Jeremías 17:3 - DIOSPA QHELQACHISQ

³ Jinallataj campopi, orqokunapi ima kashanku. Juchallisqaykirayku qhapaj tiyapuyniykita, valorniyoj kapuyniykita ima apakapunankupaj wajkunaman jaywaykusaj. Loma patapi yupaychana cheqakunatapis suwanankupaj jaywaykullasajtaj.

Qheshwa Biblia DC

³ Chay campo orqospi kasharqa chaykunamantapis. Juchasniykirayku saqesaj tukuy qhapaj kajkunasniykita, k'acha imasniykipis suwaqas kanankuta. Jallp'aykipi tukuy yupaychana orqosniykitapis qhechusonqanku.

DIOSPA QHELQACHISQAN DEUTEROCANONICAL

³ Jinallataj campopi, orqokunapi ima kashanku. Juchallisqaykirayku qhapaj tiyapuyniykita, valorniyoj kapuyniykita ima apakapunankupaj wajkunaman jaywaykusaj. Loma patapi yupaychana cheqakunatapis suwanankupaj jaywaykullasajtaj.

Jeremías 17:3 Referans Kwoze

Jeremías 15:13

Israel, tukuy juchaykiraykumin awqaykej makinman jaywaykusaj tukuy qolqeykita, valorniyoj kapuyniykita, tukuy imachus jallp'aykipi kajtawan ima. Tukuyninta paykuna apakapunankupaj jaywaykusaj.

Jeremías 26:18

Judá suyuta kuraj kamachej Ezequías kamachishajtin, Moreset llajtayoj Miqueas Tata Diospa sutinpi tukuy Judamanta runakunaman kay jinata parlasqa: Tukuy Atiyniyoj Tata Dios nin: Sionqa llank'ana jallp'aman tukonqa, Jerusalentaj raqayman. Diospa Templon kashan, chay orqopitaj ch'umi wiñaykonqa, nispa.

2 Reyes 24:13

Nabucodonosorqa Tata Diospa Templonmanta, chantá kuraj kamachejpa wasinmanta ima valorniyoj imakunata orqhospa, apakaporqa. Jinallataj Salomón Templopaj imatachus qorimanta ruwachisqanta p'akirarqa. Ajinata Tata Diospa nisqan junt'akorqa.

Miqueas 3:12

Chayrayku juchaykichejrayku, Sión orqopi Jerusalén llajta barbechoman tukonqa, raqayllamantaj. Maypichus Diospa Templon kashan, chay orqotapis ch'umilla p'ampaykonqa.

Ezequiel 16:39

Paykunaj makinkuman jaywaykusqayki, paykunataj khuchichakunayki cheqakunata, chantá lanti yupaychanayki cheqakunatawan thuñiykonqanku. Chantá p'achaykikunata lluch'usonqanku, walqaykikunata qhechuspataj, q'alallata saqerpayasonqanku.

Ezequiel 6:3

Israelpi orqokuna, lomakuna, vallekuna, mayukuna ima, uyariychej imatachus Tukuyta Kamachej Tata Dios nisqanta: Maqanakuta qankunaman apachimusqaykichej, lanti yupaychanaykichejtataj thuñirasaj.

Lamentaciones 1:10

Awqankoqa Jerusalenpata qhapaj imankunata jap'ikapun. Jerusalenqa qanta mana manchachikoj runakunata rikorqa Temploykiman junt'aykojta, pikunatachus mana Temploykiman yaykunankuta nerqanki, chaykunata.

Jeremías 12:12

Tukuy ch'in orqokunapi tukuy imata phirej wapu soldadokuna jamorqanku, imaraykuchus noqa Tata Diospa espaday tukuy runata wañurachin, kay suyoj ujnin k'uchunmanta ujnin k'uchunkama. Jinataj allin kawsay mana pipajpis kanchu.

Isaías 27:9

Ajinamanta Jacobpa millay ruwasqan pampachasqa kanqa. Chay runakunaj juchanku pampachasqa kasqanmantataj paykuna kayta ruwanqanku: Lantikunaj altarninkoj tukuy ruminta, cal rumita jina ñut'usqata ruwanqanku. Lanti Asera k'ullukunatapis manaña sayajta saqenqankuchu, nitaj lantiman inciensota q'oshñichina altarkunatapis.

Levítico 26:30

Noqataj orqo patapi lanti yupaychana wasiykichejta thuñirasaj, incienso q'oshñichina altarniykichejtapis loqherasaj. Qankunaj ayaykichejtaqa mana kawsayniyoj lantiykichejpa patanman tawqasaj. Qankunamantataj millachikusqaykichej.

Salmos 78:58

Paykuna loma patapi lantikunata yupaychanapaj altarkunata ruwaspa, chantá lantikunata yupaychaspa ima, Diosta phiñacherqanku.

Jeremías 20:5

Jinallatataj kay llajtapi kaj tukuy imata Babiloniaman apanankupaj jaywaykullasajtaj: Judapi kuraj kamachejpa tukuy qhapaj tiyapuyninta, tukuy ima tarisqankuta chantá valorniyoj kapuyninta ima apakaponqanku.

Sofonías 1:13

Chayrayku tiyapuyninkutaqa suwakuna qhechonqanku, wasinkutaj laqayaman tukuchisqa kanqa. Wasitapis ruwakonqanku, manataj chaypi tiyakonqankuchu. Uvatapis mallkenqanku, poqoyninmantataj mana vinota ujyanqankuchu, nispa. Ajinata Tata Dios nin.

Jeremías 21:13

Jerusalén llajta, mayqenchus pampapi chhanka jina kay vallepi kashanki, chay. Noqa Tata Dios contraykipi kashani. Qankunaqa nishankichej: Pitaj maqanakoj yaykumuwasunmanri? Pitaj pakakunanchejman chayamunmanri? nispa.

Ezequiel 23:46

Chayrayku Tukuyta Kamachej Tata Dios kay jinata nin: Noqa chay warmikunaj contrankupi ashkha runata tantaykamusaj, mancharichinankupaj, tukuy imankutataj suwanankupaj.