Jeremías 17:9 - DIOSPA QHELQACHISQ

⁹ Runaj sonqonqa tukuy imamanta nisqaqa aswan ch'awka chantá millaytaj, nitaj chaypaj jampi kanchu. Pitaj chay sonqota rejsinmanri?

Qheshwa Biblia DC

⁹ Mana imapis runaj sonqon jina ch'aukaqa kanchu, nitaj millayta ruwajpis. Pitaj chayta rejsiyta atinmanri?

DIOSPA QHELQACHISQAN DEUTEROCANONICAL

⁹ Runaj sonqonqa tukuy imamanta nisqaqa aswan ch'awka chantá millaytaj, nitaj chaypaj jampi kanchu. Pitaj chay sonqota rejsinmanri?

Jeremías 17:9 Referans Kwoze

San Mateo 15:19

Runaj sonqon ukhumanta kay imakuna llojsimunku: Millay yuyaykuna, runa wañuchiykuna, khuchichakuspa qhenchachakuykuna, khuchichakuykuna, suwakuykuna, llullakuykuna, Diospa contranta rimaykuna ima.

Eclesiastés 9:3

Kay pachapi tukuy ima kasqanmanta kaymin mana allinchu: Tukuypaj tukukunankoqa uj rejllapuni. Ajina kashajtinpis, runa kawsanankama sonqonqa millay kawsaywan junt'a, wampu kaytaj umanpi junt'a kashan. Chaymantataj wañupojtin, payta aya p'ampanapi p'ampanqanku.

Proverbios 28:26

Pichus payllapi atinikojqa wampumin. Yachaywan imatapis ruwajrí allillanpipuni kanqa.

Hebreos 3:12

Chayrayku wawqe panakuna, sumajta qhawakuychej. Ama pipis qankunamanta mana allin sonqo, nitaj Diospi mana atinikuyta munaj sonqoyoj kachunchu, ajinamanta kawsashaj Diosmanta karunchakunanpaj.

Génesis 6:5

Tata Diosrí rikorqa kay pachapi runakunaj millayta ruwasqanku anchañapuni kasqanta. Jinallataj Tata Dios yacharqa runakuna qhepanejman millayta ruwaspa purinallapipuni yuyasqankuta.

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

San Mateo 13:15

Kay runakunaj sonqonqa rumiyasqa, ninrinkupis lojt'uyachisqa. Ñawinkutapis wisq'allankutaj ama rikunankupaj. Paykunachus ñawinkuwan qhawankuman, ninrinkuwan uyarinkuman, tukuy sonqotaj kutirikamuwankuman chayqa, chaypacha noqaqa paykunata qhaliyachiyman, nispa.

Jeremías 16:12

Qankunatajrí ñawpa tataykichejkunamanta nisqaqa aswan millayta ruwarqankichej, imaraykuchus sapa ujniykichej k'ullukuspa, sonqoykichejpa millay munayninman jinalla ruwarqankichej. Manataj noqata kasuwarqankichejchu.

Salmos 51:5

5 (7) Paqarisqaymantapacha juchallinaman aysasqa sonqo kasqayta yachani. Mamaypa wijsanmantapacha noqa juchasapa kani.

Marcos 2:17

Jesustajrí chayta uyarispa, nerqa: Qhalilla kajkunaqa jampikamayojta mana wajyanankuchu tiyan, manachayqa onqosqa kajkunalla. Noqaqa mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata, nispa.

Romanos 1:21

Ajinata Diosta rejsishaspapis, paykuna mana Diosta jinachu payta jatuncharqanku, nitaj pachis nerqankuchu. Astawanqa Diosmanta qhasi manakaj yuyanata wakicherqanku. Ajinata yuyasqankuraykutaj yuyayninku laqhayachisqa karqa, chantá uma muyusqa jina karqanku.

Romanos 7:11

Chayqa ajina, imaraykuchus jucha kamachisqamanta valekuspa, q'otiyawarqa, chay kamachisqanejtataj jucha wañuchiwarqa.

Efesios 4:22

Chayrayku ñawpajta imaynatachus kawsaj kankichej, chayta saqespa, juchallispa purinaman qosqa sonqota wijch'uychej. Chay sonqoqa sajra munayninpa atipasqan, q'otiyasqantaj.

2 Samuel 11:15

Chay cartapitaj nerqa: Uriasta ñawpaj puntapi sinch'i maqanaku kashan, chayman churaychej, chantá sapanta saqerpariychej chaypi wañuchinankupaj, nispa.

Isaías 1:5

Tata Diospa contranpipuni oqharikuyta munajkuna, imajtintaj ñak'arichisqallapuni kayta munankichejri? Tukuy umaykichejqa k'irisqa, tukuy ukhuykichejpis nanasqa.

Isaías 1:6

Chakiykichejmanta umaykichejkama k'irisqa kankichej, q'eyayasqa, punkisqa, aycha khallasqa ima. Ni pi jampiykusunkichejchu, nitaj mayt'usunkichejchu, nillataj aceitewan jawiykusunkichejchu k'irisqa kasqaykichej thañinanpaj.

Isaías 6:10

Kay runakunaj sonqonkuta rumiyachiy, ninrinkutapis wisq'aykuy, ñawinkutapis ñawsayachiy. Ajinamanta ñawinkuwan mana rikonqankuchu nitaj ninrinkuwan uyarenqankuchu, manallataj entiendenqankuchu. Ajinamanta mana noqaman kutirikamonqankuchu qhaliyachisqa kanankupaj, nispa.

Salmos 64:7

7 (8) Chaywanpis Diosqa paykunatañataj flechanwan kachaykonqa, kaymanta jinallataj paykunata k'iriykonqa.

Jeremías 7:24

Chaywanpis paykuna mana kasuwarqankuchu, nitaj uyariwarqankuchu. Manachayqa rumi sonqo kayninkuwan apachikorqanku, jinallataj sonqonkoj millay ruwayta munasqanwan ima. Noqaman kutirikamunawankutaqa wasanchawarqanku.