Jeremías 17:2 - DIOSPA QHELQACHISQ

² Wawaykikunaqa altarninkumanta yuyarikunku, Asera lantita yupaychana k'ullumanta ima. Chaykunaqa thansarara sach'akunaj qayllanpi kashanku, chay orqokunaj patanpi ima.

Qheshwa Biblia DC

² Wawasniyki yuyarikunku altaresmanta, chay yupaychana k'ullusninkumantataj, chay ch'ampa sach'aswan khuska kasharqa chaykunamanta, jinataj chay orqo pataspi kasharqanku chaykunamantapis.

DIOSPA QHELQACHISQAN DEUTEROCANONICAL

² Wawaykikunaqa altarninkumanta yuyarikunku, Asera lantita yupaychana k'ullumanta ima. Chaykunaqa thansarara sach'akunaj qayllanpi kashanku, chay orqokunaj patanpi ima.

Jeremías 17:2 Referans Kwoze

2 Crónicas 24:18

Chayrayku ñawpa tatankoj Tata Diosninpa Templonta saqerparispa, Asera lantikunata, waj lantikunatawan yupaycharqanku. Chay juchankuraykutaj Judamanta kajkunapaj, Jerusalenmanta kajkunapajpis Tata Dios phiñakorqa.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Isaías 17:8

Manaña lantikuna yanapananta mask'anqankuchu, nitaj makinkuwan ruwasqa lantikunata yupaychanqankuchu, nillataj k'ullu lantikunatapis. Manañataj k'ullumanta Asera lantikunata yupaychanqankuchu, nitaj maypichus lantikunaman inciensota q'oshñichinku, chay altarkunamanpis k'umuykukonqankuchu.

Isaías 1:29

Chantá qankunaqa encina sach'akunata chay jinatapuni yupaychasqaykichejmanta p'enqachikunkichej. Jinallataj mayqen huertatachus lantikunata yupaychanaykichejpaj ajllasqaykichejmantawan p'enqakullankichejtaj.

2 Crónicas 33:3

Tatan Ezequías loma patapi chay lanti wasikunata thuñichisqa. Manasestajrí chaykunata watej ruwacherqa. Jinallatataj Baal lantikunapaj, Asera lantikunapajpis altarkunata ruwacherqa. Payqa janajpi kaj tukuy ch'askakunatapis yupaycharqa, chaykunaj ñawpaqenpipis k'umuykorqa.

Jueces 3:7

Israelitakunaqa Tata Diosta qonqayman churaspa, paymanta karunchakorqanku, yupaycharqankutaj Baalpa lantinkunata, Aseraj lantinkunata ima.

Ezequiel 20:28

Noqaqa tiluspa, chay cheqata paykunaman qonayta nerqani. Chayman pusaykojtiytajrí, paykunaqa tukuy orqokunata, chayrí tukuy thansa sach'akunata rikuytawan, chaypi uywa wañuchisqata q'olacherqanku, jinataj jaywanatapis jaywarqanku. Ajinata lantinkukunata yupaychaspa, mayta phiñachiwarqanku. Chayllapitaj k'achituta q'apaj inciensota q'oshñicherqanku, vinowantaj ch'allaykorqanku.

Jeremías 7:18

Wawakunaqa llant'ata pallanku, tatakunataj ninata jap'ichinku. Warmikunatajrí masata puñanku tortillata ruwanankupaj. Chantá Janajpi Qoya, nisqa lantiman chayta jaywanku. Jinallataj mana rejsisqa dioskunaman vinotapis jaywanku, chayta ruwaspataj, noqata phiñachiwanku.

Salmos 78:58

Paykuna loma patapi lantikunata yupaychanapaj altarkunata ruwaspa, chantá lantikunata yupaychaspa ima, Diosta phiñacherqanku.

2 Crónicas 33:19

Diosmanta mañakusqan, Dios payta uyarisqan, tukuy juchallisqan, Diosta qhesachasqan, loma patapi lanti wasikunata jatarichisqan, jinataj maykunapichus churarqa Asera lantikunata, waj lantikunatawan, manaraj Diosman k'umuykushaspa, tukuy chaykunamantaqa Diosmanta sut'inchajkunaj qhelqankupi qhelqasqa kashan.

Éxodo 34:13

Manachayqa altarninkuta thuñirankichej, yupaychananku rumitapis, yupaychananku k'ullutapis phirinkichej.

Jeremías 3:6

Kuraj kamachej Josías kamachishajtin, Tata Dios nillawarqataj: Mana kasukoj Israel ayllu imatachus ruwasqanta rikunkichu? Payqa tukuy orqo patapi khuchichakunaman qokorqa, jinallataj tukuy thansarara sach'a urapipis khuchichakullarqataj.

Jeremías 3:23

Cheqapuni qhasi kasqa orqo pataman lantikunata yupaychaj wicharisqaykoqa, jinallataj orqokunapi qhaparqachasqaykupis. Diosniyku Tata Diosllamin Israel suyuta yanapawasqayku.

Deuteronomio 12:2

Chay jallp'aman yaykuspaqa, chaypi llajtayojkunaj lantinkuta, chantá yupaychananku cheqakunata phirinkichej. Jinallataj jatuchaj orqokunapi, lomakunapi, chantá thansarara sach'a urapi kajkunata ima phirillankichejtaj.