Jeremías 18:21 - DIOSPA QHELQACHISQ

²¹ Kunantajrí wawankuta yarqhaywan wañuchiy, chayrí espadawan. Warminkupis warmisapa qhepakuchunku, mana wawayojtaj. Qosankupis millay onqoywan wañuchunku. Wayna wawankupis maqanakupi wañuchisqa kachunku.

Qheshwa Biblia DC

²¹ Kunanqa wawasninkuta yarqhaywan wañuchiy, chayri espadawan; warmisninku viudas qhepakuchunku, manaña wawasniyojtaj. Qosasninkupis onqoywan wañurachunku. Wayna wawasninkupis maqanakupi wañurachunku.

DIOSPA QHELQACHISQAN DEUTEROCANONICAL

²¹ Kunantajrí wawankuta yarqhaywan wañuchiy, chayrí espadawan. Warminkupis warmisapa qhepakuchunku, mana wawayojtaj. Qosankupis millay onqoywan wañuchunku. Wayna wawankupis maqanakupi wañuchisqa kachunku.

Jeremías 18:21 Referans Kwoze

Amós 4:10

Imaynatachus Egiptoman millay onqoykunata kachaykamorqani, ajinallatataj onqoykunata kachaykamorqaykichej. Saqerqani waynaykichejkuna maqanakupi wañuchisqa kanankuta, saqellarqanitaj awqaykichej caballoykichejkunata qhechusunaykichejta. Wañojniykichejpa asnasqankuta jaraykichejpi muskhicherqaykichej. Chaywanpis qankuna manapuni noqaman kutirikamuwarqankichejchu. Noqa Tata Diosmin chayta nini.

Lamentaciones 5:3

Mana tatayoj wajcha wawakuna jina rikhuriyku, mamaykukunapis warmisapa jina qhepakunku.

Jeremías 15:8

Warmisapakuna mama qochaj kantunpi t'iyu jina may chhika kanqanku. Kikin chawpi p'unchaypi mamankuman, wawankumanwan wañuchejta kachamusaj. Kaymanta jinalla paykunaj patankuman ñak'ariyta, mancharikuytawan urmachimusaj.

Jeremías 9:21

21 (20) Wañoyqa wasinchejkunaman yaykuykamun, kamachina wasimanpis. Callekunapi wawakunata wañuchin, plazakunapitaj waynakunata.

Deuteronomio 32:25

Ñankunapi wawanku espadawan wañuchisqa kanqanku, wasi ukhupitaj manchay manchachikuy kanqa. Waynakuna, sipaskuna, machu runakuna, ñuñoj wawakuna ima, tukuyninku wañuchisqa kanqanku.

Éxodo 22:24

24 (23) Chantá phiñakuyneyqa qankunaj contraykichejta k'ajarenqa, espadawantaj wañuchisqaykichej. Qankunaj warmiykichejtaj warmisapa rikhurenqanku, wawaykichejkunapis mana tatayoj rikhurenqanku.

2 Timoteo 4:14

Fierrota takaj Alejandroqa ashkha mana allinkunata ruwawarqa. Tukuyta Kamachej Diosrí payman ruwasqanman jina kutichiponqa.

Jeremías 12:3

Qantajrí, Tata Dios, allinta rejsiwanki. Imaynachus sonqoy qanpaj kasqantapis yachanki. Imaynatachus runa ovejata camalman qhatin, ajinallatataj chay runakunata apakapuy. Wañuchina p'unchaypajtaj señalaykuy.

2 Crónicas 36:17

Chayrayku Tata Diosqa Caldea suyuta kuraj kamachejtañataj paykunaj contrankupi kachaykorqa. Babiloniamanta soldadokunaqa Diospa Templonpa pationpi waynakunata espadawan wañucherqanku, manataj khuyarqankuchu waynakunata, sipaskunata, machu runakunata, nitaj allin achachikunatapis. Tata Diosqa tukuyninkuta Babiloniaj kuraj kamachejninpa makinman jaywaykorqa.

1 Samuel 15:33

Samueltajrí Agagta nerqa: Qanqa ashkha warmita mana wawayojta saqerqanki. Kunanqa ajinallataj mamaykipis qhepakonqa, nispa. Chayta niytawantaj, Samuelqa Tata Diospa ñawpaqenpi kuraj kamachej Agagta wañuchispa, Gilgal llajtapi chhikan chhikanta khuchurarqa.

Salmos 63:10

10 (11) Espadawan wañuchisqa kanqanku, k'ita alqokunataj ayankuta oqoykonqanku.

Isaías 9:17

17 (16) Chayrayku Tata Dios waynakunamanta mana kusikunchu, manataj khuyanchu wajcha wawakunamanta, nitaj warmisapakunamantapis. Tukuyninku millayta ruwajkuna, juchasapataj kanku, jinallataj tukuyninku millay imakunallata parlanku. Chay tukuywanpis, Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

Isaías 13:18

Medomanta soldadokunaqa arcowan flechaspa, waynakunata wañurachenqanku. Juch'uy wawakunamantapis mana khuyanqankuchu, nillataj wawakunata wañuchiymantapis llakikonqankuchu.

Jeremías 14:16

Pikunamanchus llullakuspa parlashanku, chay runakunapis maqanakupi chantá yarqhaywan wañonqanku, jinallataj warminku, churinku, ususinku ima. Ayankutaj Jerusalenpa callenkunapi wijch'urasqa kanqanku, manataj pipis paykunata p'ampaykoj kanqachu. Ajinamanta millay ruwasqankuman jina ñak'arichisqa kanqanku, nispa.

Jeremías 15:7

Noqa llajtakunaj punkunpi qanta jorkawan jina wayrachispa wijch'usqayki. Mana wawayojta, phirisqatataj saqesqayki, imaraykuchus millay ruwasqaykita mana saqeyta munarqankichu.

Jeremías 50:30

Chayraykumin wayna runankuna llajta ukhupi wañusqa urmaranqanku. Maqanakoj tukuy soldadonkunapis chay p'unchaypi wañuchisqa kanqanku. Noqa Tata Diosmin chayta nini.

Lamentaciones 1:15

Tukuyta Kamachej Diosqa jark'akuwaj wapu soldadoykunata wijch'un. Ashkha soldadotataj kachaykamuwan, wapu soldadoykunata wañurachinankupaj. Tukuyta Kamachej Diosqa uvatapis sarushanman jina, mana qharita rejsej sipasta jina Judá suyuta sarurparin.

Ezequiel 16:38

Casarakuspaña waj qhariwan khuchichakoj warmita jina jasut'isqayki, runa wañuchita jinataj. Sinch'i phiñakuyniypi, celosakuyniywantaj qanta wañuchisqayki.

Ezequiel 22:25

Kay suyupi kamachejkunaqa Diosmanta sut'inchajkuna leonkuna jina kanku. Qhaparispa, mithaspataj runakunata wañurachinku. Chay runakunaj qolqe waqaychanankuta, kapuyninkutawan suwanku. Jinallataj ashkha warmej qosankutapis wañurachinku.

Salmos 63:11

11 (12) Kuraj kamachejrí Diospa ruwasqanmanta kusikonqa. Pikunachus Diospa sutinpi tilojkunaqa takispa Diosta jatunchanqanku. Llullakojkunaj siminkutajrí wisq'asqa kanqa.

Isaías 9:16

16 (15) Chay kamachejkunaqa runakunata ch'awkiyaspa, pantay ñanta pusanku.