj Tata Dios ajinata nin: Noqapis kay suyuta, kay llajtatapis p'akisaj, imaynatachus kay p'uñuta p'akikojta rikunkichej, ajinata, manañataj ujtawan ñawpaj karqankichej jina kankichejñachu. Runakunaqa wañusqankuta Tofetpi p'ampanqanku, imaraykuchus wajnejpi manaña ayata p'ampanankupaj campo kanqachu.

Jeremías 19:11 Referans Kwoze

Salmos 2:9

Chantá qan fierro varawan kay pachapi kamachejkunata chakiyki uraman churanki, t'uru mankata jinataj paykunata phiriranki, nispa.

Isaías 30:14

Qankuna t'unasqa k'analla jina kankichej. Chay jinatapuni kallpawan phirisqa kasqanrayku, mana uj chhikan k'anallallapis qhepakunchu, q'onchamanta ninata orqhonallapajpis, nitaj yakuta wisinallapajpis, nispa.

Lamentaciones 4:2

Sión llajtapi tiyakojkunaqa maypaj qhawasqa kaj kanku, sumaj kaj qorimantapis aswan munasqa. Kunantajrí manka llut'aj ruwasqan t'uru manka jinalla qhawasqa kanku.

Apocalipsis 2:27

imaynatachus Tatay noqamanpis kamachinaypaj atiyta qowarqa, ajinata. Paykunataj fierro varawan suyukunata kamachenqanku, t'uru mankata jinataj phiriranqanku.

Jeremías 13:14

Chantá paykunata ch'allpaspa, p'uñuta jina phirirasaj, tatakunata wawankutawan khuskata. Paykunamanta mana khuyakuspa, ni uj puchuyojta tukuchisaj. Ajinata Tata Dios nini.

Jeremías 19:6

Chayrayku uj p'unchay chayamonqa, chay p'unchaypitaj kay cheqa manaña Tofet sutiwan sutichasqachu kanqa, nitaj Ben Jinón valle sutiwan. Manachayqa Runa Wañuchina valle sutiwan rejsisqa kanqa.

Hechos 21:11

Jinapi pay watukoj jamuwarqayku. Chantá Pabloj chumpinta oqhariytawan, Agaboqa chakinta, makintawan wataykukuspa, nerqa: Kay jinata Santo Espíritu nin: Jerusalenpi judiokunaqa ajinata kay chumpiyojta watanqanku, chaymantataj mana judío kajkunaman payta jaywaykonqanku, nispa.

Proverbios 6:15

Chayrayku llakeyqa ujllata mana yuyasqallamanta payman chayamonqa. Ujllapi uj ñawi ch'irmiyllapi urmachisqa kanqa.

Jeremías 19:12

Ajinatamin kay llajtata, chaypi tiyakojkunatapis ruwasaj. Kay llajtata ruwasaj Tofet jina kananpaj. Ajinata noqa Tata Dios nini.

Jeremías 48:38

Moabpi tukuy wasikunapi, tukuynin callekunapipis waqasqanku uyarikun, imaraykuchus noqaqa Moabta phiriykorqani, imaynatachus mana allin ruwasqa yuruta phirinku, ajinata. Noqa Tata Diosmin chayta nini.

Jeremías 51:63

Chantá kay qhelqasqata ñawiriyta tukuspañarí, uj rumiman wataykuytawankama, Éufrates mayuman wijch'uykuy, chantá niy:

Jeremías 25:34

Qhapariychej, michejkuna, nanaywan qhapariychej. Aylluyta pusajkuna, nanaywan pampapi sunt'iraychej, imaraykuchus wañuchisqa kanaykichej p'unchay chayamunña, qankunataj wira oveja jina ñak'asqa kankichej.