Jeremías 18:16 - DIOSPA QHELQACHISQ

¹⁶ Ajinamanta paykuna suyunkuta ch'inman tukucherqanku, wiñaypaj runaj asikunan kananpaj. Tukuy chayninta purejkuna t'ukuspataj, umankuta khiwirenqanku.

Qheshwa Biblia DC

¹⁶ Jinamanta jallp'ataqa uj ch'in pampaman tukurparichin, jinataj qhepampi qhepampi asipayasqallapuni kanampaj. Tukuy chayninta pasajkunaqa mancharisqas umankuta khiwirenqanku.

DIOSPA QHELQACHISQAN DEUTEROCANONICAL

¹⁶ Ajinamanta paykuna suyunkuta ch'inman tukucherqanku, wiñaypaj runaj asikunan kananpaj. Tukuy chayninta purejkuna t'ukuspataj, umankuta khiwirenqanku.

Jeremías 18:16 Referans Kwoze

Salmos 22:7

7 (8) Rikuwajkunaqa noqamanta alqochakuwanku, siminkuta llint'aykachaspataj, umankuta khiwinku.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 19:8

Kay llajtata ch'in raqayman tukuchisaj, tukuy t'ukunankupaj jina. Chantá tukuy chayninta purejkuna t'ukushaj qhepakonqanku, chay jina phirisqa kasqanta rikuspa.

San Mateo 27:39

Chaynejta purejkunataj umankuta khiwirispa, Jesusta mayta turiyarqanku.

Miqueas 6:16

Ajina kanqa, imaraykuchus Omrij ayllunpa jinallataj Ajabpa ayllunpa kamachisqankuta ruwarqanki. Imaynatachus paykuna purerqanku, qanpis ajinallataj purerqanki. Chayraykumin noqa qanta, qanwan tiyakojkunatawan ima runa alqochakunankupaj jina ruwasaj. Kay pachamanta tukuy runataj pisipaj qhawasonqanku, nispa.

Jeremías 50:13

Noqa phiñakusqayrayku Babilonia suyuta mana uj runayojta saqesaj, ch'in q'ara pampaman tukuchisqata. Tukuy chayninta pasajkunaqa t'ukuspa, alqochakonqanku, chay jina jasut'isqa kasqankuta rikuspa.

Jeremías 49:13

Noqa Tata Dios sutiyrayku tiluni: Bosra llajtaqa thuñisqa, ch'inpacha qhepakonqa, k'umuykachachisqataj, maldicisqataj kanqa. Wajkuna chayta rikuspa, manchachikonqanku. Chay waj llajtankunataj wiñaypaj raqayllaña kanqanku, nispa.

1 Reyes 9:8

Kay Templota raqayllamanña tukusqata rikuspa, chayninta tukuy rejkuna t'ukuspa, asikonqanku: Imajtintaj Tata Diosqa kay Templota, Israel suyutapis kay jinata ruwanri? nispa.

Marcos 15:29

Chaynejta purejkuna umankuta khiwirispa, Jesuspaj rimarqanku: Yaw, qan Templota thuñinaykita nisqanki, kinsa p'unchaypitaj watej sayachinaykita.

Isaías 37:22

Tata Diosqa Senaqueribpa contranta kay jinata nin: Kuraj kamachej Senaquerib, Sión llajtaqa sipas jina pisipaj qhawasunki, uyaykipitaj asiykukusunki. Jerusalén llajtaqa qhepaykimanta umanta khiwirispa, asiykukusunki.

Ezequiel 12:19

Jinaspataj, kay suyupi tiyakojkunata niy: Tukuyta Kamachej Tata Diosqa Jerusalenpi tiyakojkunaman, israelitakunamanpis kay jinata nin: T'antankuta may manchachikuywan mikhonqanku, yakutataj llakiywan mancha manchalla ujyanqanku. Ajina kanqa, imaraykuchus kallpaman atinikuspa millayta ruwasqankurayku, jallp'anku t'ajraman tukuchisqa kanqa, mana ima poqojtaj.

Ezequiel 6:14

Uray ladopi ch'in pampamanta wichaypi kaj Diblat llajtakama makiyta oqharisaj paykunata jasut'inaypaj. Maynejpichus tiyakunku, chay suyuta mancharina ch'inman tukuchisaj. Chaypachataj paykunaqa noqa Tata Dios kasqayta yachanqanku, nispa Tata Dios nin.

Jeremías 9:11

11 (10) Tata Dios nin: Jerusalén llajtata rumi qotuman tukuchisaj, k'ita alqokunaj tiyakunanman. Judá suyupi llajtakunata raqaykunaman tukuchisaj, manañataj pipis chaypi tiyakoj kanqachu, nispa.

Isaías 6:11

Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

Salmos 44:14

14 (15) Diosta mana manchachikojkuna asipayananta ruwawarqayku. Noqaykuta rikuspa, paykuna umankuta ikharispa, pisipaj qhawawayku.

