Jeremías 15:8 - DIOSPA QHELQACHISQ

⁸ Warmisapakuna mama qochaj kantunpi t'iyu jina may chhika kanqanku. Kikin chawpi p'unchaypi mamankuman, wawankumanwan wañuchejta kachamusaj. Kaymanta jinalla paykunaj patankuman ñak'ariyta, mancharikuytawan urmachimusaj.

Qheshwa Biblia DC

⁸ Paykuna ukhupi saqerqani viudasta, mar qochaj t'iyusninta jina ashkhata. Kikin chaupi p'unchaypi chinkachejta apachimorqani, wayna wawasniyoj mamaspa patanman, kaymanta jinalla paykunaj patankuman ñak'ariyta, mancharikuytawan.

DIOSPA QHELQACHISQAN DEUTEROCANONICAL

⁸ Warmisapakuna mama qochaj kantunpi t'iyu jina may chhika kanqanku. Kikin chawpi p'unchaypi mamankuman, wawankumanwan wañuchejta kachamusaj. Kaymanta jinalla paykunaj patankuman ñak'ariyta, mancharikuytawan urmachimusaj.

Jeremías 15:8 Referans Kwoze

Isaías 3:25

Jinallataj llajtamanta qharikunaqa espadawan wañuchisqa kanqanku. Soldadokunapis maqanakupi wañonqanku.

San Lucas 21:35

Chay p'unchayqa tukuy kay pachapi kawsajkunata tojlla jina mana yuyasqallamanta jap'enqa.

Jeremías 5:6

Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

Jeremías 4:16

Suyukunaman, chantá Jerusalenmanpis willaychej karu llajtamanta awqankuna kachaykakamusqankuta. Tukuy Judá suyupi llajtakunaj contranta maqanakunapaj qhaparishanku.

Isaías 3:26

Llajtapi kaj chhika runakuna mayta waqanqanku, llakiy p'achatataj churakonqanku. Chay llajtataj saqerpayasqa qhepakonqa, imaynatachus alqochasqa warmi pampapi k'umuykusqa qhepakun, ajina.

Isaías 4:1

Chay p'unchaykunapi pisi qharikuna kanqanku. Chayrayku qanchis warmikuna uj qharillaman ch'ipakuspa, nenqanku: Noqaykoqa mikhunallaykumanta mikhusqayku, p'achallaykuwantaj p'achallikusqayku. Chaywanpis noqaykuwan casaraspa, warmiykipaj rejsikapuwayku, ama p'enqaypi warmisapa qhepakunaykupaj, nispa.

Jeremías 16:3

Noqa Tata Dios willasqayki, kay suyupi paqarikoj wawakunata, jinallataj tatankutapis, imachus qhatirinanta.

Jeremías 18:21

Kunantajrí wawankuta yarqhaywan wañuchiy, chayrí espadawan. Warminkupis warmisapa qhepakuchunku, mana wawayojtaj. Qosankupis millay onqoywan wañuchunku. Wayna wawankupis maqanakupi wañuchisqa kachunku.

Jeremías 22:7

Tukuchisunankupaj sumaj armasqa soldadokunata contraykipi kachamusaj. Paykunataj cedromanta sayantaykikunata urmachispa, ninaman enqhaykonqanku.

Lamentaciones 5:3

Mana tatayoj wajcha wawakuna jina rikhuriyku, mamaykukunapis warmisapa jina qhepakunku.

Ezequiel 22:25

Kay suyupi kamachejkunaqa Diosmanta sut'inchajkuna leonkuna jina kanku. Qhaparispa, mithaspataj runakunata wañurachinku. Chay runakunaj qolqe waqaychanankuta, kapuyninkutawan suwanku. Jinallataj ashkha warmej qosankutapis wañurachinku.

Oseas 4:5

Qankunaqa sut'i p'unchaypi urmankichej, tutantaj noqamanta sut'inchajkunapis qankunawan khuska urmallanqankutaj. Mamaykichejtapis chinkarparichisaj.

Jeremías 6:26

Ayllúy, qhashqa p'achata churakuy, ushphapitaj qhoshpaspa, llakiyniykita rikuchiy. Luto p'achata churakuspa, sonqo nanayta waqay, imaynatachus pipis uj k'ata wawan wañupojtin waqan, ajinata, imaraykuchus wañuchejkuna contraykipi ñapis jamonqankuña, nispa.