Biblia Todo Logo
Bib sou entènèt

- Piblisite -




Jeremías 16:11 - DIOSPA QHELQACHISQ

11 Qantaj paykunaman kutichinki: Tata Dios kay jinata nin: Kay tukuy ima qhatirisunkichej, imaraykuchus ñawpa tataykichej saqerpariwarqanku, waj dioskunaj qhepankutataj riporqanku. Chantá chaykunata yupaychaspa, sirverqanku. Noqata saqerpariwaspataj, kamachisqayta mana junt'arqankuchu.

Gade chapit la Kopi

Qheshwa Biblia DC

11 Qantaj paykunaman kutichinki: Señorqa nillantaj: Kay tukoyqa qhatirisunkichej ñaupa tatasniykichej saqerpayawarqanku, waj dioskunata, qhepantataj riporqanku yupaychaykunasta qonankupaj; noqata saqerpariwarqanku, manataj junt'arqankuchu chay noqaj yachachisqasniyta.

Gade chapit la Kopi

DIOSPA QHELQACHISQAN DEUTEROCANONICAL

11 Qantaj paykunaman kutichinki: Tata Dios kay jinata nin: Kay tukuy ima qhatirisunkichej, imaraykuchus ñawpa tataykichej saqerpariwarqanku, waj dioskunaj qhepankutataj riporqanku. Chantá chaykunata yupaychaspa, sirverqanku. Noqata saqerpariwaspataj, kamachisqayta mana junt'arqankuchu.

Gade chapit la Kopi




Jeremías 16:11
21 Referans Kwoze  

Qankuna may chhika unaytaña Dioswan churanakojkuna jinallataj ruwaspa purerqankichej. Chaypacha purej kankichej sajra purikuypi, khuchiriyopi, machakuykunapi, machasqamanta imaymanata ruwanapi, millay lantikunata yupaychanapi ima.


Chantapis pikunachus millayta ruwaspallapuni purenqanku, chantá millay lantikunata yupaychanqanku chayqa, chay runakunata ruwasqankuman jina jasut'isaj. Noqa Tukuyta Kamachej Tata Diosmin chayta nini.


Paykunataj kutichenqanku: Imaraykuchus paykunaqa Diosninku Tata Diospa trato ruwasqanta saqerparispa, waj dioskunata yupaycharqanku, sirverqankutaj, chayrayku, nispa.


Chantá paykuna israelitakunaj tullunkukunata intej, killaj chantá ch'askakunaj ñawpaqenpi wijch'onqanku, imaraykuchus israelitakuna janajpi imakunata munakuspa, munayninkuta ruwarqanku, qhaterqanku, tapukorqanku, yupaycharqankutaj. Chay tullukunata mana pipis p'ampanqachu, manachayqa wanu jina pampapi qhallisqa wijch'urayanqa.


Chantá kutichenqanku: Paykunaqa, pichus ñawpa tatankukunata Egiptomanta orqhomorqa, chay Tata Diosninkuta saqerparerqanku. Waj dioskunaman makinkuta oqharerqanku, qonqorikuspataj, paykunata yupaycharqanku. Chaymantamá Tata Diosqa paykunaman kay tukuy sajra imakunata apachimun, nispa.


14 (13) Manachayqa tatankoj yachachisqanta ruwarqanku. Baal lantikunata yupaycharqanku, ch'ichi sonqonkoj yuyasqantataj ruwarqanku.


Sacerdotekunaqa mana tapukorqankuchu: Maypitaj Tata Dios kashanri? nispa. Kamachisqayta yachachejkunapis mana rejsikapuwarqankuchu. Kurajkunapis contraypi oqharikorqanku. Sut'inchajkunapis Baalpa sutillanpi parlarqanku, chay qhasi manakaj lantikunaj qhepankuta ripuspa.


Chantá kutichenqanku: Egipto suyumanta ñawpa tatankunata orqhomoj Tata Diosninkuta saqerparisqankurayku, waj dioskunaman kutirikuspa yupaycharqanku. Chayraykumá Tata Diosqa paykunaman chay jina jatun llakiyta kachaykamun, nispa nenqanku.


Tata Dios kay jinata nillantaj: Judamanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus paykunaqa noqa Tata Dios imatachus yachachisqayta pisipaj qhawarqanku, manataj kamachisqayta kasorqankuchu. Manachayqa tatankoj yupaychasqanku lantikunallatataj paykunapis yupaycharqanku.


Qankunaqa ñawpa tataykichej jina kamachisqaymanta karunchakorqankichej, manataj kamachisqayta kasuyta munarqankichejchu. Kunanrí noqa Tukuy Atiyniyoj Tata Dios niykichej: Noqaman kutirikamuwaychej, noqapis qankunaman kutirimullasajtaj, nispa. Qankunatajrí ninkichej: Imaraykutaj ninki qanman kutirikunayku kasqantari? nispa.


Chaymantataj israelitakunaqa Tata Diospa mana munasqan millaykunata ruwarqanku. Baalman rijch'akoj tukuy imaymana lantikunata yupaychayta qallarerqanku.


Sitajchus tapukunkichej: Imaraykutaj kay llakiy qhatiriwan? nispa chayqa, allinta yachaychej jatunta juchallikusqaykichejrayku chay chayamusqanta. Chayraykumin chay awqakuna p'achaykichejta q'ollurispa, qankunamanta alqochakusonqanku.


Chay karqa paykuna mana allinta ruwasqankurayku. Paykunaqa waj dioskunata yupaychaspa, inciensota q'oshñichispa ima phiñachiwarqanku, mayqenkunatachus mana ñawpa tataykichejkuna nitaj qankunapis rejserqankichejchu, chay lantikunaman.


Tatayku mamayku juchallikorqanku, wañuraporqankutaj. Juchallisqankurayku jasut'itajrí noqaykuman chayamuwayku.


Swiv nou:

Piblisite


Piblisite