Deuteronomio 29:23

23 (22) Tukuy suyu azufrella, kachilla, ruphasqa jallp'alla kasqanta rikonqanku. Chay jina jallp'api mana imatapis tarpuyta atenqankuchu, nitaj imapis poqoyta munanqachu. Ni qhorallapis wiñanqachu. Imaynatachus Tata Dios sinch'i phiñakusqanrayku Sodoma llajtata, Gomorrata, Admata, chantá Zeboyin llajtata ima chinkarparicherqa, ajinallataj suyuykichejta ch'inman tukuchenqa.

Deuteronomio 28:59

Tata Diosqa qanman, wawaykikunaman ima mana tukukoj nanaykunata, chantá mana jampiy atina millay onqoykunatawan kachaykamusonqa.

Levítico 26:43

Karuman wijch'usqa kasqaykichejrayku, jallp'aykichejqa saqerparisqa ch'inpacha kanqa. Chaypacha jallp'aqa mana samarisqanmanta samarenqa. Qankunataj millayta ruwaspa purisqaykichejmanta jasut'isqa kankichej, imajtinchus kamachisqaykunata qhesacharqankichej, nisqaytataj pisipaj qhawarqankichej.

Levítico 26:32

Llajtaykichejta ch'inman tukuchisaj, chayman awqaykichejkuna tiyakoj jamojkunataj t'ukushaj qhepakonqanku.

Salmos 109:25

Runaj alqorakunan kani, rikuwaspataj, umankuta khiwirispa asipayawanku.

Jeremías 42:18

Israelpa Tukuy Atiyniyoj Tata Diosnin nillantaj: Imaynatachus Jerusalenpi tiyakojkunaj contrankupi phiñakuyniy k'ajarerqa, ajinallatataj qankunaj contraykichejta k'arajta phiñakusaj, sichus qankuna Egiptoman ripunkichej chayqa. Qankunaqa tukuypa rikunanta maldicisqa kankichej, chaytaj mayta t'ukunapaj jina kanqa. Manañataj ni jayk'aj kay suyuta ujtawan rikunkichejchu, nispa.

Jeremías 44:12

Judamanta puchojkuna, pikunachus Egiptoman tiyakapoj ripuyta munarqankupuni, chaykuna Egipto suyupi espadawan chayrí yarqhaywan wañuchisqa kanqanku. Tukuyninku juch'uymanta, jatunkama wañuchisqa kanqanku maqanakupi, chayrí yarqhaywan, tukuypa rikunantataj maldicisqa, t'ukunapaj jina, may k'umuykachachisqataj kanqanku.

Jeremías 48:27

Moab, manachu qanqa Israelmanta alqochakorqanki? Payta chejnikuspataj, suwakunawanpis khuskachakunman jina Israelmanta parlaj kanki.

Jeremías 49:17

Tata Dios nillantaj: Edom suyoqa raqayman tukuchisqa kanqa. Tukuy chayninta purejkuna t'ukonqanku, chay jinata rikuspataj, asikonqanku.

Lamentaciones 1:12

Qankuna kay ñanta purejkuna, manachu sonqoykichej nanasunkichej noqata rikuwaspa? Sayarispa, qhawariwaychej. Kay ñak'arisqaymanta astawan sinch'i ñak'ariy kanmanchu? Kay jina ñak'ariyta Tata Dios k'arajta phiñakuspa, apachimuwan.

Ezequiel 27:36

Waj suyukunamanta ranqherokunapis rikususpa, asipayasonqanku. Cheqamanta mancharinapaj jinapuni kanki, manañataj ujtawan rikhurimuyniyojta chinkapunki, nispa.

Ezequiel 36:3

Chayrayku, runaj churin, sutiypi sut'inchaspa, niy: Israelpa orqonkuna, Tukuyta Kamachej Tata Dios kay jinata nisunkichej: Soldadokuna tukuynejmanta contraykichejta jamuspa, ch'inman tukuchisorqachej. Ajinamanta chay waj suyukuna dueñochakapusorqanku, runankunataj pisipaj qhawaspa, qankunamanta alqochakorqanku, nispa.

2 Crónicas 29:8

Chayrayku Tata Dios phiñasqa kashan Judá suyupaj, Jerusalenpajwan. Jinataj paykunataqa mancharisqa t'ukunapaj jina ruwarqa, runa asikunanpaj jina, chaytataj qankuna rikushankichej.

Jeremías 29:18

Paykunata maqanakuywan, yarqhaywan, onqoywan ima qhatiykachasaj. Kay pachapi tukuy suyu paykunata rikuspa, asipayanqanku, maldicisqa jina kasqankurayku. May suyumanchus paykunata ch'eqerqachisaj, chaypi p'enqayman churasqa kanqanku, runakunataj paykunaj sutinta oqharispa, ujkunata maldicenqanku.

Jeremías 51:37

Babiloniaqa raqayllamanña tukuchisqa kanqa, k'ita alqokunaj pakakunallankumanña, mana tiyakunapaj jinaman. Chantá tukuy runakuna chayta rikuspa, t'ukonqanku, mancharikonqankutaj.

Jeremías 51:43

Chay llajtankunaqa ch'inman tukonqanku, ch'aki jallp'aman, ch'in pampaman ni pejpa tiyakunanpaj jina, nitaj pipis chayninta purenqañachu.